Basef Amama Pol Nandaꞌam Mafeꞌma Esis Romi 3:4 - Basef Buꞌwami Godi

⁴ Owa'etin. Ape' mi'i basef mi'i, epes hiesi sambaso'ami, ea' God atona na'i basef endilisimi la'ela'ef nanda' maol andeande' si'i Baibel na'iam, “Amam nematawa hiesi seme' basef ine'imi si'i endilisimi atom. Nemaf anama enis epes si'i sonda'mena basef, ine' nikila'as.”

Basef Amama Pol Nandaꞌam Mafeꞌma Esis Romi 3:4 Iomraidhean Croise

Matyu Nandaꞌafi 11:19

Ae' ataga epen endillisiwei afi'i a' gwa'aimi maloma embel wain, ea' patolowe pa'i, ‘Piti aman anama na' gwa'aimi hiami na' embel wain hianai endilisi. Anan alupunai ma amam mefa' takisi maloma amam manda' waf aonai!’ Gawa anama gawa bu'unai Godi sonda' waf bu'unai. Epes isima sa'i na'ama, ea' opeh Godi mihi'ambas gawa Ananinai bu'unai endilisi.”

Luk Nandaꞌafi 20:16

Nambimb nifi'i noham afum hi'ilam, nose'asa aof anama nofe'ma enis epes.” Esis same' basef amama sa'i, “Waf anama aonai endilisi. Afa' wandaiwa'mana.”

Jon Nandaꞌafi 3:33

Emi egafis seme' basef ananimi ma sailam, esis sa'i a'e ma basef amama sihi'ambasam alihim ea' sa'i basef Godi endilisimi atom.

Basef Amama Pol Nandaꞌam Mafeꞌma Esis Romi 11:1

Dei' a'i ihali'ipa, God nali'amona Israel hiesi epes ananisi? Owa'etin! Ae' wapoti' Israeliwei esimbel Abrahami, wambota Benjamini.

Basef Amama Pol Nandaꞌam Mafeꞌma Esis Romi 11:11

Dei' ae' ahali'ipa. Esis Juda hiesi sandasisi'ip sowa hegililas? Owa'etin! Esis sololama eaf sanda' waf aonai, amama atom dei' God notanima nofa' enis epes owa' Judaisi sotanima safe'ma anan. God nanda'am na'ama ma esis Juda ata' siti waf anama bu'unai nanda'masana esis sololama Anani ma anona nemaf esis Juda kowalasa waf anama bu'unai God nanda'masanai.

Basef Amama Pol Nandaꞌam Mafeꞌma Esis Romi 3:31

Amama atom dei' bale'ef anama ape' ina mi'i ape' matopa' basefa mi'uli anama God fowa' naso' Mosesanai, owa'. Ape' mombale'efa Krais Jisas dei' mawalapa basef ofagema ma mi'uli anama.

Basef Amama Pol Nandaꞌam Mafeꞌma Esis Romi 6:15

Ea' dei' ape' ata' monda'am mi'imama? Ape' ina mape owina mi'uli anama God fowa naso' Mosesanai, owa'. Ape' dei' mape owina waf anama God nandahomapa etin. Ea' dei' ape' monda' waf aonai? Owa'etin endilisi!

Basef Amama Pol Nandaꞌam Mafeꞌma Esis Romi 6:2

Owa'etin. Waf aonai atotona, dei' ape' maga'. Dei' maina ape' ata' monda' waf aonai atona? Owa'etin, hapainai.

Basef Amama Pol Nandaꞌam Mafeꞌma Esis Romi 7:13

A'i mi'uli anama bu'unai nahe aga'? Owa'etin! Waf aonai atona nahe aga'. Ea' amamaga amama si'i anona eafa waf aonai nahe aga' ma waf anama aonai ofagena nataga nandawalap. Ea' mi'uli anama nihi'ambapa waf aonai ofagena, waf anama aona endilisi.

