Basef Amama Pol Nandaꞌam Mafeꞌma Esis Romi 2:8 - Basef Buꞌwami Godi

⁸ Ea' enis ukup mapoma esis etis sowa' alafugaha basef endilisimi saila waf aonai. Epes isima anona nemaf God okom wandafuna endilisi nindaiwa'masa waf aonai esis sanda'anai.

Basef Amama Pol Nandaꞌam Mafeꞌma Esis Romi 2:8 Iomraidhean Croise

Basef Amama Pol Nandaꞌam Mafeꞌma Esis Romi 1:18

Dei' owagama wapoti' okom numbutinai Godi nape nafi'i heven notaga nondawalap alihina ma waf hianai aonai epes sanda'anai. Anan nogwamasa nimanimi lu'wami ma epes isima hiesi sowa' alafugaha waf bu'unai Ananinai sanda' waf aonai dei' sahagofa basef endilisimi Ananimi.

Basef Amama Pol Nandaꞌam Mafeꞌma Esis Romi 10:16

Ina Israel hiesi saila basef amama bu'wami Godi, owa'etin. Fowa' profet anama Aisaia na'i na'ama na'i, “Dembinai, anona nemaf emi egafis sembale'ef basef amama esis seme'ama afa'? Owa'etin.”

Basef Amama Pol Nandaꞌam Mafeꞌma Esis Romi 15:18

Krais atona nase'e pepel anda' maol anama. Anan nagiambame nanda'e la'ifiwi afe' anda' maol anama lu'unai awalipa esis owa' Judaisi ma silana some' basef ananimi. Ae' andaiwa'ma i'ipipa anom basef, owa'. Amama atom.

Basef Amama Pol Nandaꞌam Mafeꞌma Esis Romi 6:17

Endilisi, fowa' ipe' pape owina waf aonai nanda'epa panda'ana. Ea' God nanda'epa pape owina basef ananimi pailam ea' pase'ana opalef hi'alama paila basef amama ipe' pefa'ami. Ea' ape' manifela God.

Basef Amama Pol Nandaꞌam Mafeꞌma Esis Romi 9:22

God wapoti' nanda'am na'ama etin si'i aman nanda' malihi. Fowa' nanda' epes sataga ea' naila okom ananinai atona na'i aho'ma enis epes sefe' eaf hagililasanai. Esis safe' eaf anama, ea' anan ina nagwamasa waf aonai esis sanda'anai ulal, owa'. Anan ata' nanimbelis nape nohafas nogota laonai ma anona nemaf nohambombagas. Dei' main, anan na'i nowalapa okom wandafunai ananinai notaga alihina noloma pepel ananinai ma epes hiesi sogawana.

1 Korin 11:16

Ea' i'i emi epen nesmbala basef amama, anan negawa ape' ina maila anona waf, owa'etin. Maila waf anama atona. Ea' esis amam nematawa Godi hiesi dei' sailana na'ama etin.

2 Korin 12:20

Ae' umbamahe a'iam na'ama a'i nabimb efo'o etaga ma itilipa ina pepe bo'wepa si'i okom ae'anai na'i efo'o iti ipe' pepe bowepa, owa'. Ea' ipe' wapoti' nambimb piti ae' ina epe bo'awe si'i pa'i piti ae' epe, owa'. Na'ama waf naninani hianai nope. Basef lopa' fitapaimi, waf kowalepa ma anom amamaga, migimigah, findiwa, daha basef, sasambala basef, basef manda'as sanda hape'ma sape deindei'. Ea' ipe' ina peme' andeande'ma pila ukup etifima waf sanda' lotuwanai, owa'. Paila ukup deindei'. Ae' umbamahema amama.

Galesia 5:20

sandagala sanifela god baso'omunai, sanda' mu'uhup, sanda' ufial ma'akw, waf nefala enis naumbih, ukup mapoma esis etis, lopa' fitap, waf kowalasa anom amamaga enis epesi, ukup wandafum, basef wandafumi sondaha pepe'ma biefis, sowala wambotagw,

Filipai 1:17

Ea' epes isima kowalasa ae'i dei' sawalapa basef Kraisi. Esis ina ukup mohafel endilisi ma sanda' opeh sefela agel Kraisi, owa'. Esis sanda'am na'ama ma sefela agof asasimi atom. Sa'i sowatani anom nimanimi wapoti' ma ae' ape la'ela'ef anda' kalabus.

