Basef Amama Pol Nandaꞌam Mafeꞌma Esis Romi 6:23 - Basef Buꞌwami Godi

²³ Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

Basef Amama Pol Nandaꞌam Mafeꞌma Esis Romi 6:23 Iomraidhean Croise

Matyu Nandaꞌafi 25:46

Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”

Jon Nandaꞌafi 10:28

Ae' ase'am ambal namunai ma meape andeande' la'ela'ef hihif. Amam ina moga', owa'etin. Ina enin epen la'ifina neatagahom lagof ae'ami nefa'am, owa'etin. Amam mope lagof ae'ami la'ela'ef hihif.

Jon Nandaꞌafi 17:2

Dei' main? Ine' nendandepe ea' ma ape Dembiwei ali'ma epes hiesi ese'as ambal namunai epes isima hiesi ine' nasi'iesi. Ambal anama nenda' esis sope andeande' la'ela'ef hihif.

Jon Nandaꞌafi 3:36

Emi egafis sembale'efa Nogalomana ananinai, epes isima dei' sefa' ambal namunai ma sope andeande' la'ela'ef hihif. Ea' emi egafis sewa' alafugama Nogalomana ananinai, epesisima ina nambimb sefa' ambal namunai sepe andeande' la'ela'ef, owa'etin. Dei' main, okom wandafunai Godi napomas la'ela'ef.

Jon Nandaꞌafi 4:14

Ea' emi egafis sea' embel amama ae' a'i iese'asami, esis ina nambimb eap nese'as wapoti' ma nimeguf hiami la'ela'ef sope, owa'etin. Embel amama ae' ase'asami nambimb mataga si'i embel mataga etin mawai lae'la'ef mape ma nomon opalef asasimi sofa' ambal namunai sope andeande' la'ela'ef hihif.”

Jon Nandaꞌafi 4:36

Emi egafis sela' gwa'aimi, esis sefa' otamba ma maol anama sanda'anai. Ea' sowa'ani gwa'aimi amama ambal namunai napeimi mope la'ela'ef. Ea' epes isima sawami saloma enis sala'ami sonda'kolas etifigin sondanifel.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Jon Nandaꞌafi 6:27

Ipe' ina penda' maola pefa' gwa'aimi amama awami folo'olami, owa'. Ipe' penda' maola gwa'aimi bu'wami sagwa'am mape bo'om andeande' la'ela'ef. Gwa'aimi amama ambal namunai nape la'ela'ef. Gwa'aimi amama, ae' ataga epen endilisiwei, ae' atowe nambimb ese'epam ipe'. God nase'e agel lu'unai nesahe'e ea' ma enda' maol anama lu'unai.”

Jon Nandaꞌafi 6:40

Okom Ahalome ae'anai nape na'ama. Amam nematawa emi egafis seme' basef ae'ami seambale'efa ae'i, esis anona nemaf sofa' ambal namunai sope andeande' la'ela'ef hihif. Ea' efelas wapoti' sehafel hi'agilif nemaf akutainai.”

Jon Nandaꞌafi 6:68

Ea' Saimon Pita nagwamana basef na'i, “Dembinai, afa' okwaha ine' ofe' eti wila emi? Basef ine'imi atom ma'ipafa ma weape ambal namunai andeande' la'ela'ef hihif.

Basef Amama Pol Nandaꞌam Mafeꞌma Esis Romi 1:32

Basefa mi'uli Godi bu'unai na'ama na'i, “Epes sanda' waf na'amainai esis soga'.” Epes isima sogawa mi'uli anama, owa'etin. Sanda' waf anama aonai atona. Ea' ina sanda'ana etin, owa'. Safela agofa enis epes sanda' waf anama aonai sandanifamas.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 5:12

Ape' mogawa amama. Aman atotona nali' nanda' waf aonai, dei' waf aonai nape opalef amam nematawa etapasi hiesi. Ea' dei' waf aonai nefa'ai ga' nafi'i, dei' ga' naha epes hiesi saga'. Dei' main, epes hiesi sanda' waf aonai.

Basef Amama Pol Nandaꞌam Mafeꞌma Esis Romi 5:17

Aman anama atotona nanda' waf aonai. Amama atom dei' ga' nataga ma epes hiesi ma aman anama atona. Ea' maol aman anama atotona Jisas Krais nanda'anai lu'una endilisi nikila' ga' ma nagiambama epes isima hiesi. Epes isima owagama sope namisi ma sope dembesi si'i king. Epes isima God nandahomas endilisi.

