Basef Amama Pol Nandaꞌam Mafeꞌma Esis Romi 5:14 - Basef Buꞌwami Godi

¹⁴ Ea' ga' nataga nape nogota anama Adami nafi'i nataga nogota Mosesi. Epes isima hiesi ina sogawa mi'uli God fowa' naso' Mosesanai, owa'. Ea' ga' natagamas saga' hi'alas. Fowa' God nase'ana mi'uli Ananinai Adam, ea' Adam natopa'ana. Enis epes ina satopa'ana si'i Adam natopa'ana, owa'. Ea' ga' natagamas saga' wapoti'. Aman anama Adam nanda' ikwafa aman anona nemaf neatagai.

Basef Amama Pol Nandaꞌam Mafeꞌma Esis Romi 5:14 Iomraidhean Croise

Basef Amama Pol Nandaꞌam Mafeꞌma Esis Romi 5:12

Ape' mogawa amama. Aman atotona nali' nanda' waf aonai, dei' waf aonai nape opalef amam nematawa etapasi hiesi. Ea' dei' waf aonai nefa'ai ga' nafi'i, dei' ga' naha epes hiesi saga'. Dei' main, epes hiesi sanda' waf aonai.

Basef Amama Pol Nandaꞌam Mafeꞌma Esis Romi 5:17

Aman anama atotona nanda' waf aonai. Amama atom dei' ga' nataga ma epes hiesi ma aman anama atona. Ea' maol aman anama atotona Jisas Krais nanda'anai lu'una endilisi nikila' ga' ma nagiambama epes isima hiesi. Epes isima owagama sope namisi ma sope dembesi si'i king. Epes isima God nandahomas endilisi.

Basef Amama Pol Nandaꞌam Mafeꞌma Esis Romi 5:21

Fowa' waf aonai nataga lu'una ma ape' hiapai dei' maga'. Ea' dei' waf God nandahomapa anai nikila' waf anama aonai. Anan nandahomapa ea' nofalapa amam nematawa bu'upai ma mofa' ambal namunai nape la'ela'ef ma Dembinai ape'inai Jisas Krais.

Basef Amama Pol Nandaꞌam Mafeꞌma Esis Romi 8:20

Dei' amamaga amama lu'um so'um maloma ape' epes ata' mape wafifipa, maol a'apa. Ina ape' atepa mola ukup manda'am mape, owa'. God atona nanda'apa mape na'ama nahopapa mape owina anan mape mohafa amamaga lu'wami anona nemaf na'i neanda' ma ape'ami.

Basef Amama Pol Nandaꞌam Mafeꞌma Esis Romi 8:22

Ape' mogawa amamaga hiami lu'wami so'umi God nanda'ami mame' nimanimi si'i nemata'w kwa'i kola awani. Ea' amamaga amama malef kwapete' mape mafi'i mataga dei'.

1 Korin 15:22

Amamaga amama na'ama. Epes hiesi Adami hiesi saga'. Ea' na'ama etina epes isima hiesi sape la'ifisa Kraisi, anona nemaf God nonda'as sotanima sohafel wapoti' sofa' ambal namunai ma sope namusi.

1 Korin 15:45

Baibel wapoti' na'i, “Aman nali'i Adam nataga ambal namunai napaina.” Ea' Adam nagi' natagai nataga Ambal Bu'unai ma nase'as ambal namunai epes hiesi.

Hibrui 9:27

Epes hiesi anona nemaf soga' nemaf atotona owagama situma basef lu'wami God nonda' kotimasami.