Basef Amama Pol Nandaꞌam Mafeꞌma Esis Romi 2:6 - Basef Buꞌwami Godi

⁶ “Nemaf anama anan nowalogamasa waf epesi atona etin, nogwamasana nondahama waf esis sanda'anai.”

Basef Amama Pol Nandaꞌam Mafeꞌma Esis Romi 2:6 Iomraidhean Croise

Matyu Nandaꞌafi 16:27

Ae' ataga epen endilisiwei, anona nemaf ae' ifi'i elomai amamaga bu'wami pepel nafifili noloma amam ensel ae'ami. Ama nemaf anama, ae' egwamasa amamaga hiami esis amam nematawa hiesi mondahama waf esis sanda'anai hianai.

Basef Amama Pol Nandaꞌam Mafeꞌma Esis Romi 14:22

Ukup ipe'imi atom mi'i moloma Goda amamaga amama monda' owalomepa nowa. Epes ukup mopoma anom amamaga bu'wami, ukup asasimi ina manda' kotimasa amamaga gwa'aimi maim amama, owa'. Esis sandanifel.

1 Korin 3:8

Ea' epen inima newaha olelemb gwa'aimi naloma epen inima nakolo' embel nasa'opami, esis bias sanda' maol anama atona. Ea' esis bias atona etin anona nemaf sofa' amamaga mandahama maol sanda'anai.

1 Korin 4:5

Ea' dei' nogota dende'anai ata' owa'. Ipe' owa' pewaloga waf enin epen nanda'anai, owa'. Ipe' ata' pepe pehafa nemaf anama Dembinai niefi'ianai. Nemaf anama anan nowalapai amamaga hiami mandamabaho' mape akoti motaga mondawalap howalagoma. Nemaf anama Anan nowalapa ukup epes hiesi mape mandambahi'i motaga mondawalap alihim. Ea' God ni'ipapa basef ananimi ape' hiapai atona etin mondahama maol ape' manda'anai, bo'ona o aona.

2 Korin 11:15

I'i amam manda' maol ananinai wapoti' mondola'wifa sanda' maol bu'unai waf bu'unai, amama ina anom amamaga manda'apa gegelalasepa, owa'. Anona nemaf amam mofa' nimanimi awami mondahama maol amam manda'anai.

2 Korin 5:10

Ape' mogawa endilisi anona nemaf ape' hiapai motaga ma kot anama Kraisi. I'i ape' monda' waf bu'unai o waf aonai nogota anama ata' mape alop ape'inai. Owagama ape' hiapai atona etin mofa' amamaga amama bu'wami o awami mogwama waf anama ape' manda'anai.

2 Timoti 4:14

Aleksander aman nanda' maola brasi, nanda' megah endilisi. Anona nemaf Dembinai nogwamana nimanimi anan, mondahama waf anan nanda'meanai.

Revelesen 2:23

Esis isima saila basef akwa'umi wapoti', nambimb ehas soga'. Ama esis amam nematawa hiesi Godi sogawa Ae' awaloga nomonas maloma ukup epes hiesi andeande'. Ea' anona nemaf egwamepa amamaga ipe' atona etin, mondahama waf ipe' panda'anai.

Revelesen 20:12

Ea' ati esis saga'i sape, epes isima agufisi saloma isima agof a'asi saitu naep balata kingi. Ea' aman anama natoma balata anama nefa' anom buk ea' naufam. Ea' naufa anona buk wapoti', agof esis sofa' ambagof namumi mailanai. Ea' nati amef mail buk amama, ma'i maina waf esis sanda'anai nawaloga esis saga'i sandahama waf hianai esis sali' sanda'anai.

Revelesen 22:12

Ea' Jisas na'i, “Peme'! Anona nemaf Ae' etaga mehip. Ea' ifi'i eloma amamaga bu'wami awami, ewaloga esis amam nematawa hiesi egwamasam atona etin mondahama waf esis sanda'anai.