Basef Amama Pol Nandaꞌam Mafeꞌma Esis Romi 6:22 - Basef Buꞌwami Godi

²² Ea' dei' God natagahepa ma waf aonai nanda'epa pape panda' maola anan pape owina anan la'ela'ef. Maol anama nola gwa'aimi amama. Ipe' pepe bo'wepa ananipei etipa ma pefa' ambal namunai pepe andeande' la'ela'ef.

Basef Amama Pol Nandaꞌam Mafeꞌma Esis Romi 6:22 Iomraidhean Croise

Matyu Nandaꞌafi 13:40

Nemaf anama amam motama otalef awami mofam nif hi'ilalm na'ama etin si'i nemaf akutainai.

Matyu Nandaꞌafi 13:43

Nemaf anama amam nematawa bu'wasi seataga wanefigeis si'i aon alipunai nalatawi kingdom Ahalomasi. Epes aligah mapaipei, ipe' peame' basef amama andeande'.

Matyu Nandaꞌafi 19:29

Ea' emi egafis ukup asasimi mopoma ae' sokwaha ifagw moloma sahin owan ahapas mamasas batawisas moloma aof amamaga maim asasimi, anona nemaf sofa' amamaga hiami endilisi mikila' asasimi fowa'imi. Ea' anona nemaf sofa' ambagof namumi sopan andeande' la'ela'ef hihif.

Matyu Nandaꞌafi 25:46

Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Jon Nandaꞌafi 15:2

Agof hiami su'utip owa' mielami, amama Ahalome natopa'am nakwahom. Ea' anom agof mail mola gwa'aimi amama anan nandombasom natopa'am bandam ama nambimb mope bo'om mil mola gwa'aimi hiami andeande'.

Jon Nandaꞌafi 4:36

Emi egafis sela' gwa'aimi, esis sefa' otamba ma maol anama sanda'anai. Ea' sowa'ani gwa'aimi amama ambal namunai napeimi mope la'ela'ef. Ea' epes isima sawami saloma enis sala'ami sonda'kolas etifigin sondanifel.

Jon Nandaꞌafi 8:32

Ea' ipe' nambimb pegawa basef endilisimi ea' amama atom motagahipa pepe wafifipa.”

Basef Amama Pol Nandaꞌam Mafeꞌma Esis Romi 6:14

Ipe' pegawa waf aonai ina ata' nape lu'unama ipe' wapoti', owa'. Dei' main, ipe' dei' ina ata' pape owina mi'uli anama God fowa' naso' Mosesanai ma pilana, owa'. Ipe' pape owina waf Godi atona okom nainailapa ma nandahomapa.

Basef Amama Pol Nandaꞌam Mafeꞌma Esis Romi 6:18

Anan natagahepa ma pepel waf aonai, dei' pataga epes panda' maol pape owina waf bu'unai natagahepa ma waf aonai.

Basef Amama Pol Nandaꞌam Mafeꞌma Esis Romi 6:21

Ipe' pefa' amamaga maim bu'wami ma waf aonai fowa' panda'anai, ma dei' ipe' ambagof aoma waf anama? Owa'etin. Waf anama nawalapai ga' atona.

Basef Amama Pol Nandaꞌam Mafeꞌma Esis Romi 7:25

Ae' anifela God! Anan atona nanda' Jisas Krais Dembinai ape'inai natagahowe ape wafifiwi. Dei' ape na'ama. Okom ae'anai atona, ape owin mi'uli anama, ea' opaf apinai ape owina pepel waf aonai.

Basef Amama Pol Nandaꞌam Mafeꞌma Esis Romi 7:4

Ipe' alupipei ae'ipei, ae' a'i i'ipipa basef amama ofagema. Ape' hiapai mape la'ifipa maloma Krais ea' amama atom dei' maga' ea'. Dei' mi'uli anama God fowa' nase' Mosesanai ina ata' nowa'apa la'ifipa wapoti', owa'. Ape' mape la'ifipa paloma Jisas aman God nafelona nohafel hi'agif wapoti' ea' monda' maol ananinai atona.

