Basef Amama Pol Nandaꞌam Mafeꞌma Esis Romi 5:1 - Basef Buꞌwami Godi

¹ Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

Basef Amama Pol Nandaꞌam Mafeꞌma Esis Romi 5:1 Iomraidhean Croise

Luk Nandaꞌafi 19:38

Sa'iam na'ama sa'i, “Ape' mefela agel God nape ilifi lu'una, howalagon anan atona. Ma'i anan nofalo'ma ine' dembinai king nafi'i agel Ananinai nese'ena pepel ma nenda' maol Ananinai. Esis sape heveni opalef awanem.”

Luk Nandaꞌafi 19:42

Ea' na'i, “I'i dei' nemaf anae' atona ipe' pegawa basef ofagema ma pepe opalef awanem, amama andeande'. Owa'etin. Basef amama ata' mandambahe', dei' ipe' owa' ata' pegawam.

Luk Nandaꞌafi 2:14

“Ape' mafela agel God nape gani ilif endilisi lu'una. Pepel howalogon ananinai atona. Ea' epes emi sape etapi God okom bo'ona ma esis, opalef asasimi mope awanem.”

Jon Nandaꞌafi 14:27

Ae' a'i ikwahipa. Ea' ae' ina enda'epa umbamahepa ukup awiaom pepan si'i amam nematawa saila waf etapanai sanda'am, owa'. Dei' anda'epa pepe ukup awanem endilisi. Ukup ipe'imi ina mohafel aom, owa'. Ina umbamahepa, owa'.

Jon Nandaꞌafi 16:33

Ae' a'i ipe' pepe pelome opalef ipe'imi mope awanem. Na'ama dei' a'ipipa basef amama. Etap anae' ipe' peme' opalef nimanim. Pepe la'ifipa! Dei' main, ae' agalo'ma waf aonai etapanai ikila'ana ea'.”

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Aposel 10:36

Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

Basef Amama Pol Nandaꞌam Mafeꞌma Esis Romi 1:17

Dei' main, basef amama bu'wami Godi ma'ipapa waf bu'unai ananinai. Anama na'ama. I'i ape' mombale'efa Jisas la'ifipa endilisi, God ni'i ape' bo'wepa andeande'. Ina anona eafa ape' meataga bo'wepa andeande' ma naep ananimi, owa'etin. Bale'ef atona. Eaf si'i Baibel na'i, “Emi egafis sembale'efa Godi, Anan ni'i esis bu'wasi andeande' sope namusi la'ela'ef.”

Basef Amama Pol Nandaꞌam Mafeꞌma Esis Romi 1:7

Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.

Basef Amama Pol Nandaꞌam Mafeꞌma Esis Romi 10:10

Dei' main, ape' mombale'ef opalef ape'imi God na'i ape' amam nematawa mataga bu'upai andeande' ea'. Ea' mawalapa bale'ef ape'inai malogof ape'imi God nofa'apa nokwahomapa waf aonai motanimani.

Basef Amama Pol Nandaꞌam Mafeꞌma Esis Romi 10:15

I'i God owa' nosapa'i amam amama, dei' amam mefe' mowalapam mi'imama? Owa'etin. Si'i Baibel na'i na'ama na'i, “Ahalomafa! Maol anama epes sofa'i basef bu'wami ae'ami sifi'i, anama bu'unai endilisi!”

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 15:33

God Anan ofagonama opalef awanemi. Ae' a'i Anan nope nolomago ipe' hipei. Endilisi.

Basef Amama Pol Nandaꞌam Mafeꞌma Esis Romi 3:22

Waf anama na'ama. Emi egafis sembale'efa Jisas Kraisi, isima God nofalas na'i epes bu'wasi. Ea' ape' epes hiapai mombale'efa Kraisi, God nanda'apa na'ama etin, esis Juda saloma isima owa' Judaisi wapoti'.

Basef Amama Pol Nandaꞌam Mafeꞌma Esis Romi 3:30

Dei' main, God anan anama atona. Anan na'i basef atifim mafe'ma epes hiesi. Emi egafis sembale'efa Krais Jisasi, nambimb God ni'i esis epes bu'wasi andeande, esis Juda saila waf satopa' alopanai saloma isima owa' Judaisi wapoti'.

