Basef Amama Pol Nandaꞌam Mafeꞌma Esis Romi 2:4 - Basef Buꞌwami Godi

⁴ God nanda'epa andeande' endilisi, ea' ata' nape nohafepa nogota launai, ina nagwamepa waf aonai nase'epa nimanimi ulal, owa'. Waf anama bu'unai Godi ipe' ukup ma'i falafunai? Anan nanda'mepa waf anama bu'unai ma ata' pemboma opalef. A'i ipe' pegawa amama?

Basef Amama Pol Nandaꞌam Mafeꞌma Esis Romi 2:4 Iomraidhean Croise

Basef Amama Pol Nandaꞌam Mafeꞌma Esis Romi 10:12

Esis Juda saloma isima owa' Judaisi ea' na'ama etin, God Anan Dembinai atotona ape' hiapai. Ea' anan nagiambamapa nase'apa waf bu'unai etina emi egafis sofalona,

Basef Amama Pol Nandaꞌam Mafeꞌma Esis Romi 11:22

Ea' ipe' ukup ma'i andeande' okom biefim Godi uwahipimi maloma wandafumi wapoti'. Epes sakwaha waf ananinai, na'ipasa basef la'ifimi. Ea' ipe' God na'i uwahipipei, i'i ipe' pila uwahipimi amama, andeande'. I'i owa', anona nemaf notopa'epa wapoti'.

Basef Amama Pol Nandaꞌam Mafeꞌma Esis Romi 11:33

Ahalomafa! Okom Godi naloma gawa ananinai bu'unai lu'una endilisi. Ape' epes ina la'ifipa endilisi ma mogawa ofagema basef ananimi moloma okom ananinai hianai, owa'etin. Ape' owa' la'ifipa ma mowalapa basefa anan okom na'iami. Ea' ape' owa' mogawa waf hianai ananinai, owa'.

Basef Amama Pol Nandaꞌam Mafeꞌma Esis Romi 3:25

God nihi'ambasana Krais Jisas alihina ma amam nematawa hiesi na'ama. Anan naga' esimbel ananimi malo mali'amona okom wandafunai Godi ma nakwaha waf aonai emi egafis sembale'efanai. Ga' Krais Jisasi atona dei' God nihi'ambapa waf bu'unai na'ama. Fowa' nanda' esis amam nematawa sa'osa'ombemas ea' ina nogwamasa waf aonai esis sanda'anai, owa'.

Basef Amama Pol Nandaꞌam Mafeꞌma Esis Romi 6:1

Enis epes sambaso'mas sa'i na'ama. Sa'i ape' monda' waf aonai la'ela'ef ma waf God nandahomapanai notaga lu'una. Ape' mi'iam na'ama o owa'?

Basef Amama Pol Nandaꞌam Mafeꞌma Esis Romi 6:15

Ea' dei' ape' ata' monda'am mi'imama? Ape' ina mape owina mi'uli anama God fowa naso' Mosesanai, owa'. Ape' dei' mape owina waf anama God nandahomapa etin. Ea' dei' ape' monda' waf aonai? Owa'etin endilisi!

2 Korin 8:2

Nimanimi lu'wami matagama esis ea' amama magwamba opalef asasimi endilisi. Ea' nogota anama esis sape amamaga a'as endilisi. Ea' esis sofa' danifel lu'unai nalomam. Ea' esis ukup ma'i enis Kristen kwahusi, satama otamba maim hiami ma sigiambamas.

Efesus 1:18

Ae' anda' beten ahali'ana ma nonda' ukup ipe'imi pegawa waf bu'unai ma amamaga bu'wami Anan nofalepa pape pehafami. Ma pegawa ambal namunai mape la'ela'ef noloma wambel Godi nahopagoma howalagon endilisima. Amama God nandondomba ma anona nemaf na'i nose'apa moloma epes ananisi endilisi.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Efesus 2:4

Ea' God nati owahipipa endilisi ape' epes, okom lu'unai nainailapa.

Efesus 2:7

God nanda'apa na'ama ma nogota anae' dei' nafe' nafe' notaga owagama nihi'ambas okom ananinai nainailapa nigiambamapa na'a, ma epes hiesi soloma ensel hiami sogawa okom anama ananinai lu'unai endilisi nandawalap alihina ma ape' na'ama. Anan nanda'apa mape la'ifipa maloma Krais Jisas.