Basef Amama Pol Nandaꞌam Mafeꞌma Esis Romi 7:7

Mi'uli anama God fowa' naso' Mosesanai nape na'ama. Dei' ape' ata' mi'iam mi'imama? Mi'i mi'uli atona waf aonai o owa'? Owa'etin! Mi'uli anama God fowa' naso' Mosesanai nihi'ambe maina waf aonai ofagena ma egawana. Waf anama kowalasanai nape na'ama. Mi'uli anama na'iam na'ama na'i, “Ina kowalena ma anom amamaga anona amani, owa'.” I'i mi'uli anama owa' nihi'ambe na'ama, ae' ina egawa waf aonai kowalasanai, owa'.

Basef Amama Pol Nandaꞌam Mafeꞌma Esis Romi 9:14

Ea' ape' dei' ata' mi'i main? Mi'i, “God nanda' waf aonai?” Owa'etin!

1 Korin 6:15

Alop ipe'inai alop wa'wa'ana Kraisi atona. Amama ipe' pegawam o owa'? Ea' dei' ipe' pa'i ae' etopa' anona alop wa'awa'ana Kraisi esana noloma alop ano'w nemata'w kwanda' so'a wauli? Owa'etin!

2 Korin 1:18

God anan nanda' amamaga andeande' na'i endilisi. Basef hiami afa' wasi'ipami endilisimi atom na'ama etin. Afa' ina wa'i anom basef biefim, “A'e” naloma “Owa'” mape etifigin, owa'etin.

Galesia 2:17

Ape' mape la'ifipa maloma Jisas Krais dei' God nofalapa epes bu'unai Ananipai. I'i basef amama endilisimi, dei' mape ma'imama? Epes siti ape' owa' mila mi'uli anama fowa' God naso' Mosesanai, atuwasi sofalapa si'i ape' epes aopai si'i isima owa' Judaisi. I'i esis si'ipapa na'ama, ape' ina mi'i Krais nafela ape' manda' waf anama aonai, owa'.

Galesia 2:21

Ae' ina ewa' alafugama waf God nagiambamapa na'a, owa'. I'i mi'uli fowa' God naso' Mosesanai nonda' epes sotaga bo'wes andeande' ma naep Godi, dei' waf Krais naga'manai falafifunai atona ofagena owa'.”

Galesia 6:14

Ea' ae' owa'etin. Andaiwa' ma epes sefela agel ae'anai lu'una, owa'. Ae' andanifel ma efela agela Dembinai ape'inai Jisas Krais atona, anan naga' lawag usi'inai tu'wanainai. Lawag anama Kraisi atona, dei' waf etapanai naga' nomon opaf ae'anai, dei' ae' si'i epen naga' lawag usi'inai tu'wanainai ma naep epes sape etapi.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

Taitus 1:2

Ae' anda' maola agiambama bale'ef asasinai ma esis sogawa ma sondanifel sope sohafa ambal anama namunai nope andeande' la'ela'ef. Fowa' gani God ata' owa' nonda' anom amamaga motaga etap anae', anan nali' na'iam ma nose'apa ambal anama ape'. Anan ina nambaso'ami, owa'.

Hibrui 6:18

Basef amama endilisimi atom na'iam endilisi gani ilif. Basef amama biefim ma'iam na'ama etin dei' mape la'ela'ef, ina anom amamaga maloma enis epes soho'ofam, owa'. Anan na'ipapa basef biefim amama ma nenda' opalef ape'imi la'ifim endilisi, ape' amam nematawa mafa' mafe' mandambaho' felefele'ma Anan. Ape' mombale'efa basef amama la'ifipa mogawa endilisi Anan anona nemaf nigiambamapa ma mope andeande'.

1 Jon 5:10

Ea' emi egafis sembale'efa Nogalomana Godi, basef amama endilisimi mape nomon okom ananinai. Ea' emi egafis owa' sombale'efa God, epes isima na'i God aman nambaso'mami. Dei' main, isima ina sembale'efa basef amama God na'ima Nogalomana Ananinai, owa'.

1 Jon 5:20

Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.

Revelesen 3:7

Ine' da'a anom basef mofe'ma ensel anama numafi sios amam nematawa Kristen sape Filadelfiai. Ae' bu'uwei endilisi dei' ahapila ki ma uta anama fowa' king Devit nahapilanai. I'i Ae' ewisi'ana, anona aman ina la'ifina ma nowalowana, ea' Ae' i'i ewalowana wapoti', nambimb enin epen ina la'ifina niwisi'ana, owa'. Ae' atowe a'ipipago basef amama ipe'.