Basef Amama Pol Nandaꞌam Mafeꞌma Esis Romi 2:29 - Basef Buꞌwami Godi

²⁹ Ipe' epes hipei Juda. I'i opalef ipe'imi motaga dambaim, ipe' Juda endilisipei. Waf patopa' alopanai, God nanda'ana opalef ipe'imi nomon. Amama ina matagama basefa mi'uli nail buki, owa'. Ambal Godi atona nanda'am. Emi egafis senda'am na'ama, esis agof a'asa naep epesi. Ea' esis agof lu'uma naep Godi atom.

Basef Amama Pol Nandaꞌam Mafeꞌma Esis Romi 2:29 Iomraidhean Croise

Luk Nandaꞌafi 11:39

Ea' Dembinai na'ipana na'i, “Ipe' Farisi, ipe' pandombasa kapi plet ande'am atom andeande'. Ea' nomon owa'. Ipe' opalef nomon si'ipama waf walanai naloma anona waf aonai wapoti'.

Luk Nandaꞌafi 17:21

Esis ina anona nemaf si'i, ‘Piti, amama mape na'ae, o mape gani, owa'etin.’ Peme'! Amama mape opalef ipe'imi nomon ea'.”

Jon Nandaꞌafi 12:43

Amam agufumi amama ukup ma'i epes seafela agof amamumi atom lu'um. Ea' amam ina ukup ma'i God nefelam agof amamumi, owa'.

Jon Nandaꞌafi 4:23

Ea' anona nemaf na'i neataga, dei' nataga ea' ma amam nematawa emi egafis sanda' lotu endilisi sonda' lotuma Ahalomapa Goda Ambal Bu'unai ananinai noloma waf bu'unai endilisi. Anan nagolopa amam nematawa na'amaisi ma sonda' lotumana.

Jon Nandaꞌafi 5:44

Ukup ipe'imi ma'i mefa' agof lu'wami ma sahopepa owapepa ipe'imi atom. Ea' God owa'. Na'ama ipe' pembale'efe pi'imama? Owa'etin.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 2:27

Endilisi esis owa' Judaisi nambimb sofa' basef mila ipe' Juda. Dei' main, ipe' pegawa mi'uli anama Godi nape buki ea' patopa' alop ipe'inai ea' pimbisila' mi'uli anama. Ea' esis isima owa' seatopa' alopi saila mi'uli anama.

Basef Amama Pol Nandaꞌam Mafeꞌma Esis Romi 3:1

Dei' esis Juda sikila' enis epes owa' Judaisi ma maina waf bu'unai? Maina waf bu'unai natagama waf anama satopa' alopanai?

Basef Amama Pol Nandaꞌam Mafeꞌma Esis Romi 7:6

Ea' ape' dei' maga' maloma Krais makwaha amamaga mowa'apa la'ifipa. Ea' mi'uli anama ina ata' nowa'apa wapoti', owa'. Mape wafifipa. Dei' ape' ina ata' manda' maol maila mi'uli anama amam manda'ana nail buki, owa'. Ape' manda' maola waf dambainai Ambal Bu'unai Godi nanda'anai.

1 Korin 4:5

Ea' dei' nogota dende'anai ata' owa'. Ipe' owa' pewaloga waf enin epen nanda'anai, owa'. Ipe' ata' pepe pehafa nemaf anama Dembinai niefi'ianai. Nemaf anama anan nowalapai amamaga hiami mandamabaho' mape akoti motaga mondawalap howalagoma. Nemaf anama Anan nowalapa ukup epes hiesi mape mandambahi'i motaga mondawalap alihim. Ea' God ni'ipapa basef ananimi ape' hiapai atona etin mondahama maol ape' manda'anai, bo'ona o aona.

1 Korin 7:19

Waf matopa' alopanai naloma waf owa' meatopa' alopanai wapoti' falafunai atona. Ea' waf saila mi'uli Godi anama waf endilisinai.

2 Korin 10:18

Dei' main, ape' mogawa emi egafis sefela agof asasimi atom, esis agof a'asa naep Dembinai, owa'. I'i Dembinai nefela agof anis epesi, dei' epes isima etis sofa' agof endilisi.

2 Korin 3:6

Ea' anan atona nanda'afa la'ififa ma wanda' maola eaf basef dambaimi God na'i endilisimi atom. Basefa mi'uli anama ina sanda'am mail pas atom, owa'. Amama Ambal Bu'unai Ananinai nawalapami. Basef sanda'am mail pas atom maha epes saga', ea' Ambal Bu'unai Ananinai nanda'as sofa' ambal namunai sope namis.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

1 Tesalonaika 2:4

God atona nagwambafa natolofa wape andeande' ea' nase'afa maol afa' ma wawalapa basef bu'wami Ananimi. Ea' amama atom dei' wawalapam. Afa' ina wanda' maola epes sinifela maol afa' wanda'anai, owa'. Wanda' maola God atona nondanifela maol Ananinai, Anan atona nawaloga afa' nogawafa.

1 Pita 3:4

Sosaf ipe'inai na'ama, ipe' pefalo'ma opalef ipe'imi nomona ukup ipe'imi ma waf bu'unai endilisinai. Sosaf anama ina anona nemaf aona, owa'. Nope la'ela'ef na'ama. Opalef ipe'imi mope awanem ea' ambagof ipe'imi mope andeande'ma waf so'umbilinai. Sosaf anama bu'unai endilisi ma naep Godi.