Basef Amama Pol Nandaꞌam Mafeꞌma Esis Romi 5:21

Fowa' waf aonai nataga lu'una ma ape' hiapai dei' maga'. Ea' dei' waf God nandahomapa anai nikila' waf anama aonai. Anan nandahomapa ea' nofalapa amam nematawa bu'upai ma mofa' ambal namunai nape la'ela'ef ma Dembinai ape'inai Jisas Krais.

Basef Amama Pol Nandaꞌam Mafeꞌma Esis Romi 6:16

I'i ipe' pese' ipe' etipa penda' maol pepe owina aman emi, ipe' la'ifipa ma pilana. I'i ipe' pese' opalefa waf aonai, ipe' pape owina waf anama nonda'epa pega'. Ea' i'i ipe' pese' opalefa waf bu'unai pepe owina God petaga bu'upei ma naep ananimi.

Basef Amama Pol Nandaꞌam Mafeꞌma Esis Romi 6:21

Ipe' pefa' amamaga maim bu'wami ma waf aonai fowa' panda'anai, ma dei' ipe' ambagof aoma waf anama? Owa'etin. Waf anama nawalapai ga' atona.

Basef Amama Pol Nandaꞌam Mafeꞌma Esis Romi 8:13

I'i ipe' pefe' pila waf anama opaf apinai, anona nemaf ipe' pega'. I'i ipe' peha waf aonai ipe'inai noga' ma pepel Ambal Bu'unai Godi, anona nemaf pepe namipa.

Basef Amama Pol Nandaꞌam Mafeꞌma Esis Romi 8:38

Ae' egawa endilisi ina anom amamaga la'ifima anona nemaf melefatapa ma okom lu'unai Godi, owa'etin. Nemaf anama ape' moga' o mope, anan okom nainailapa la'ela'ef. Amam ensel maloma amamaga la'ifimi mamumami mape mumafi etapi, opa'wagufeh, ma'akw, naoh, ambagof awami mamumami wapoti' amamaga dei' mapani ea' anom anona nemaf migi' meatagai, amamaga la'ifimi awami,

Basef Amama Pol Nandaꞌam Mafeꞌma Esis Romi 8:39

amamaga pepel aonai nape ilif etap owini, anom amamaga migi' meafi'i, amamaga amama hiami ina anona nemaf la'ifima melefatapa ma okom lu'unai Godi, owa'etin. Anan okom nainailapa la'ela'ef nihi'ambapa amama ma Krais Jisas Dembinai ape'inai.

Basef Amama Pol Nandaꞌam Mafeꞌma Esis Romi 8:6

I'i ukup epes isima mapoma amamaga awami ma opalef apimi asasimi, amama mawalapai ga' higililas. Ea' emi egafis ukup asasimi la'ifim mopoma amamaga Ambal Godi, epes isima dei' nape ambal namunai opalef mape awanem.

Galesia 3:10

Emi egafis ukup mapoma waf saila mi'uli esis Juda sailanai dei' sape owina okom wandafunai Godi. Dei' main, basef mail Baibeli ma'i na'ama ma'i, “Emi egafis la'ela'ef owa' sila basef hiami mail mi'uli Godi hi'ilam andeande', isima sape owina okom wandafunai Godi.”

Taitus 1:2

Ae' anda' maola agiambama bale'ef asasinai ma esis sogawa ma sondanifel sope sohafa ambal anama namunai nope andeande' la'ela'ef. Fowa' gani God ata' owa' nonda' anom amamaga motaga etap anae', anan nali' na'iam ma nose'apa ambal anama ape'. Anan ina nambaso'ami, owa'.

Jems 1:15

Ea' ukup ape'imi mohafel manda'apa manda' waf aonai. Anona nemaf waf anama aonai notaga lu'una, nonda'apa moga'.

1 Jon 2:25

Krais na'ipapa basef endilisimi la'ifimi, Anan anona nemaf nose'apa ambal namunai mope andeande' la'ela'ef.

Revelesen 21:8

Epes isima umbamahasa sotanima, isima owa' sombale'efa Godi, epes sanda' waf naninani aonai endilisi soloma epes isima saha enis saga'i soloma epes isima sanda' waf aonai so'a waolanai soloma isima sanda' mu'uhupi soloma epes isima sanda' lotuma god anama baso'mainai, soloma epes isima hiesi sambaso'omi, epes isima hiesi sofa' wambel asasinai ma hul anama lu'unai nif lu'wami fandumi otam salfa napoma. Hul anama launai si'i ga' nigi' neatagai.”