Basef Amama Pol Nandaꞌam Mafeꞌma Esis Romi 7:22 - Basef Buꞌwami Godi

²² Okom atona ae'anai dei' nainaila endilisi mi'uli anama God fowa' naso' Mosesanai andanifamana.

Basef Amama Pol Nandaꞌam Mafeꞌma Esis Romi 7:22 Iomraidhean Croise

Jon Nandaꞌafi 4:34

Ea' Jisas nawalapem basef na'ipam na'i, “Gwa'aimi ae'ami amama. God nasapa'e afi'i. Dei' ae' a'i ila okom ananinai atona enda' maol ananinai efe' embefana hi'ilana. Maol anama si'i gwa'aimi ae'ami.

Basef Amama Pol Nandaꞌam Mafeꞌma Esis Romi 2:29

Ipe' epes hipei Juda. I'i opalef ipe'imi motaga dambaim, ipe' Juda endilisipei. Waf patopa' alopanai, God nanda'ana opalef ipe'imi nomon. Amama ina matagama basefa mi'uli nail buki, owa'. Ambal Godi atona nanda'am. Emi egafis senda'am na'ama, esis agof a'asa naep epesi. Ea' esis agof lu'uma naep Godi atom.

Basef Amama Pol Nandaꞌam Mafeꞌma Esis Romi 8:7

Emi egafis ukup mila waf apinai, isima sataga naumbih Godi. Dei' main, esis ina sape owina mi'uli hianai Godi, owa'. Ina la'ifisa sila mi'uli anama, owa'.

2 Korin 4:16

Afa' ukup mapoma amama dei' ina otanima ma maol Godi, owa'. Endilisi, pepela alop afa'inai la'ela'ef na'i nowafa hi'ilana. Ea' opalef afa'imi mataga dambaim wapoti' nimeguf hiami hihif.

Efesus 3:16

Ae' anda' beten ahali'ana na'ama. A'i God nigiambamepa ma pepel nafifilili ananinai lu'unai endilisi. A'i pepel Ananinai atona nonda'epa pepe la'ifipama opalef ipe'imi nomona Ambal Bu'unai Ananinai atona.

Kolosi 3:9

Ipe' ina pembaso'ma esis sahin owan, owa'. Dei' main, ipe' pakwaha waf hianai aonai ma opaf apinai ea' pataga dambaipa. God nanda'epa pataga dambaipa ma opaf namunai.

Hibrui 8:10

Nimeguf amama hi'ilam anona nemaf, Ae' i'i anom basef endilisimi atom eloma epes hiesi wambota Israel. Ae' dembiwei a'iam na'ama. Basef amama ofagema na'ama. Anona nemaf enda' mi'uli ae'anai nepe opalef asasimi nomon, ea' enda'ana nepe ukup asasimi nomon. Ea' epe God asasiwei, esis sope amam nematawa ae'asi.

1 Pita 3:4

Sosaf ipe'inai na'ama, ipe' pefalo'ma opalef ipe'imi nomona ukup ipe'imi ma waf bu'unai endilisinai. Sosaf anama ina anona nemaf aona, owa'. Nope la'ela'ef na'ama. Opalef ipe'imi mope awanem ea' ambagof ipe'imi mope andeande'ma waf so'umbilinai. Sosaf anama bu'unai endilisi ma naep Godi.