Basef Amama Pol Nandaꞌam Mafeꞌma Esis Romi 5:2 - Basef Buꞌwami Godi

² Anan atona eafa ape' mombale'efana mope nomona okom Godi nainaila ape' endilisi nandahomapa nefa'apai dei' mape andeande'. Ape' mogawa endilisi mape mohafa anona nemaf God nofa'apa mope molomana miti nafifili Ananinai. Bale'ef anama nanda'apa mandanifel ma amama.

Basef Amama Pol Nandaꞌam Mafeꞌma Esis Romi 5:2 Iomraidhean Croise

Matyu Nandaꞌafi 25:21

Ea' Dembinai na'ipana na'i, ‘Ine' aman bu'winai nanda' maol andeande'. Dei' fowa' ine' nimafi amamaga sa'um andeande'. Dei' enda'ena nimafi amamaga lu'wami. Ine' nifi'i nendanifel neloma Dembinai ine'inai.’

Jon Nandaꞌafi 10:7

Ea' Jisas na'ipas wapoti' na'i, “Endilisi ae' a'ipipa, ae' si'i uta sipsip miawisanai.

Jon Nandaꞌafi 10:9

Ae' si'i uta. Emi egafis siwisi ae' nomon, God nefa'as seatanimani. Esis suwis suwisi sea' gwa'aimi bu'wami.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Aposel 14:27

Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”

Basef Amama Pol Nandaꞌam Mafeꞌma Esis Romi 11:20

Wila, andeande', ea' esis Juda ina sembale'efana, amama atom dei' nahape'as. Ea' ipe' pembale'efana dei' pape la'ifipa ma anan. Ea' ipe' owa' pefela agof ipe'imi pi'i ipe' etipa bu'upei, owa'. Ipe' umbamahepa pindumafuma andeande'.

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

Basef Amama Pol Nandaꞌam Mafeꞌma Esis Romi 14:4

Ipe' ina pewaloga enin epen nanda' maola enin epen, owa'. I'i enin nitu la'ifina maol ananinai o newa, amama maol anan Dembinai numafi epen inima. Enin anona nemaf nitu la'ifin. Dei' main, Dembinai ananinai atona nonda'an nitu la'ifin.

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 3:23

Ape' epes hiapai manda' waf aonai mumbisila' mi'uli Godi ea' ina la'ifipama anona nemaf muti mafifili bu'unai Ananinai, owa'.

Basef Amama Pol Nandaꞌam Mafeꞌma Esis Romi 5:5

I'i ape' mogawa endilisi na'ama, bale'ef ape'inai ina anona nemaf hegililana, owa'. Dei' main, God nase'apa Ambal Bu'unai Ananinai ea' waf okom nainailapa nape lu'una opalef ape'imi.

Basef Amama Pol Nandaꞌam Mafeꞌma Esis Romi 8:1

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

Basef Amama Pol Nandaꞌam Mafeꞌma Esis Romi 8:24

God nofa'apa motanimani dei' mombale'afana mape mohafana nonda'apa motaga endilisi dahama dahama ma amamaga amama bu'wami. Ea' amamaga mape mohafami matolom ea', ape' ina ata' mope mohafam wapoti', owa'. I'i enin epen niti amamaga amama nape nehafami ea', dei' maina ata' nepe nehafam wapoti'? Owa'.

1 Korin 15:1

Ipe' alupipei, dei' ae' a'i efela ukup ipe'imi wapoti' ma basef amama bu'wami Godi ali' a'ipipami. Ipe' pefa' basef amama atom dei' manda'epa pembale'ef paitu la'ifipa.

2 Korin 3:18

Ea' ape' hiapai dei' mape amagah wafimi, nafifili bu'unai Dembinai nafifima ape', ape' mififima enis epes. Ape' mape na'ama dei' Ambal Bu'unai Godi naho'ofa waf ape'inai ea' mandati si'i Dembinai ma nafifili anama nataga lu'una la'ela'ef nafe' etin nape. Amama mataga Dembinai atona, anan Ambal Bu'unai Godi.

2 Korin 4:17

Nimanimi amama matagamafai amama sa'osa'om endilisi ea' mape nogota bandana. Nimanimi amama anona nemaf mowalapai nafifili bu'unai endilisi gani heven la'ela'ef hihif. Pe anama bu'unai anona nemaf nikila' endilisi nimanimi amama so'umi dei'imi.

Efesus 2:18

Lagel Kraisi atona ape' epes hiesi mape wambotagw biam mape eaf alihina mafe'ma Ahalomapa Goda Ambal Bu'unai Ananinai atona.

Efesus 3:12

Ape' mape la'ifipa maloma anan mombale'efana. Amama atom ape' ina umbamahapa ma mefe'ma God, owa'. Ape' ukup la'ifim endilisi ea' dei' mafe' felefele'ma Anan.

Efesus 6:13

Amama atom dei' pendawisa sosaf anama sanda' wandafanai hianai God nasi'ipanai hi'ilana. Ama nemaf anama aonai notaga, ipe' la'ifipama pitu la'ifipa ma pikila' amamaga meagwambaipei petofam. Ama pikila' waf aonai hi'ilana pitu la'ifipa la'ela'ef.

2 Tesalonaika 2:16

Afa' wa'i Dembinai ape'inai Jisas Krais naloma God Ahalomapa ape'inai ukup amamumi maimailapa magiambamapa manda'apa mataga la'ifipa. Amam manda'apa na'ama la'ela'ef. Ea' magiambamapa mape mohafa God nonda'apa mope andeande'

Hibrui 3:6

Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

Hibrui 6:18

Basef amama endilisimi atom na'iam endilisi gani ilif. Basef amama biefim ma'iam na'ama etin dei' mape la'ela'ef, ina anom amamaga maloma enis epes soho'ofam, owa'. Anan na'ipapa basef biefim amama ma nenda' opalef ape'imi la'ifim endilisi, ape' amam nematawa mafa' mafe' mandambaho' felefele'ma Anan. Ape' mombale'efa basef amama la'ifipa mogawa endilisi Anan anona nemaf nigiambamapa ma mope andeande'.

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.

Revelesen 21:11

Wambel anama nafifili la'ifinai si'i nagwapin Godi mafifil taun anama. Elelowa nafifili Ananinai anona nafifili si'i otam bu'unai satalona otamba hiami. Endilisi, nafifili anama si'i otam jaspa pelele' endilisi si'i glas.

Revelesen 21:23

Ea' taun anama aon owambunai alipunai maol nanda'anai owa' ma wambel anama howalagoma, owa'. Dei' main, mafifili lu'wami Godi atom mumafiagon manda'agon howalagon. Ea' Sipsip Noganai anan atona si'i nagwapin anama.

Revelesen 21:3

Ea' ame' anona malogel nataga balata kingi na'i mehip na'ama na'i, “Peme'! Dei' ipat lu'unai Godi notawa naloma epes. Ama Anan nope la'afena esis ma sope amam nematawa ananisi ea' Anan nope God esis sanda' lotumanai. Endilisi, God Anan atona nape nalomas.

Revelesen 3:21

Emi egafis situ la'ifisa sili'amona wandafa waf aonai, Ae' anona nemaf i'i aho'ma esis sope solome ma sope dembesi balata king Ae'anai. Na'ama etin si'i fowa' Ae' aitu la'ifiwi ali'amona wandafa waf aonai. Ea' dei' ape aloma Ahalome Ae'anai ape balata king Ananinai.