Basef Amama Pol Nandaꞌam Mafeꞌma Esis Romi 4:13 - Basef Buꞌwami Godi

¹³ Fowa' gani God na'i basef endilisimi atom naloma Abraham na'i, “Ae' anona nemaf ese'ena etap hiagoma ine' neloma esis bafasena akusena ine'isi wapoti'.” Na'ama Abraham ina naila mi'uli anama God na'i noso' Mosesanai ma dei' na'i basef endilisimi nalomana na'ipana basef amama, ata' owa'. Abraham nali' nembale'efa God dei' nofalana epen bu'unai na'ipana basef amama.

Basef Amama Pol Nandaꞌam Mafeꞌma Esis Romi 4:13 Iomraidhean Croise

Aposel 13:32

Ea' ape' dei' ma'ipipa basef bu'wami ipe'. Amamaga amama fowa' God na'iama na'i nose'asas akusipa ape'isi,

Basef Amama Pol Nandaꞌam Mafeꞌma Esis Romi 4:12

Ea' anan akunamas epes isima Juda satopa' alopi wapoti'. Ea' esis ina satopa' alop atona, owa'. Esis saila bo'wagah Abrahami sombale'efa God si'i fowa' anan nembale'efana nogota anama ata' owa' neatopa' alop.

Basef Amama Pol Nandaꞌam Mafeꞌma Esis Romi 9:8

Amama na'ama. Enis batawis Abrahami ina awasi Godi, owa'. Isima sataga basef amama God na'i endilisimi atom na'ipa Abrahamami, agel napomas ea' bafasana Abrahami endilisi.

Galesia 3:29

I'i ipe' epes Kraisi endilisi, ipe' awasi Abrahami pembale'efa Kraisa anona nemaf God nofa'epa pitanimani pepe andeande' si'i basef amama la'ifimi fowa' na'i endilisimi atom naloma Abraham ma'iami.

Hibrui 11:7

Noa nembale'efa God dei' nihi'ambana basefa amamaga anona nemaf migi' meatagai, amamaga amama Anan owa' ata' notolom nogowami. Anan naila basef Godi nanda' anona sip lu'unai. Sip anama Noa nao'wa akwa'w kwaloma awasi ananisi safe' sawis sapaina sape andeande'. Ina saga', owa'. Sapan. Anan nembale'efa God. Amama atom si'i nanda'masa basefa esis amam nematawa sape etapi hi'alas. Anan nembale'efa God. Amama atom God nofalana na'i aman bu'unai andeande', si'i nanda'masam emi egafis sembale'efana.

Hibrui 7:6

Melkisedek ina nataga wambota Livai, owa'. Ea' anan nofa' amamaga hiami namba ten hap Abraham nowalogami. Ea' Melkisedek nofalo'mana na'ipana basef bu'wami aman anama Abraham. Aman anama Abraham basef bu'wami God na'i endilisimi atom mapomana.