Basef Amama Pol Nandaꞌam Mafeꞌma Esis Romi 6:3 - Basef Buꞌwami Godi

³ Ipe' pegawa ape' emi egafipa mofa' baptaisa mape la'ifipa maloma Jisas Krais mofa' baptaisa ga' Ananinai.

Basef Amama Pol Nandaꞌam Mafeꞌma Esis Romi 6:3 Iomraidhean Croise

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Aposel 19:5

Esis same' basef amama, sembale'efa Dembinai Jisas sofa' baptaisa agel Ananinai.

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 8:16

Dei' main, Ambal Godi ina dei' nape nalomas, ata' owa'. Esis sofa' baptais etina agel Dembinai Jisas.

Basef Amama Pol Nandaꞌam Mafeꞌma Esis Romi 6:16

I'i ipe' pese' ipe' etipa penda' maol pepe owina aman emi, ipe' la'ifipa ma pilana. I'i ipe' pese' opalefa waf aonai, ipe' pape owina waf anama nonda'epa pega'. Ea' i'i ipe' pese' opalefa waf bu'unai pepe owina God petaga bu'upei ma naep ananimi.

Basef Amama Pol Nandaꞌam Mafeꞌma Esis Romi 6:8

Ape' maga' maloma Krais. Ea' mogawa endilisi aona nemaf mope ambal namunai molomana wapoti'.

Basef Amama Pol Nandaꞌam Mafeꞌma Esis Romi 7:1

Ipe' alupipei, ipe' pegawa mi'uli ma waf daso'amainai ea'. Ea' pegawa andeande'ma basef amama dei' a'ipipami. Nogota anama epen ata' nape namin, enin ata' nape owina mi'uli anama.

1 Korin 10:2

sawisa elagw maloma naoh embel safe'. Amama mondola'wifa sofa' baptais sape saloma Moses salomana nao'was safe'.

1 Korin 12:13

Dei' main, ape' hiapai mofa' baptaisa Ambal Bu'unai Godi atotona. Nanda'apa mataga alop atotona, esis Juda saloma esis owa' Judaisi saloma esis sape wafifisi, saloma esis agof a'asi sape owina enis epes wapoti'. Ape' hiapai mofa' Ambal Godi atotona nape nalomapa la'ela'ef.

1 Korin 15:29

Enis epes sati waf bu'unai enis Kristen sanda'anai sape la'ifisa naumbih sahas saga' ea' epes isima satilis sombale'efa Krais sofa' baptais. I'i epes saga'i anona nemaf owa' sohafel wapoti', epes isima sofa' baptaisa epes sa'i anona nemaf sogawa sotaga sope si'imama? I'i endilisi ma epes saga'i anona nemaf owa' sohafel wapoti', dei maina isima sofa' baptaisa epes saga'i? Owa'etin.

1 Korin 3:16

Ipe' pegawa o owa'? Ipe' etipa si'i ipat lu'unai Godi, ea' Ambal Bu'unai Ananinai nape nomona opalef ipe'imi.

1 Korin 5:6

Ipe' patopa' basef pafela agof ipe'imi atom lu'um pati waf anama aonai napomepa, amama ina waf bu'unai, owa'etin. Ipe' pegawa ea' basefa mi'uli anama ma yis amama manda' bret natifi na'i, “Yis kwawie'im manda' bret hianai hi'alana natef lu'una.”

1 Korin 6:19

Alop ipe'inai ipat bu'unai Ambal Bu'unai Godi. Ipe' pegawa amama a owa? Ambal anama nosahe'epa ea' nape nomona ipe'. Ipe' ina ipe' etipa, owa'. Ipe' ananipei etipa si'ipa.

1 Korin 6:9

Emi egafis sanda' waf aonai, anona nemaf ina sefe' wambel Godi, owa'. Ipe' pegawa amama o owa'? Na'ama ipe' pembaso'ma ukup ipe'imi atom. Epes sanda' waf aonai ma so'a waola enis amam nematawa saloma epes isima sanda' lotuma god baso'omunai saloma epes sahambombaga waf daso'amainai saloma amam amama ukup ma'i waf nematawainai saloma amam amama manda' waf aonai maloma anom amami

1 Korin 9:13

Dei' ipe' ukup mi'i anom basef. Amam manda' maol ipat lu'unai Godi mofa' gwa'aimi ipat anama. Ipe' pegawa amam manda' maola balata anama sondolalima mafisanai ma God, amam wapoti' mofa' mafis to'wanima balata anama.

1 Korin 9:24

Ipe' pegawa epes sasagih sandahawaipama etini hiesi sasagih safe' ea' etitin nikila'as nefa' amamaga bu'wami. Ipe' pegawa amama o owa'? Ea' ipe' wapoti' pesagih mehipa pefa' amamaga amama bu'wami.

2 Korin 13:5

Ipe' la'ela'ef pewaloga opalef ipe'imi pewalogam andeande'. Ipe' pembale'efa God endilisi o owa'? Ipe' pewaloga ipe' etipa. Ipe' pegawa Krais Jisas nape opalef ipe'imi o owa'? I'i ata' owa', ikwaf ipe'inai ina dei' pafe' pataga dende', ata' owa'.

Galesia 3:27

Ipe' hipei pefa' baptais ma pape la'ifipa paloma Jisas Krais. Ea' dei' pefa' waf ananinai si'i pewahe'a lowaguf.

Jems 4:4

Ipe' pakwaha waf Godi ea' pafe'ma waf aonai si'i amam nematawa sakwaha waf bu'unai dase'amainai ma sanda' waf aonai so'a waolanai. Ipe' pegawa amama. Emi egafis ukup maila waf etapanai, esis sanda' naumbih saloma God. Dei' pegawam. Emi egafis ukup maila waf etapanai, esis dei' sanda' naumbih saloma God.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.