Efesus 3:16

Ae' anda' beten ahali'ana na'ama. A'i God nigiambamepa ma pepel nafifilili ananinai lu'unai endilisi. A'i pepel Ananinai atona nonda'epa pepe la'ifipama opalef ipe'imi nomona Ambal Bu'unai Ananinai atona.

Efesus 3:8

Endilisi ae' ape falafuwei agi' endilisi ma amam nematawa hiesi Godi. Ea' Anan okom nainaili nagiambame na'a ma anda' maol awalipa esis sololama Godi basef bu'wami ma Krais. Waf anama naloma basef amama bo'om endilisi mikila' gawa epes hiesi, ea' ina la'ifisa sagawa ofagema amama, owa'.

Filipai 4:19

God amamaga hiamunai nambimb nowapatiamapam amamaga amama ipe' a'ipamami ma lagel Jisas Kraisi atona.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

Kolosi 2:2

Ae' anda'am na'ama ma opalef ipe'imi moloma opalef asasimi motaga la'ifim mope ukup mondao'oma etina sahin owan ipe'isi. Ama ipe' peloma esis pefa' gawa bu'unai endilisi nenda' bale'ef ipe'inai bo'ona ma pegawa basef Godi endilisimi atom. Ae' anda' maol anama ma ipe' peloma esis pegawa basef amama Godi ofagema fowa' mandambahi'i ma'i Krais atona.

1 Timoti 1:16

Amama atom dei' God nati uwahipiwi ali' ma Krais Jisas na'i nih'iambasa Anan ina okom wandafunama ae' ulal, owa'. Ae' anda' waf aonai ikila' enis epes, ea' anan nape nohafe nogota launai ma etanima ifi'mai Anan. Ama owagama hiesi siti ae' ma esis wapoti' sombale'efana sofa' ambal namunai sope andeande' la'ela'ef.

1 Timoti 6:17

Ine' ni'ipa epes isima amamaga hiamisi ma etap anae' ina sosambala basef endilisimi sombale'efa amamaga amama mamumami hiami anona nemaf motaga aom endilisi, owa'. Ine' ni'ipasa sombale'efa God endilisi andeande'. Anan atona nase'apai amamaga hiami bu'wami manda' ukup ape'imi mataga bo'om mandanifel.

1 Pita 3:20

fowa' sosambala basef Godi. Anan nanindifa okom nape nohafa nemaf anama Noa nanda' sipanai. Sip anama epes kwaie'wis sawis sape andeande', 8-peleis ina saga' ma embel lu'wami, owa'.

2 Pita 1:11

I'i ipe' pilam, anona nemaf God nonda' eaf nogal alihina pendanifel pefe' piwis wambel Jisas Krais Dembinai ape'inai nape la'ela'efa. Anan atona nofa'apa motanimani.

2 Pita 3:15

Dembinai ata' nape nohafa ape' epes hiapai hi'alapa. Ea' dei' ipe' ukup mopoma basef amama anan nefa'apa motanimani. Amama si'i basef amama hiami sahalomapa Pol ape' ukup maimailanai nanda'am mafe'ma ipe'. Anan nanda' basef amama ma gawa bu'unai endilisi God naso'ananai.

2 Pita 3:3

Ipe' ata' ukup mogawa amama muli'. Nimeguf amama akutaimi anom amam monda'iafipei motaga mila ukup awami amamumi ma waf amam manda'anai. Ea' monda'iafipa na'ama

2 Pita 3:9

Dembinai ina nanda' maol so'uso'umbela nowalapai amamaga anan okom na'i endilisi etina nienda'ami si'i enis epes ukup mapoma maol sanda'ana so'uso'umbel, owa'. Anan nandaiwa'ma enin epen atitin higililan. Anan okom na'i epes hiesi hi'ilas somboma opalef sefe'ma Anan. Amama atom dei' Anan okom napoma ipe' dei' nape nohafepa palomas.

Revelesen 2:21

Ae' a'i akwa'w komboma opaf, amama atom dei' Ae' ata' animbalo'w kwape anom nimeguf, owa'etin. Akwa'w ina kwa'i komboma opaf kowa' alafugama waf anama aonai so'a waolanai, owa'.

Revelesen 3:20

Ipe' peme', Ae' aha uta aitu. Emi egafis seme' malogel Ae'anai ma susi' uta, Ae' iwis nomon epe elomas ope atogon wea' gwa'aimi.