Basef Amama Pol Nandaꞌam Mafeꞌma Esis Romi 7:4 - Basef Buꞌwami Godi

⁴ Ipe' alupipei ae'ipei, ae' a'i i'ipipa basef amama ofagema. Ape' hiapai mape la'ifipa maloma Krais ea' amama atom dei' maga' ea'. Dei' mi'uli anama God fowa' nase' Mosesanai ina ata' nowa'apa la'ifipa wapoti', owa'. Ape' mape la'ifipa paloma Jisas aman God nafelona nohafel hi'agif wapoti' ea' monda' maol ananinai atona.

Basef Amama Pol Nandaꞌam Mafeꞌma Esis Romi 7:4 Iomraidhean Croise

Matyu Nandaꞌafi 26:26

Jisas nalomam ata' mape ma' gwa'aimi etin, nafela anona bret, nanda' beten nanifela God, nawalona nase'am na'ipam na'i, “Ipe' felana pea'ana. Bret anama alop ae'anai.”

Mak Nandaꞌafi 4:20

Ea' anom mowa etap bu'unai si'i epes isima same' basef bu'wami sembale'am sanda' waf bu'unai. Enis si'i mola gwa'aimi 30-peleim, enis si'i mola 60-peleim, ea' enis si'i mola 100-peleim.”

Jon Nandaꞌafi 15:8

I'i ipe' pela gwa'aimi hiami, Ahalome ae'anai nofa' agel lu'unai. Ama pihi'amba amam nematawa hiesi ipe' pepe alupipei Ae'ipei.

Jon Nandaꞌafi 3:29

I'i anona aman nese' ano'w nemata'w, nemata'w akwama ea' anani'wi nase'akwi. Ea' alupunai aman anama nendanifela naitu name' basefa aman anama dei' nase'akwi nafi'i. Dei' na'ama etina ae' andanifel endilisi ma okom ae'anai, andanifela Dembinai Jisas.

Jon Nandaꞌafi 6:51

Ae' si'i bret ambal namunai napaiwei akwaha heven isila'i ape etap anae'. Emi egafis sea' bret anama, esis sope andeande' la'ela'ef hihif. Bret anama ae' nambimb iese'esana, amama alop ae'anai eso' amam nematawa etapasi ma sofa' ambal namunai sope andeande' la'ela'ef hihif.”

Basef Amama Pol Nandaꞌam Mafeꞌma Esis Romi 6:11

Ea' na'ama etina ipe' wapoti' ukup mopoma ipe' pakwaha waf aonai si'i epes saga'i. Ipe' ukup mopoma ipe' pape la'ifipa paloma Krais Jisas pape namipei paloma God.

Basef Amama Pol Nandaꞌam Mafeꞌma Esis Romi 6:14

Ipe' pegawa waf aonai ina ata' nape lu'unama ipe' wapoti', owa'. Dei' main, ipe' dei' ina ata' pape owina mi'uli anama God fowa' naso' Mosesanai ma pilana, owa'. Ipe' pape owina waf Godi atona okom nainailapa ma nandahomapa.

Basef Amama Pol Nandaꞌam Mafeꞌma Esis Romi 6:2

Owa'etin. Waf aonai atotona, dei' ape' maga'. Dei' maina ape' ata' monda' waf aonai atona? Owa'etin, hapainai.

Basef Amama Pol Nandaꞌam Mafeꞌma Esis Romi 6:22

Ea' dei' God natagahepa ma waf aonai nanda'epa pape panda' maola anan pape owina anan la'ela'ef. Maol anama nola gwa'aimi amama. Ipe' pepe bo'wepa ananipei etipa ma pefa' ambal namunai pepe andeande' la'ela'ef.

Basef Amama Pol Nandaꞌam Mafeꞌma Esis Romi 7:3

Ea' i'i anan aman ata' nope ambal napaina ma waulu'mana kofe' kweaso' anona aman, sofala'w si'i akwa'w kwanda' waf aonai. Ea' i'i aman akwa'unai noga', mi'uli anama ina ata' newa'as etifis wapoti', owa'. Akwa'w kwandatagah kwape wafifi'w. Esis ina si'i basefa akwa'w si'i akwa'w kwanda' so'a wauli, owa'.

Basef Amama Pol Nandaꞌam Mafeꞌma Esis Romi 7:6

Ea' ape' dei' maga' maloma Krais makwaha amamaga mowa'apa la'ifipa. Ea' mi'uli anama ina ata' nowa'apa wapoti', owa'. Mape wafifipa. Dei' ape' ina ata' manda' maol maila mi'uli anama amam manda'ana nail buki, owa'. Ape' manda' maola waf dambainai Ambal Bu'unai Godi nanda'anai.

