Basef Amama Pol Nandaꞌam Mafeꞌma Esis Romi 3:25 - Basef Buꞌwami Godi

²⁵ God nihi'ambasana Krais Jisas alihina ma amam nematawa hiesi na'ama. Anan naga' esimbel ananimi malo mali'amona okom wandafunai Godi ma nakwaha waf aonai emi egafis sembale'efanai. Ga' Krais Jisasi atona dei' God nihi'ambapa waf bu'unai na'ama. Fowa' nanda' esis amam nematawa sa'osa'ombemas ea' ina nogwamasa waf aonai esis sanda'anai, owa'.

Basef Amama Pol Nandaꞌam Mafeꞌma Esis Romi 3:25 Iomraidhean Croise

Jon Nandaꞌafi 6:47

Ae' a'ipipa basef endilisimi atom. Emi egafis sembale'efa ae', esis dei' sefa' ambal namunai sepe andeande' la'ela'ef hihif.

Aposel 14:16

Endilisi fowa' nimeguf hiami nape nati amam nematawa hiesi saila waf asasinai.

Aposel 15:18

Fowa' gani endilisi Ae' Dembiwai awalapa basef amama.’

Aposel 17:30

Fowa' gani epes owa' seagawanai, God ina na'i basef mamumami ma amamaga hiami esis sanda'am nogota anama, owa'. Ea' dei' anan na'ipas na'i mehip epes hiesi ma wambel etap hiagoma na'i, ‘Ipe' pemboma opalef pila Ae'.’

Aposel 2:23

Fowa' gani God nogawa ea' nail okom Ananinai atona nanda' aman anama nefe' nope lagof ipe'imi. Ea' amam amama mololama mi'uli Godi sanda' waf aonai, amam magiambama ipe' pembale'ana paundana nail lawag usi'inai tu'wanainai ea' pahana naga'.

Aposel 3:18

Fowa' gani God nawalapa basefa amam profet hiami ma Krais, God nandandepana nasapa'ana nafi'i. Basef amama ma'i Krais nome' nimanimi lu'wami. Ea' waf anama dei' ipe' panda'anai, anama nandahama basef amama amamumi mataga mandawalap alihim.

Aposel 4:28

Esis sandakolas sape etifigina sonda' amamaga hiami si'i fowa' gani ine' la'ifina okom ine'inai na'i neataga dei'.

Basef Amama Pol Nandaꞌam Mafeꞌma Esis Romi 2:4

God nanda'epa andeande' endilisi, ea' ata' nape nohafepa nogota launai, ina nagwamepa waf aonai nase'epa nimanimi ulal, owa'. Waf anama bu'unai Godi ipe' ukup ma'i falafunai? Anan nanda'mepa waf anama bu'unai ma ata' pemboma opalef. A'i ipe' pegawa amama?

Basef Amama Pol Nandaꞌam Mafeꞌma Esis Romi 3:26

Anan nanda'am na'ama ma nogwamasa waf aonai esis sanda'anai ma dei' nihi'ambapa waf bu'unai ananinai nataga alihiguma. Amama atom dei' ape' mogawa Anan bu'unai endilisi na'i emi egafis sembale'efa Jisasi sataga epes bu'wasi.

Basef Amama Pol Nandaꞌam Mafeꞌma Esis Romi 5:1

Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

Basef Amama Pol Nandaꞌam Mafeꞌma Esis Romi 5:11

Ea' ina amama atom, owa'. Ape' mandanifel ma God. Dei' main? Fowa' ape' mape naumbih Ananipai ea' dei' Dembinai ape'inai Jisas Krais nali'amona naumbih ape'imi nanda'apa mataga alupipai malomana. Ea' dei' mandanifel ma Anan.

Basef Amama Pol Nandaꞌam Mafeꞌma Esis Romi 5:18

Dei' ape' mape na'ama. Fowa' waf aonai atotona nanda' ape' hiapai higilalapa. Ea' na'ama etin waf bu'unai atotona natagahepa ma waf aonai nanda'apa dei' mape namepa.

Basef Amama Pol Nandaꞌam Mafeꞌma Esis Romi 5:9

Anan naga' esimbel ananimi malo dei' God nofalapa epes bu'upai. Amama atom dei' ape' mogawa endilisi Krais natagahepa ma okom wandafunai Godi.

1 Korin 5:7

Ea' ipe' pekwaha yis amama apimi ma pepan si'i bret dambainai yis a'anai, si'i endilisi ipe' pataga epes dambaipei. Dei' main, sipsip sondolali sahanama gwa'aimi lu'wami Pasovai anan Krais, esis sahana naga' ea', si'i sondolali gwa'aimi mafis maima God.