Basef Amama Pol Nandaꞌam Mafeꞌma Esis Romi 4:5

Na'ama God ina nati maol bu'unai epes sanda'anai ma ni'i esis epes bu'wasi, owa'. Anan nati emi egafis sembale'efana la'ifisi ma nefalas sanda' waf aonai sataga epes bu'wasi. Ea' God nati bale'ef asasinai dei' na'i esis epes bu'wasi.

Basef Amama Pol Nandaꞌam Mafeꞌma Esis Romi 5:11

Ea' ina amama atom, owa'. Ape' mandanifel ma God. Dei' main? Fowa' ape' mape naumbih Ananipai ea' dei' Dembinai ape'inai Jisas Krais nali'amona naumbih ape'imi nanda'apa mataga alupipai malomana. Ea' dei' mandanifel ma Anan.

Basef Amama Pol Nandaꞌam Mafeꞌma Esis Romi 5:18

Dei' ape' mape na'ama. Fowa' waf aonai atotona nanda' ape' hiapai higilalapa. Ea' na'ama etin waf bu'unai atotona natagahepa ma waf aonai nanda'apa dei' mape namepa.

Basef Amama Pol Nandaꞌam Mafeꞌma Esis Romi 6:23

Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

Basef Amama Pol Nandaꞌam Mafeꞌma Esis Romi 9:30

Dei' ape' ata' mi'iam mi'imama? Ape' mi'iam na'ama mi'i, “Esis owa' Judaisi ina sanda' maol lu'unai ma sefa' waf bu'unai, esis sefa'am ea'. Esis sembale'efa God sefa' waf anama bu'unai.

Galesia 2:16

Ape' mogawa God ina okom napoma epen inima nembale'efa mi'uli ananinai ea' nanda' epen inima bo'wen andeande', owa'. Epen nembale'efa Jisas Kraisi atona, God nofalan na'i bo'wen andeande'. Ape' wapoti' mombale'efa Jisas Krais ea' God na'i ape' epes bu'upai Ananipai ma mombale'efa Krais. Ea' mi'uli owa'. Dei' main, ina enin epen naila mi'uli anama God naso' Mosesanai, dei' God nofalan na'i enin bo'wen andeande', owa'.

Galesia 3:25

Dei' nemaf anama mataga ma mombale'efa Krais. Ea' mi'uli anama ina ata' nimafiapa wapoti', owa'.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

Efesus 2:7

God nanda'apa na'ama ma nogota anae' dei' nafe' nafe' notaga owagama nihi'ambas okom ananinai nainailapa nigiambamapa na'a, ma epes hiesi soloma ensel hiami sogawa okom anama ananinai lu'unai endilisi nandawalap alihina ma ape' na'ama. Anan nanda'apa mape la'ifipa maloma Krais Jisas.

Kolosi 1:20

God nanda' amamaga amama hiami mape ilif etapi maloma epes hiesi wapoti' sataga bo'wes sapoma anan. God nanda'am na'ama ma esimbel Kraisi atom malo nemaf anama naga' lawag usi'inai tu'wanainai.

Kolosi 3:15

Krais nase'apa opaf awanena ape' ea' opaf anama atona numafi ipe' endilisi. God nofalepa pataga alop etifina nape opalef awanem. Ipe' pinifelona la'ela'ef.

1 Tesalonaika 5:23

God anan ofagonama ukup awanem. Ae' a'i anan atona nonda'epa pepe bo'wepa andeande' ananipei etipa. A'i anan numafi ambagof moloma alop ukup ipe'imi andeande'ma waf aonai a'epa, pepe andeande' ma nemaf anama Dembinai ape'inai Jisas Krais niefi'ianai.

2 Tesalonaika 3:16

Afa' wa'i Dembinai anan ofagonama opaf awanena la'ela'ef nose'epa okom awanena ma mamagoma ipe' pepe peafe'ma. Afa' wa'i Dembinai nope nolomago ipe' hipei.

Hibrui 13:20

God Anan ofagonama okom awanena. Anan nafela Dembinai ape'inai Jisas nohafel hi'agif wapoti'. Esimbel Jisasi malo manda' basef na'i endilisimi atom mape la'ela'ef motaga la'ifim. Esimbel anama atom Jisas nataga Dembinai numafi esis Kristen si'i amam mumafi sipsip.