Basef Amama Pol Nandaꞌam Mafeꞌma Esis Romi 6:21 - Basef Buꞌwami Godi

²¹ Ipe' pefa' amamaga maim bu'wami ma waf aonai fowa' panda'anai, ma dei' ipe' ambagof aoma waf anama? Owa'etin. Waf anama nawalapai ga' atona.

Basef Amama Pol Nandaꞌam Mafeꞌma Esis Romi 6:21 Iomraidhean Croise

Basef Amama Pol Nandaꞌam Mafeꞌma Esis Romi 1:32

Basefa mi'uli Godi bu'unai na'ama na'i, “Epes sanda' waf na'amainai esis soga'.” Epes isima sogawa mi'uli anama, owa'etin. Sanda' waf anama aonai atona. Ea' ina sanda'ana etin, owa'. Safela agofa enis epes sanda' waf anama aonai sandanifamas.

Basef Amama Pol Nandaꞌam Mafeꞌma Esis Romi 5:12

Ape' mogawa amama. Aman atotona nali' nanda' waf aonai, dei' waf aonai nape opalef amam nematawa etapasi hiesi. Ea' dei' waf aonai nefa'ai ga' nafi'i, dei' ga' naha epes hiesi saga'. Dei' main, epes hiesi sanda' waf aonai.

Basef Amama Pol Nandaꞌam Mafeꞌma Esis Romi 6:16

I'i ipe' pese' ipe' etipa penda' maol pepe owina aman emi, ipe' la'ifipa ma pilana. I'i ipe' pese' opalefa waf aonai, ipe' pape owina waf anama nonda'epa pega'. Ea' i'i ipe' pese' opalefa waf bu'unai pepe owina God petaga bu'upei ma naep ananimi.

Basef Amama Pol Nandaꞌam Mafeꞌma Esis Romi 6:23

Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

Basef Amama Pol Nandaꞌam Mafeꞌma Esis Romi 7:5

Fowa' ata' mape la'ela'efa opalef apimi, mi'uli anama God fowa' naso' Mosesanai nafilai ukup awami ma alop ape'inai. Ea' manda' maola waf aonai nawalapai ga'.

Basef Amama Pol Nandaꞌam Mafeꞌma Esis Romi 8:13

I'i ipe' pefe' pila waf anama opaf apinai, anona nemaf ipe' pega'. I'i ipe' peha waf aonai ipe'inai noga' ma pepel Ambal Bu'unai Godi, anona nemaf pepe namipa.

Basef Amama Pol Nandaꞌam Mafeꞌma Esis Romi 8:6

I'i ukup epes isima mapoma amamaga awami ma opalef apimi asasimi, amama mawalapai ga' higililas. Ea' emi egafis ukup asasimi la'ifim mopoma amamaga Ambal Godi, epes isima dei' nape ambal namunai opalef mape awanem.

2 Korin 4:2

Afa' owa' alafugah ma waf ambagof awami sandambaho' sanda'ami. Ina ata' wape wafe' waf anama baso'mainai oho'ofa waf ombaso'masa basef Godi wa'iam, owa'. Afa' wawalapa basef endilisimi alihima naep Godi ma epes hiesi seme'am sogawa basef mape opalef asasimi nomon ma'iami.

2 Korin 7:11

Ipe' ukup mi'i andeande' ma nimanimi amama ipe'imi. God nanda'am mawalapai waf bu'unai naninani hianai ma ipe'. Amama mafelepa pahafel ulala pekwaha waf aonai ipe'inai. Ipe' ambagof aoma epen inima ipe'ini nanda' waf aonai, amama atom dei' umbamehepama basef a'ipipama okom wandafunai Godi. Opalef ipe'imi malef endilisi ma pa'i petolowe ea' la'ifipama pegalo'ma epes isima sanda' waf aonai. Ipe' pagalo'ma epen inima napani laogon. Panda'am na'ama ma pihi'amba epes hiesi waf aonai ofagena a'epa ma amamaga mali' matagamapei.

Filipai 3:19

Ukup asasimi mapoma alop asasinai atona, anama si'i god asasinai. Esis sa'i esis etis agufisi sandanifela ma waf naninani aonai ambagof awomunai. Ea' ukup mapoma amamaga etapami atom. Epes isima anona nemaf higililas wambel aonai hel.

Hibrui 10:29

Dei' ipe' ukup mape ma'imama ma emi egafis sowa' alafugaha Nogalomana Godi? Epes isima anona nemaf sofa' nimanimi lu'wami endilisi mikila' epes isima sambisila' mi'uli anama God fowa' naso' Mosesanai. Esimbel Kraisi anona ikwafa basef God na'i endilisimi atom manda' epes isima Ananisi etis bo'wes. Ea' epes isima sanda'am na'ama sa'i esimbel amama Kraisi falafumi atom, sa'i ga' Kraisi falafunai atona. Ea' sanda' basef findiwama Ambal Bu'unai Godi nagiambapa na'a numafiapa.

Hibrui 6:8

Ea' anona etap nanda' otalef hiami wandafumi atom mataga, etap anama notaga aona endilisi. Ea' felefele'ma God nonda' etap anama notaga aona. Nemaf akutainai fendona nif lu'wami.

Jems 1:15

Ea' ukup ape'imi mohafel manda'apa manda' waf aonai. Anona nemaf waf anama aonai notaga lu'una, nonda'apa moga'.

Jems 5:20

Emi egafis sagiambama epen nanda' waf aonai ma nekwaha waf enin nanda'anai nitanimani, epes isima sagiambamani sefa'an natanimani nakwaha neaga'. Amama atom God dei' nakwaha waf aonai hianai enin nanda'anai.

1 Pita 4:17

Nogota anama mataga ea' ma dei' God nowaloga epes hiesi Ananisi ma basef lu'wami. I'i God nili' nowaloga ape' mili', anona nemaf nigi' nowaloga epes isima sosambala basef bu'wami Ananimi sope si'imama? Esis sofa' nimanimi lu'wami.

1 Jon 2:28

Ipe' awasi ae'ipei, ae' okom nainailipa a'i pepe la'ifipa peloma Anan ama anona nemaf notaga nondawalap, ape' ina ambagof aom, owa'. Ape' mitu la'ifipa ma naep Ananimi.

Revelesen 16:6

Dei' main, esis amam nematawa hiesi saha amam nematawa bu'wasi Godi ine'isi afis saloma profet ine'imi wapoti' ea' esimbel asasimi malo. Ea' dei' nase'asa esimbel epes isima sanda' waf aonai ma sogwa' embel. Ine' nagwamasam mandahama waf aonai esis sanda'anai.”

Revelesen 20:14

Ea' nakwaha ga' naloma wambel saga'i sapoma mafe' mowala hul anama launai nif lu'wami fandumi mapeinai. Hul anama si'i ga' nafe'ma bifi notagama epes hiesi.