Basef Amama Pol Nandaꞌam Mafeꞌma Esis Romi 8:2

Dei' main, pepel Ambal Bu'unai Godi nase'apa ambal namunai ape', anan natagahepa ma pepel waf aonai naloma pepel naga'i. Anan nanda'am na'ama ma Krais Jisas atona ea' mape la'ifipa ma anan dei' mape wafifipa.

1 Korin 10:16

Kap anama aman numafi lotuwi nofalo'mana, anama na'ama. Ape' manifela Goda kap anama nakolasa ape' maloma esimbel Kraisi. Endilisi etis bret anama ape' mawalonai, anama nakolasepa maloma alop Kraisi.

2 Korin 11:2

Dei' main, God okom nainaila epes endilisi ma na'i nondandepasa sope ananisi etis. Ama waf anama atona ae' okom nainaila ipe' endilisi. Ae' andandepepa ea' ma peso' anona aman atotona, anan Krais. Ae' a'i ese'epa pefe'ma Anan si'i nemata'w awiawai'wi kwape bo'okw endilisi.

Galesia 3:13

Ea' Krais natagahepa ma okom wandafunai Godi nape mi'uli ananinai. God nanda' nimanimi ma awami ape' manda'ami hiami nakolasom mafe'ma anan atona, ea' ofagema amama mapoma anan atona nofa'am. Dei' main, basef mail Baibeli ma'i, “Emi egafis saundas sahas sail lawah usi'imi tu'wanaimi, amama atom sape owina okom wandafunai Godi.”

Galesia 5:18

I'i ipe' pila Ambal Bu'unai Godi atona, ipe' ina ata' pila mi'uli esis Juda sailanai, owa'.

Efesus 2:15

Ga' Kraisi atona Anan nali'amona basefa mi'uli fowa' God naso' Mosesanai maloma anom basef tu'wanim mape mi'uli anama. Anan nanda'am na'ama nokolasa epes wambotagw biam, ape' Juda maloma ipe' owa' Judaipei mataga si'i epen etitin dambainai. Ama mope opalef awanem mope etifigin felefele'ma God.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 4:17

Ea' dei' ae' ina ahali'ipa ma amamaga gwa'aimi maim, owa'. Ae' okom na'i nambimb God nogwa waf bu'unai ipe' panda'anai pagiambame nose'epa amamaga bu'wami.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

Kolosi 1:22

Ea' Krais nataga epen endilisinai sahana naga', amama atom God nanda'epa pataga alupipei opaf atotona palomana ma ga' Nogalomanai atona. Nanda'am na'ama ma nofa'epa pifi'mai anan pepe bo'wepa andeande', ofagema a'epa ma naep Ananimi.

Kolosi 1:6

Ama ganima etap hiagoma basef bu'wami amama mawalapai waf bu'unai ma epes hiesi mataga lu'um la'ela'ef mikila' fowa'. Basef amama manda'am na'ama etin si'i fowa' damba damba mali' matagama ipe' pame'am pailam. Nemaf anama ipe' pali' pegawa endilisi okom Godi nagiambamepa na'a, basef amama mawalapai waf bu'unai nataga lu'una ma ipe'.

Kolosi 2:14

Basef amama ma mi'uli God fowa' naso' Mosesanai mail buki ma'i nimanimi ape' mofa'ama waf ape' manda'anai naloma anom basef ahifima milam, basef amama hiami God nali'amonam si'i nandolam mail lawag usi'inai tu'wanainai nalamonam hi'alam.

Kolosi 2:20

Ipe' paga' ea' paloma Krais ma pakwaha waf aonai hianai wafinai etapanai. Dei' maina ipe' ata' pailana pafe' si'i ipe' epes etapipei? Dei' maina ipe' ata' pafe' owina mi'uli anama? Hapainai.

Hibrui 10:10

Jisas Krais naila okom Godi atona andeande' nase'ana alop ananinai nondolalimana nemaf atotona ea' ma'um. Amama atom dei' nanda'apa mataga bu'upai Ananipai atepa.

1 Pita 2:24

Krais anan atona naga' nail lawag usi'inai tu'wanainai ea' nofa' waf aonai ape' manda'anai ma alop ananinai. Anan nanda'ama ape' mope si'i saga' sakwaha waf aonai hi'alana. Ama ape' mope namepa ambal namunai nupaipa mila waf bu'unai hianai.

Revelesen 19:7

Dei' ape' mondanifel mefela agel Ananinai. Dei' main, nemaf nataga ea' ma sipsip noganai na'i noso' nemata'w. Ea' nemata'w anani'wi kwandandombol kwape.

Revelesen 21:9

Ea' anona ensel nafi'mai ae'. Ensel anama atotona ma amam ensol 7-peleim mahapila dis amamaga mahambombaga epesi malami mandandam. Amamaga amama awami meagi'i endilisi. Anan na'ipi na'i, “Ine' fi'i, ma ihi'ambena nemata'w sipsip noganai waulu'mana.”