2 Korin 5:21

Aman anama ina nanda' waf aonai ea' God nakolasa awami ape'imi hiami mafe'ma anan atona ea' ofagema ape'imi mapoma anan atona nofa'am. Anan nanda'am na'ama ma ape' mape la'ifipa maloma Jisas Krais mefa' waf ananinai bu'unai.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Efesus 2:13

Ea' ipe' fowa' pape laogona God, esimbel Kraisi atom ma ga' ananinai mofa'epa dei' makolasepa pafi'i pape felefele'ma Goda lagel Jisasi atona.

1 Timoti 1:15

Anom basef endilisimi atoma epes hiesi some'ama sombale'efam. Basef amama na'ama. Krais Jisas nisila'i etap anae' ma nefa'ape epes manda' waf aonai nokwahomapana motanimani mape andeande'. Ae' ma'uwi ali' anda' waf aonai ikila' enis epes ea' ma'uwi ae' atowe.

Hibrui 10:4

Esimbel bulmakau noganai maloma meme ina la'ifima mokwaha waf aonai esis sanda'anai, owa'.

Hibrui 11:14

Epes sa'i basef amama, ape' mogawas sa'i sogolopa etap asasinai endilisinai.

Hibrui 11:17

Abraham nembale'efa God endilisi ma basef amama na'i endilisimi atom nalomanomi. Ea' dei' God nagwamba Abrahama nese'ana Aisak nondolalimana ma God. Endilisi, Abraham nape nohafa noha nogalomana ananinai nondolalimana.

Hibrui 11:7

Noa nembale'efa God dei' nihi'ambana basefa amamaga anona nemaf migi' meatagai, amamaga amama Anan owa' ata' notolom nogowami. Anan naila basef Godi nanda' anona sip lu'unai. Sip anama Noa nao'wa akwa'w kwaloma awasi ananisi safe' sawis sapaina sape andeande'. Ina saga', owa'. Sapan. Anan nembale'efa God. Amama atom si'i nanda'masa basefa esis amam nematawa sape etapi hi'alas. Anan nembale'efa God. Amama atom God nofalana na'i aman bu'unai andeande', si'i nanda'masam emi egafis sembale'efana.

Hibrui 9:28

Ea' na'ama etin si'i Krais nase'ana Anan hi'alana nondolalima Goda nemaf atotona nakwaha waf aonai epes hiesi sanda'anai. Anona nemaf wapoti' nigi' notanima nifi'i. Ea' Anan ina nifi'i ma nokwaha waf aonai epes sanda'anai, owa'. Nifi'i ma nofa' epes isima sape sohafanai.

Hibrui 9:5

Ea' amamaga matoma ilifa bokis amama andi'i amama. Anom biam si'i ensel sanda' gol nafifili sanda'am mondola'wifa God nape nalomas. Amama matoma ilifa bokis amama. Bihinagof mandom ensel amama na'ama la'afen mondolali makolo' esimbel mali'amona okom wandafunai Godi. Ea' dei' ae' ina la'ifiwi ma i'i basefa amamaga amama ofagema i'ipipam hi'ilam, owa'.

1 Jon 1:10

I'i ape' mi'i, “Ape' owa' monda' waf aonai”, ape' mofala God ma'i anan aman na'i basef baso'maimi. Ea' basef ananimi ina mape opalef ape'imi, owa'.

1 Jon 2:2

Anan atona nahagofa okom wandafunai Godi naga' nakwaha waf aonai ape' manda'anai. Ea' ina nakwaha waf aonai ape' manda'anai atona, owa'. Anan nakwaha waf aonai ma epes hiesi etapasi hi'alas.

1 Jon 4:10

Basef ofagema ma God okom nainaila ape' amama. Ape' ina mali' ukup maimailana, owa'. Anan nali' okom nainailapa ea' nasapa' Nogalomana Ananinai nafi'i ma nanda' okom wandafunai Godi naga' nakwaha waf aonai ape' manda'anai.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.

Revelesen 20:15

I'i Anan natoma balata kingi owa' nieti agel anin epeni nope buk anama, nefelen nokwahin newala hul anama nif amama fandumi mapeinai.

Revelesen 5:9

Ea' manda' anona awaf dambainai na'ama ma'i, “Ine' bu'winai endilisi ma nefa'ai buk anama nahape' mandof tep anama hianai mowa'anai. Dei' main, esis sahena naga', esimbel ine'imi matala epes isima wapoti' sotanimani nase'anas God. Ine' natala esis amam nematawa hiesi hi'alasa epes hiesi wambotagw hiami mamumami, diga naninani hianai, alop naninani hianai ma epes sape etap hiagoma wambel hiagoma ma sotanimani.