Basef Amama Pol Nandaꞌam Mafeꞌma Esis Romi 3:5 - Basef Buꞌwami Godi

^5-6 Dei' i'ipipa anom basef ape' epes ukup ma'iami. Basef amama na'ama. Dei' ata' mama? I'i waf aonai ape' manda'anai nawalapa waf bu'unai Godi nataga alihina, ape' nambimb mi'iam mi'imama? Mi'i God nanda' waf aonai okom wandafunai nogwamapa waf aonai ape' manda'anai? Owa'etin. I'i God nonda' waf aonai, dei' Anan nowaloga waf amam nematawa hiesi sanda'anai ma main? Owa'etin.

Basef Amama Pol Nandaꞌam Mafeꞌma Esis Romi 3:5 Iomraidhean Croise

Basef Amama Pol Nandaꞌam Mafeꞌma Esis Romi 12:19

Ipe' alupipei ae'ipei endilisi, ina pegwamasa waf aonai esis sanda'mepa anai, owa'. Ipe' pese'as sefe'ma Goda okom wandafunai nopoma esis ama nogwamasa waf aonai esis sanda'mepa anai. Dei' main, basef mail Baibeli ma'i, “Sogwamasa waf aonai ma enis epes sanda' waf aonai, amama maol ae'anai. Ae' atowe anona nemaf egwamasa waf anama aonai esis sanda'mepanai.” Dembinai na'i na'ama.

Basef Amama Pol Nandaꞌam Mafeꞌma Esis Romi 2:5

Ipe' pesambala basefi, dei' ina ata' pamboma opalef, owa'. Ipe' petagama nimanimi lu'wami mupei'ipa. Ama nemaf okom wandafunai Godi notaga alihina ma kot nowaloga epes hiesi ma basef endilisimi ananimi.

Basef Amama Pol Nandaꞌam Mafeꞌma Esis Romi 3:19

Ea' dei' ape' mogawa maim basef Godi mape mi'uli Anan fowa' naso' Mosesanai na'i ape' Juda mope owina mi'uli anama milana. Ea' ina la'ifipa mailana andeande', owa'. Ea' ina enin epen la'ifina ni'i, “Ae' epen bu'uwei andeande',” owa'etin. Ape' epes hiapai ganima hiagoma, ofagema mapoma ape' ma naep Godi anona nemaf nowaloga ape' nowalapa waf aonai ape' manda'anai.

Basef Amama Pol Nandaꞌam Mafeꞌma Esis Romi 3:7

Enis epes ukup ma'i etin sambaso'am sa'i na'ama sa'i, “I'i epes hiesi siti waf aonai ape' manda'anai noloma waf Godi endilisinai ma sowalogana, sogawa waf Godi nikila' waf ape' manda'anai. Ea' waf ape' manda'anai nawalapa agel Godi lu'una. Ea' na'ama God ina nambimb nogwamapa waf aonai ape' manda'anai, owa'.” Owa'etin. Epes isima sambaso'ami.

Basef Amama Pol Nandaꞌam Mafeꞌma Esis Romi 4:1

Ape' mi'i basefa Abraham akunamapa ape' Judai mi'imama? Anan nanda' maina God na'i anan epen bu'unai?

Basef Amama Pol Nandaꞌam Mafeꞌma Esis Romi 5:8

Ape' ata' manda' waf aonai, Krais naga' nagiambamapa. Ea' dei' God nihi'ambapa okom lu'unai nainaila ape' nandawalap alihina.

Basef Amama Pol Nandaꞌam Mafeꞌma Esis Romi 6:1

Enis epes sambaso'mas sa'i na'ama. Sa'i ape' monda' waf aonai la'ela'ef ma waf God nandahomapanai notaga lu'una. Ape' mi'iam na'ama o owa'?

Basef Amama Pol Nandaꞌam Mafeꞌma Esis Romi 6:19

Ukup ipe'imi ina dei' la'ifim, owa'. Amama atom dei' aila ukup ape' epesi a'iam alihim a'i. Fowa' ipe' ata' pase' alop ipe'inai wa'ana pape owina waf aonai naninani naloma waf hianai sosambala mi'uli Godi ea' nandepa panda'ana. Ea' dei' peso' alop wa'ana hi'ilana pepe owina waf bu'unai ma pepe epes Godi etipa.