Filipai 2:3

Ipe' ina ukup mopoma ipe' etipa penda' opeha enis epes safela agof ipe'imi lu'um, owa'. Ipe' pefe' owina enis epes ea' ina pi'i pepe ilifa esis, owa'.

2 Tesalonaika 1:8

Nemaf anama God nohambombaga esis isima sololama Anani soloma isima owa' sila basef bu'wami Dembinai ape'inai Jisas

Taitus 3:9

Ea' basef amama mamumami falafumi esis sa'iama sosambala waf bu'unai, sa'i sondahihianama sa'i agof hiami bafasas akupas asasisi etis, sofitapa mi'uli fowa' God naso' Mosesanai, amama ine' nindihi'amam. Dei' main, ape' mogawa basef amama ina magimbamepa mawalapa anona waf bu'unai, owa'.

Hibrui 10:27

I'i ape' monda'am na'ama, nambimb ape' umbamohapa endilisi mope mohafa nemaf anama God nowaloga ape' ma nosapa'apa mofe' nif lu'wami fandumi. Nif amama anona nemaf fendo naumbih Godi.

Hibrui 11:8

Nemaf anama God nofala Abraham nakwaha wambel ananinai nafe' etap God na'i nease'anagoma ea' anan nembale'efana. Amama atom naila basef Godi nafe'. Anan ina nagawa anama neafe'ma, owa'. Ea' anan nembale'efana dei' nafe'.

Hibrui 5:9

Anan nataga Nogalomana Godi bo'ona endilisi. Amama atom dei' Anan ofagonama epes saila basef ananimi mofa'as sotanimani sofa' ambal namunai sope andeande' la'ela'ef hihif.

Jems 3:14

Ukup ipe'imi ina kowalepa ma pefa' amamaga hiahaom otamba maim enis epesi, owa'. Ipe' ina pefela agof ipe'imi, owa'. Ipe' penda' waf anama pi'i ipe' etipa gawaipei, ipe' pambaso'mas. Na'ama hapaimi. Gawa anama ipe'inai ina endilisinai, owa'.

Jems 3:16

Emi egafis ukup mopoma esis etis si'i kowalas ma sofa' agof lu'wami ma amamaga maim hiami enis epesi, epes isima ina sape andeande', owa'. Esis ina sandatama sape etifigin saloma enis epes, owa'. Sanda' lopa' fitap etina sanda' waf naninani aonai.

1 Pita 3:1

Basef amama mali'i ma'i ipe' pepe owina dembemi gavman moloma agufumi ipe' panda' opeha amam. Ea' na'ama etin ipe' nematawa paso' amami pepe owina amam wauhupipa ipe'imi. I'i anom owa' ata' mila basef Godi, ipe' pihi'ambama waf bu'unai atona la'ela'ef. Ipe' ina pi'ipam anom basef, owa'. Ea' pihi'ambama miti waf bu'unai ipe' panda'anai, ma amam mila basef Godi mombale'efana.

1 Pita 4:17

Nogota anama mataga ea' ma dei' God nowaloga epes hiesi Ananisi ma basef lu'wami. I'i God nili' nowaloga ape' mili', anona nemaf nigi' nowaloga epes isima sosambala basef bu'wami Ananimi sope si'imama? Esis sofa' nimanimi lu'wami.

Revelesen 14:10

esis nambimb sope si'i sogwa' anona wain. Wain anama basef womun etina okom wandafunai Godi. God ina nati uwahipis, owa'. Anan okom wandafunai lu'una endilisi. Anan anona nemaf nese'as okom wandafunai epes isima ma nogwa waf aonai esis sanda'anai. Ama epes isima sofa' nimanimi lu'wami ma nif fandumi mahihi'asi ma otamba agel salfa nifimi ma naep amam ensel bu'wami Godi moloma naep sipsip noganai.

Revelesen 16:19

Taun anama wambel lu'unai nandawal wenifigin. Ea' wambel hiagoma etap hiagoma kantri awagon hi'alagon. Ea' God okom napoma epes sanda' waf aonai sape taun anama lu'wagoma Babilon, dei' okom ananinai wandafuna nanda' esis sa' embela kap wain nalami nahas kwapete'as. Wain anama womun etina okom wandafunai Godi.