Basef Amama Pol Nandaꞌam Mafeꞌma Esis Romi 8:2

Dei' main, pepel Ambal Bu'unai Godi nase'apa ambal namunai ape', anan natagahepa ma pepel waf aonai naloma pepel naga'i. Anan nanda'am na'ama ma Krais Jisas atona ea' mape la'ifipa ma anan dei' mape wafifipa.

1 Korin 7:22

Dei' main, emi egafis agof a'as sanda' maol sape owina enis epes, dei' epes isima Dembinai nakwahomas waf aonai sepe wafifis ea' Ananisi etis. Ea' na'ama etina epes sape wafifis owa' seape owina enis epes, dei' Dembinai nofalas ea' sanda' maola Krais.

2 Korin 3:17

Dembinai anama anan Ambal Bu'unai Godi. I'i Ambal Dembinai nope enin epen, ina ata' anom amamaga mili'akwa enin, owa'. Enin nape wafifin.

Galesia 1:10

Ipe' ukup mape ma'imama ma basef amama? Pa'i ae' a'iama enis epes sinifelowe sefela agel ae'anai? Owa'. Ae' a'i God atotona opaf bo'onama ae'. Ipe' pa'iam pa'i a'iama enis epes sinifelowe? Owa'. I'i enda' maola ai'ipa enis epesa opalef bo'oma ae', ae' ina aman anda' maola Kraisi, owa'. Ae' ambaso'ami. Owa'. Ae' anda' maola Krais atona.

Galesia 5:13

Endilisi ipe' sahin owan, God nofalipei ma pepe wafifipa andeande'. Na'ama ipe' ukup mi'i, ape' mape andeande' wafifipa, dei' andeande'ma monda' waf alop atona. Ipe' ina ukup mi'i na'ama owa'. Ipe' ukup mimila sahin owan ipe'isi penda' maol etifigin pindagigiambanama.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

Efesus 5:9

Epes safe' alipi sawalapai waf bu'unai, endilisinai hianai.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 4:17

Ea' dei' ae' ina ahali'ipa ma amamaga gwa'aimi maim, owa'. Ae' okom na'i nambimb God nogwa waf bu'unai ipe' panda'anai pagiambame nose'epa amamaga bu'wami.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

Taitus 1:1

Ae' Pol anda' maola Godi, ae' aposel Jisas Kraisi. Anan nandandepe ma eawalipasa basef ananimi. Anan nasapa'e ma igiambama esis amam nematawa nandandepas ea' ananisi ma enda'as sotaga la'ifis sombale'efana sogawa basef endilisimi ma sila waf ananinai.

Hibrui 12:14

Ipe' dei' penda' maol la'ifipa ma pila waf opalef mope awanem peloma epes hiesi. Ea' pila waf anama bu'unai andeande', pepe Dembinai ananipei etipa endilisi. Epen waf anama a'ani, anona nemaf enin ina niti Dembinai, owa'.

Jems 1:1

Ae' Jems, ape owina God naloma Dembinai Jisas Krais anda' maola amam atom. Anda' basef amama mafe'mago ipe' epes hipei Judaipei epes wambotogw loumi 12-peleim. Ipe' pakwaha wambel ofagama ipe'ima ma pafe' pape wambel hiagoma etap anae' pape panda' maol naninani. Ae' anda'mepago danifel nafe'mago ipe'.

1 Pita 1:9

Dei' main, ipe' pape pembale'efana dei' bale'ef anama ipe'inai nawalapa amamaga dei' pape pefa'am la'ela'ef. Amamaga amama na'ama. God nofa'epa nokwahomepa waf aonai ipe' panda'anai petanimani.

1 Pita 2:16

Ipe' ina agof a'epa pape owina enis epes, owa'. Ipe' pape wafifipa ea' pape owina God atona. Ipe' pegawa amama pepe andeande' si'i pape wafifipei. Ea' ipe' ina pembaso'am pewalo' waf anama sape wafifisanai bu'unai nese'ala waf aonai pandambaho' panda'anai, hapainai. Ipe' pepe andeande' si'i pape panda' maol Godi.

Revelesen 7:13

Ea' anona amam agufumi amama 24-peleim nahali'i na'i, “Esis isima sala luwaguf afitimi, esis emi egafis? Esis safi'i enima?”