Basef Amama Pol Nandaꞌam Mafeꞌma Esis Romi 7:7

Mi'uli anama God fowa' naso' Mosesanai nape na'ama. Dei' ape' ata' mi'iam mi'imama? Mi'i mi'uli atona waf aonai o owa'? Owa'etin! Mi'uli anama God fowa' naso' Mosesanai nihi'ambe maina waf aonai ofagena ma egawana. Waf anama kowalasanai nape na'ama. Mi'uli anama na'iam na'ama na'i, “Ina kowalena ma anom amamaga anona amani, owa'.” I'i mi'uli anama owa' nihi'ambe na'ama, ae' ina egawa waf aonai kowalasanai, owa'.

Basef Amama Pol Nandaꞌam Mafeꞌma Esis Romi 8:31

Ape' mame' basefa amamaga amama bu'wami God nanda'mapami dei' muwataniam mi'imama? I'i God nagiambamapa, dei' anona nemaf ina enis la'ifisa sohambombagapa, owa'etin.

Basef Amama Pol Nandaꞌam Mafeꞌma Esis Romi 9:30

Dei' ape' ata' mi'iam mi'imama? Ape' mi'iam na'ama mi'i, “Esis owa' Judaisi ina sanda' maol lu'unai ma sefa' waf bu'unai, esis sefa'am ea'. Esis sembale'efa God sefa' waf anama bu'unai.

1 Korin 15:32

Ae' ape Efesus, anda' wandaf aloma mafis mape aolupi lu'wami. Amama atuwasi efa' amamaga bu'wami i'imama? I'i endilisi esis saga'i owa' sotanima sohafel, si'i anom amam gawaimi ma'i, “Hapaisi, ape' mea' gwa'aimi moloma embela naman meaga'.”

1 Korin 9:8

Ae' aila ukup epesi a'iam na'ama? Owa'. Mi'uli God fowa' naso' Mosesanai na'iam na'ama etin.

2 Korin 6:4

Ea' la'ela'ef wihi'amba epes hiesi wanda' maol Godi. Dei' wihi'ambas na'ama. Waitu la'ififa endilisi ma nimanimi mamumami ma amamaga ma'i mohambombagafa.

2 Korin 7:11

Ipe' ukup mi'i andeande' ma nimanimi amama ipe'imi. God nanda'am mawalapai waf bu'unai naninani hianai ma ipe'. Amama mafelepa pahafel ulala pekwaha waf aonai ipe'inai. Ipe' ambagof aoma epen inima ipe'ini nanda' waf aonai, amama atom dei' umbamehepama basef a'ipipama okom wandafunai Godi. Opalef ipe'imi malef endilisi ma pa'i petolowe ea' la'ifipama pegalo'ma epes isima sanda' waf aonai. Ipe' pagalo'ma epen inima napani laogon. Panda'am na'ama ma pihi'amba epes hiesi waf aonai ofagena a'epa ma amamaga mali' matagamapei.

Galesia 2:18

I'i ae' ali' akwaha waf ape owina mi'uli Godi ea' itanimai ila mi'uli anama wapoti', amama mawalapa ae' aman atopa' mi'uli anama.

Galesia 3:15

Ipe' Kristen sahin owan, a'i i'ipipa anom basef womun etina waf ape' manda'anai. I'i anom amam mi'i anom basef la'ifimi endilisim atom, ina enin epen la'ifina nehape'am nowataniam, owa'. Mope la'ifim la'ela'ef.

Revelesen 15:3

Esis sanda' awaf Moses nanda'mana opeh Godi naloma awaf sipsip noganai. Awaf anama na'ama. “Dembinai, ine' God pepel hianainai. Opeh hiami ine' nanda'ami, amama la'ifimi ea' afa' watolom ukup matameamam hiahiam! Ine' king numafi epes hiesi ea' waf ine'inai bo'ona endilisinai hi'alana!

Revelesen 18:20

Ipe' pape heven ilifi peloma ipe' amam nematawa Godi paloma ipe' aposel paloma ipe' profet, ipe' hipei pendanifel ma amamaga amama dei' matagama wambel lu'unai anama. Dei' main, God nawaloga wambel anama lu'unai ea' nagwa nimanimi lu'wami ma anama. Anan nagwa waf anama aonai esis sape wambel anama Babilon sanda'anai.”