Basef Amama Pol Nandaꞌam Mafeꞌma Esis Romi 6:13 - Basef Buꞌwami Godi

¹³ Ipe' ina pese' lagof bo'wagah ipe'imi mefe'ma penda' waf aonai, owa'. Pese' ipe' pefe'ma God atona moloma ukup ipe'imi hi'ilama anan atona si'i epes sotanima sohafel hi'agif wapoti' sape namisi. Ipe' pese'ana alop wa'ana hi'ilana Goda penda' waf bu'unai.

Basef Amama Pol Nandaꞌam Mafeꞌma Esis Romi 6:13 Iomraidhean Croise

Luk Nandaꞌafi 15:24

Dei' main, nogalome anama ae'anai andowelamana si'i naga'i, ea' dei' ambal napaina wapoti'. Anan higilalana ea', dei' matolona wapoti'.’ Ea' esis sandanifel salomana.

Luk Nandaꞌafi 15:32

Ea' dei' afa' ondanifel, opalef afa'imi mope bo'om. Dei' main, owalomena anama ine'inai fowa' nafe' laogon si'i naga'i, ea' dei' nafi'i nataga ambal napaina wapoti'. Anan higilalana, ea' dei' afa' watolona wapoti'.’ ”

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Basef Amama Pol Nandaꞌam Mafeꞌma Esis Romi 1:29

Esis sanda' waf hianai naninani aonai nape si'ina ma esis. Ukup mohafel maimaila sofa' amamaga hiami ma esis etis. Waf aonai agufuma anama. Ukup kowalepa amamaga bu'wami awami, ukup aoma soha enis epes, saha enis epes saga', migimigah sambaso'ama sofa' anom amamaga enis epesi ea' sanda' maola saha epes. Waf anama aonai asi'ina endilisi ma esis. Ea' sanda'ipama sa'i basef sawalapama sola'masa basef enis epes ma naep epes hiesi. Esis sataga naumbih saloma God, sa'i basef la'ifimi safela agof asasimi atom. Ukup mandanda' ma waf naninani aonai dambainai. Ea' sosambala basef mamasasi.

Basef Amama Pol Nandaꞌam Mafeꞌma Esis Romi 12:1

Alupipei, basef amama hiami mali'i endilisimi atom. Amama atom dei' ahali'ipa ma basef la'ifimi ma ipe' ukup mi'i okom lu'unai Godi nainaila ape' nati ape' uwahipipa. Ea' pindilali ma Anan si'i fowa' saha mafis sase'ana pese'ana alop ipe'inai si'ina hi'ilana. Alop ata' nope namona la'ela'ef pese'anana God atona hi'ilana ea' ananinai si'ina, si'i waf Anan okom na'ianai. Ipe' penda'am na'ama, penda' lotu endilisi ma God ukup ipe'imi nomon.

Basef Amama Pol Nandaꞌam Mafeꞌma Esis Romi 6:11

Ea' na'ama etina ipe' wapoti' ukup mopoma ipe' pakwaha waf aonai si'i epes saga'i. Ipe' ukup mopoma ipe' pape la'ifipa paloma Krais Jisas pape namipei paloma God.

Basef Amama Pol Nandaꞌam Mafeꞌma Esis Romi 6:16

I'i ipe' pese' ipe' etipa penda' maol pepe owina aman emi, ipe' la'ifipa ma pilana. I'i ipe' pese' opalefa waf aonai, ipe' pape owina waf anama nonda'epa pega'. Ea' i'i ipe' pese' opalefa waf bu'unai pepe owina God petaga bu'upei ma naep ananimi.

Basef Amama Pol Nandaꞌam Mafeꞌma Esis Romi 6:19

Ukup ipe'imi ina dei' la'ifim, owa'. Amama atom dei' aila ukup ape' epesi a'iam alihim a'i. Fowa' ipe' ata' pase' alop ipe'inai wa'ana pape owina waf aonai naninani naloma waf hianai sosambala mi'uli Godi ea' nandepa panda'ana. Ea' dei' peso' alop wa'ana hi'ilana pepe owina waf bu'unai ma pepe epes Godi etipa.

Basef Amama Pol Nandaꞌam Mafeꞌma Esis Romi 7:23

Ea' ati anona waf nape alop si'ina wa'ana ae'anai nomon. Ea' waf anama napa' naloma mi'uli anama nape okom ae'anai. Waf anama atona nape alop wa'ana ae'anai nembalo' ae' nanda'e anda' maola waf anama aonai.

Basef Amama Pol Nandaꞌam Mafeꞌma Esis Romi 7:5

Fowa' ata' mape la'ela'efa opalef apimi, mi'uli anama God fowa' naso' Mosesanai nafilai ukup awami ma alop ape'inai. Ea' manda' maola waf aonai nawalapai ga'.

1 Korin 6:15

Alop ipe'inai alop wa'wa'ana Kraisi atona. Amama ipe' pegawam o owa'? Ea' dei' ipe' pa'i ae' etopa' anona alop wa'awa'ana Kraisi esana noloma alop ano'w nemata'w kwanda' so'a wauli? Owa'etin!

