Basef Amama Pol Nandaꞌam Mafeꞌma Esis Romi 2:7 - Basef Buꞌwami Godi

⁷ Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 2:7 Iomraidhean Croise

Matyu Nandaꞌafi 25:46

Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”

Luk Nandaꞌafi 21:19

Ipe' pepe la'ifipa ma anona nemaf pefa' ambal namunai.

Luk Nandaꞌafi 8:15

Ea' anom mowa etap bu'unai, si'i enis same' basef bu'wami sembale'am la'ifis. Opalef asasimi bo'om same' basef Godi sailam. Esis sape la'ifis sanda' waf bu'unai la'ela'ef, isima sape si'i olelemb mataga malo mail mola gwa'aimi andeande'i.

Jon Nandaꞌafi 4:36

Emi egafis sela' gwa'aimi, esis sefa' otamba ma maol anama sanda'anai. Ea' sowa'ani gwa'aimi amama ambal namunai napeimi mope la'ela'ef. Ea' epes isima sawami saloma enis sala'ami sonda'kolas etifigin sondanifel.

Jon Nandaꞌafi 5:44

Ukup ipe'imi ma'i mefa' agof lu'wami ma sahopepa owapepa ipe'imi atom. Ea' God owa'. Na'ama ipe' pembale'efe pi'imama? Owa'etin.

Basef Amama Pol Nandaꞌam Mafeꞌma Esis Romi 2:10

Ea' God anona nemaf nose'asa pe bu'unai ma nafifili noloma agof lu'wami moloma opalef awanemi epes isima hiesi sanda' waf bu'unai. Esis Juda sili' ea' isima owa' Judaisi sigi'.

Basef Amama Pol Nandaꞌam Mafeꞌma Esis Romi 6:23

Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

Basef Amama Pol Nandaꞌam Mafeꞌma Esis Romi 8:18

Ae' okom na'i pe anama bu'unai anona nemaf notaga nondawalapa ape' gani ilif heven, anama anona nemaf nikila' endilisi nimanimi amama ape' dei' mefa'am nogota anae'.

Basef Amama Pol Nandaꞌam Mafeꞌma Esis Romi 9:23

Anan na'i nowalapam motaga alihim amamaga nafifili bu'unai ananinai ma enis epes anan nati uwahipis sogawam. Epes isima anan naila okom ananinai atona fowa' nandandepasa nose'asa nafifili esis.

1 Korin 15:42

Waf epes sa'i sohafel wapoti', anama na'ama etin. Alop ape' dei' mawanai, anama nambimb aona folo'olana. Alop nohafel wapoti', anama ina anona nemaf aona, owa'. Nope bo'ona la'ela'ef.

1 Korin 15:50

Ipe' alupipei, dei' a'ipipa basef amama bu'wami. Epes etapasi anona nemaf ina la'ifisa siowis wambel Godi, owa'. Amamaga etapami higililami ina anona nemaf la'ifima mope la'ela'ef, owa'.

1 Korin 15:58

Ipe' alupipei ae'ipei endilisi, pepe la'ifipa andeande'. Ina umbamehepa petambel, owa'. La'el'ef pepe la'ifipa penda' maol Dembinai. Dei' main, ipe' pegawa maol anama panda'ana ma Dembinai, ina anona nemaf nowala etin, owa'.

Galesia 6:9

Amama atom dei' ape' ina ala'uta napa ma monda' waf bu'unai, owa'. Monda'ana la'ela'ef. I'i bihiguf ape'imi monda' maol la'ifina, anona nemaf mola' gwa'aimi bu'wami endilisi.

Efesus 6:24

Ea' a'i God nigiambamepago na'a nonda' epes isima emi egafis ukup maimaila Jisas Krais Dembinai ape'inai la'ela'efi sotaga la'ifis. Waf epes isima ukup maimailasanai anama nape la'ela'ef owa' hi'ilanae. Ea' ma'um.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

1 Timoti 1:17

Anan dembinai King nape la'ela'ef. Anan owa' neaga'i, epes owa' la'ifisa sotolona. Anan atona God endilisinai. Ae' a'i agel lu'unai pepel nafifili mopoma Anan atona la'ela'ef. Endilisi.

2 Timoti 1:10

Ea' dei' nogota anae' Krais Jisas nafi'i nofa'apa motanimani, anan nataga alihina. Dei' maol ananinai God nagiambamapa na'a nanda'apa mataga la'ifipa mataga alihim. Krais Jisas nikila' ga', ea' basef bu'wami Godi mihima'mapa ambal namunai nape andeande' la'ela'ef.

Hibrui 2:7

Ine' nanda' amam ensel mape dambem la'ifima esis isima amam nematawa etapasi nogota bandana. Ine' nase'asa agof lu'wami nanda'asa sataga dambes.

Hibrui 6:12

Ae' andaiwa'ma ipe' ala'uta nepa, owa'. Ipe' pila waf epes isima sombale'efa God endilisi ma esis ina ukup mandasosol, owa'. Ae' a'i ipe' pefa' amamaga bu'wami fowa' God na'iama basef endilisimi atom na'i anona nemaf noso'asam epes Ananisi.

Hibrui 6:15

Ea' Abraham name' basef amama dei' ina ala'uta nana, owa'. Nape sa'ombel nohafa amamaga bu'wami God fowa' na'i neaso'anami mila basef amama na'i endilisimi atom.

1 Jon 2:25

Krais na'ipapa basef endilisimi la'ifimi, Anan anona nemaf nose'apa ambal namunai mope andeande' la'ela'ef.