Basef Amama Pol Nandaꞌam Mafeꞌma Esis Romi 7:6 - Basef Buꞌwami Godi

⁶ Ea' ape' dei' maga' maloma Krais makwaha amamaga mowa'apa la'ifipa. Ea' mi'uli anama ina ata' nowa'apa wapoti', owa'. Mape wafifipa. Dei' ape' ina ata' manda' maol maila mi'uli anama amam manda'ana nail buki, owa'. Ape' manda' maola waf dambainai Ambal Bu'unai Godi nanda'anai.

Basef Amama Pol Nandaꞌam Mafeꞌma Esis Romi 7:6 Iomraidhean Croise

Basef Amama Pol Nandaꞌam Mafeꞌma Esis Romi 1:9

God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.

Basef Amama Pol Nandaꞌam Mafeꞌma Esis Romi 12:2

Ipe' ina pepe na'ama etin si'i saila waf etapanai, owa'. Ipe' pi'i aho'ma God nonda' ukup ipe'imi nomon motaga dambaima waf ipe'inai notaga dambaina wapoti'. Penda'ama pegawa waf endilisinai God okom na'ianai. Waf anama bu'unai atona.

Basef Amama Pol Nandaꞌam Mafeꞌma Esis Romi 6:11

Ea' na'ama etina ipe' wapoti' ukup mopoma ipe' pakwaha waf aonai si'i epes saga'i. Ipe' ukup mopoma ipe' pape la'ifipa paloma Krais Jisas pape namipei paloma God.

Basef Amama Pol Nandaꞌam Mafeꞌma Esis Romi 6:19

Ukup ipe'imi ina dei' la'ifim, owa'. Amama atom dei' aila ukup ape' epesi a'iam alihim a'i. Fowa' ipe' ata' pase' alop ipe'inai wa'ana pape owina waf aonai naninani naloma waf hianai sosambala mi'uli Godi ea' nandepa panda'ana. Ea' dei' peso' alop wa'ana hi'ilana pepe owina waf bu'unai ma pepe epes Godi etipa.

Basef Amama Pol Nandaꞌam Mafeꞌma Esis Romi 6:2

Owa'etin. Waf aonai atotona, dei' ape' maga'. Dei' maina ape' ata' monda' waf aonai atona? Owa'etin, hapainai.

Basef Amama Pol Nandaꞌam Mafeꞌma Esis Romi 6:22

Ea' dei' God natagahepa ma waf aonai nanda'epa pape panda' maola anan pape owina anan la'ela'ef. Maol anama nola gwa'aimi amama. Ipe' pepe bo'wepa ananipei etipa ma pefa' ambal namunai pepe andeande' la'ela'ef.

Basef Amama Pol Nandaꞌam Mafeꞌma Esis Romi 6:4

Baptais anama ape' la'ifipa maloma ga' Jisasi, God nawapa maloma Krais hi'agif. Pepel bu'unai Ahalomanai atona nafela Krais nohafel hi'agif. Ea' na'ama etina ape' mohafel wapoti' mape la'ifipa manda' waf dambainai ma ambal namunai etap anae'.

Basef Amama Pol Nandaꞌam Mafeꞌma Esis Romi 7:1

Ipe' alupipei, ipe' pegawa mi'uli ma waf daso'amainai ea'. Ea' pegawa andeande'ma basef amama dei' a'ipipami. Nogota anama epen ata' nape namin, enin ata' nape owina mi'uli anama.

Basef Amama Pol Nandaꞌam Mafeꞌma Esis Romi 7:2

Basef ofagema ma mi'uli anama amama. I'i ano'w nemata'w kwaso' amani, ma anan ata' nopan namunai, mi'uli anama ata' newa'ana naloma akwa'w ata' sape etifis. I'i waulunama'w noga', mi'uli anama newa'asi pele'atana kwape wafifi'w.

Basef Amama Pol Nandaꞌam Mafeꞌma Esis Romi 7:4

Ipe' alupipei ae'ipei, ae' a'i i'ipipa basef amama ofagema. Ape' hiapai mape la'ifipa maloma Krais ea' amama atom dei' maga' ea'. Dei' mi'uli anama God fowa' nase' Mosesanai ina ata' nowa'apa la'ifipa wapoti', owa'. Ape' mape la'ifipa paloma Jisas aman God nafelona nohafel hi'agif wapoti' ea' monda' maol ananinai atona.

2 Korin 3:6

Ea' anan atona nanda'afa la'ififa ma wanda' maola eaf basef dambaimi God na'i endilisimi atom. Basefa mi'uli anama ina sanda'am mail pas atom, owa'. Amama Ambal Bu'unai Ananinai nawalapami. Basef sanda'am mail pas atom maha epes saga', ea' Ambal Bu'unai Ananinai nanda'as sofa' ambal namunai sope namis.

2 Korin 5:17

Emi egafis sope soloma Kraisi, God nanda' esis sataga dambais endilisi. Dei' peme' andeande'. Waf anama apinai asasinai hi'alana. Dei' saila waf dambainai.

Galesia 3:13

Ea' Krais natagahepa ma okom wandafunai Godi nape mi'uli ananinai. God nanda' nimanimi ma awami ape' manda'ami hiami nakolasom mafe'ma anan atona, ea' ofagema amama mapoma anan atona nofa'am. Dei' main, basef mail Baibeli ma'i, “Emi egafis saundas sahas sail lawah usi'imi tu'wanaimi, amama atom sape owina okom wandafunai Godi.”

Galesia 6:15

Waf anama matopa' alop o owa' motopa' alop, anama falafunai atona. Ea' God nanda'apa mataga dambaipa, waf anama endilisinai.

Efesus 4:24

pefa' opaf dambainai. God nanda' opaf anama dambainai nataga si'i anan atona ma waf bu'unai endilisinai.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

Kolosi 3:10

Ea' anan nanda'epa pataga dambaipa la'ela'ef ma petaga na'ama etin si'i Anan nape, Anan nanda' opaf anama namunai ma ape' mogawana endilisi.