1 Korin 6:20

God natalepa ma maol lu'unai endilisi. Amama atom dei' pefela agel ananinai lu'una ma alop ipe'inai.

1 Korin 6:9

Emi egafis sanda' waf aonai, anona nemaf ina sefe' wambel Godi, owa'. Ipe' pegawa amama o owa'? Na'ama ipe' pembaso'ma ukup ipe'imi atom. Epes sanda' waf aonai ma so'a waola enis amam nematawa saloma epes isima sanda' lotuma god baso'omunai saloma epes sahambombaga waf daso'amainai saloma amam amama ukup ma'i waf nematawainai saloma amam amama manda' waf aonai maloma anom amami

2 Korin 10:4

Amamaga hiami sapa'ami afa' wahapilami amam ina etapami, owa'. Amama pepel Godi, la'ifinai ma notala endalelemb pepel naumbih Seteni.

2 Korin 5:14

Okom Kraisi nainailapai nafelafa ma maol amama. Dei' main, afa' ukup ma'i mogawa endilisi na'ama. I'i aman atotona noho'ofa ape' hiapai ma naga', amama si'i ape' hiapai maga' ea'.

2 Korin 5:15

Ea' anan naho'ofa ape' hiapai naga' ma ape' epes mope namepa ma ina ukup motamea ma ape' atepa, owa'. Ape' ukup ma'i aman anama naho'ofapa naga' ma notanima nohafel wapoti', ukup ma'i maol ananinai la'ela'ef.

2 Korin 8:5

Fowa' afa' ukup ma'i na'ama wa'i nambimb esis sose'as anom otamba. Ea' esis sali' saso' esis etisa Dembinai saila okom Godi sase'afa opalef asasimi afa' wapoti ma sose'afa anom otamba sigiambama esis Kristen kwahusi.

Efesus 2:5

Amama atom dei' nanda'apa mataga namepa. Ape' mape si'i saga'i ma waf aonai. Ea' nanda'apa mataga namepa mape la'ifipa maloma Jisas Krais. Amama okom lu'unai Godi nagiambamepa nefa'epa pitanimani.

Efesus 5:14

Dei' main, maim amamaga mataga alihim mandawalap, amama mataga mape howalagoma. Amama atom dei' anom basef mape ma'i na'ama ma'i, “Ipe' epes pa'ihi dei' hafel mehip pekwaha koh! Ipe' pehafel hi'agif ea' Krais nese'epa howalagon mififima ipe'.”

Filipai 1:20

Ae' okom na'i egawa endilisi nambimb ae' ina ambal aona ma ekwaha basef Godi, owa'. Dei' wapoti' ae' okom la'ifina ewalipasa basef Ananimi si'i fowa' anda'am. I'i epe namowe o ega', ae' okom na'i amamaga anda'am alop ae'anai nambimb mefela agel Kraisi lu'una.

Kolosi 2:13

Fowa' ipe' paga' ea'. Dei' main, ipe' panda' waf naninani aonai ea' ipe' owa' Judaipai pelolama mi'uli God fowa' naso' Mosesanai. Ea' dei' God nanda'epa pataga namipa paloma Krais ea' nakwahomapa waf aonai ape' manda'anai hianai.

Kolosi 3:5

Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

2 Tesalonaika 2:12

Esis amam nematawa hiesi ina ata' sombale'efa basef endilisimi, owa'etin. Sondanifela sonda' waf aonai atona. Amama atom anona nemaf sofa' amamaga awami atom basef kot Dembinai God nonda'anai.

2 Timoti 2:15

Ine' nenda' maol Godi la'ifina netaga aman nanda' maol endilisi, ma ambal ine'inai ina aona ma maol anama, owa'. Nenda'ana na'ama ma God okom bo'ona ma ine' ma ni'i basef Ananimi bo'om endilisi.

Jems 4:1

Maina waf ofagena ma nanda' ipe' panda' lopa' fitap pape la'afena ipe'? Ukup awami atom mafela ipe' dei' panda' lopa' fitap la'ela'ef opalef nomon, alop ande' wapoti'. Ea' amama atom.

1 Pita 2:24

Krais anan atona naga' nail lawag usi'inai tu'wanainai ea' nofa' waf aonai ape' manda'anai ma alop ananinai. Anan nanda'ama ape' mope si'i saga' sakwaha waf aonai hi'alana. Ama ape' mope namepa ambal namunai nupaipa mila waf bu'unai hianai.

1 Pita 4:2

Ea' dei' nogota anae' ipe' ata' pape etap anae', ipe' pefe' pila okom Godi atona nahopepa pefe' pefe' petagama pega'. Ea' okom aonai nehafema waf aonai, owa'. Hapainai.

1 Jon 1:9

I'i ape' mowalapa waf aonai ape' manda'anai alihina, atuwasi Anan nokwahomapa waf hianai aonai ape' manda'anai nosa'opapa motaga bo'opa andeande'. Basef fowa' na'i endilisimi atom nonda' waf bu'unai andeande'.