Biblia Todo Logo
Bìoball air-loidhne

- Sanasan -




Basef Amama Pol Nandaꞌam Mafeꞌma Esis Romi 2:27 - Basef Buꞌwami Godi

27 Endilisi esis owa' Judaisi nambimb sofa' basef mila ipe' Juda. Dei' main, ipe' pegawa mi'uli anama Godi nape buki ea' patopa' alop ipe'inai ea' pimbisila' mi'uli anama. Ea' esis isima owa' seatopa' alopi saila mi'uli anama.

Faic an caibideil Dèan lethbhreac




Basef Amama Pol Nandaꞌam Mafeꞌma Esis Romi 2:27
20 Iomraidhean Croise  

Ea' Jisas nagwamana basef na'i, “Ine' nenda'meam si'i ae' a'ipina. Afa' biafa onda'am na'ama ma ondahama waf hianai bu'unai, si'i God na'iam.” Ea' Jon na'i a'e napisi'ana.


Anom nimeguf mafe'ma ea', God nali'amona king Sol, nanda' Devit nataga nape king asasinai. Anan na'ipasa aman anama Devit na'i, ‘Devit nogalomana Jesi, okom ae'anai nainailana. Anan nambimb nila okom ae'anai atona na'iami.’


Emi egafis ukup maimaila enis epes sase' opalefa esis isima ina sanda' waf aonai ma esis, owa'. Emi egafis ukup maimaila enis epes esis saila mi'uli anama endilisi.


Waf anama asasinai nihi'ambapa basefa mi'uli anama mape ukup asasimi. Ea' basef mape opalef asasimi nomon, amama wapoti' mihi'ambapa na'ama etin. Dei' main, ukup asasimi ma'iam mihi'ambas alihim na'ama. Anom nimeguf manda' kotimasa waf aonai esis sanda'anai ea' anom nimeguf ukup asasimi ma'i andeande' na'ama etin si'i waf esis sanda'anai.


Ipe' epes gawaipei pawalipa isima gawa a'asi saloma enis epes owa' Judaisi sape si'i awasi ata' sa'wisi. Dei' main, ipe' pegawa pa'i basef endilisimi hiami maloma gawa hianai nape mi'uli anama pelafana pegawana.


I'i ipe' Juda pembale'efa mi'uli anama God fowa' naso' Mosesanai pilana endilisi, waf anama patopa' alopanai bu'unai. Ea' i'i ipe' pimbisila' mi'uli anama, petaga si'i epes owa' Judaisi ea' petaga na'ama etin si'i ipe' owa' peatopa' alopi.


Epes isima owa' Judaisi seatopa'masa alopi, esis sape na'ama. I'i esis sila waf anama hianai bu'unai ma mi'uli anama, nambimb sogawa God sotaga si'i isima satopa'mas alopi ma naep Godi.


Ipe' epes hipei Juda. I'i opalef ipe'imi motaga dambaim, ipe' Juda endilisipei. Waf patopa' alopanai, God nanda'ana opalef ipe'imi nomon. Amama ina matagama basefa mi'uli nail buki, owa'. Ambal Godi atona nanda'am. Emi egafis senda'am na'ama, esis agof a'asa naep epesi. Ea' esis agof lu'uma naep Godi atom.


Dei' main, God anan anama atona. Anan na'i basef atifim mafe'ma epes hiesi. Emi egafis sembale'efa Krais Jisasi, nambimb God ni'i esis epes bu'wasi andeande, esis Juda saila waf satopa' alopanai saloma isima owa' Judaisi wapoti'.


Anan nanda'am na'ama ma ape' mofe' mila waf bu'unai nape mi'uli anama. Dei' main, ape' dei' ina mafe' maila fe' anama opalef apimi, owa'. Mafe' maila fe' dambainai Ambal Bu'unai Godi.


Waf matopa' alopanai naloma waf owa' meatopa' alopanai wapoti' falafunai atona. Ea' waf saila mi'uli Godi anama waf endilisinai.


Ea' anan atona nanda'afa la'ififa ma wanda' maola eaf basef dambaimi God na'i endilisimi atom. Basefa mi'uli anama ina sanda'am mail pas atom, owa'. Amama Ambal Bu'unai Ananinai nawalapami. Basef sanda'am mail pas atom maha epes saga', ea' Ambal Bu'unai Ananinai nanda'as sofa' ambal namunai sope namis.


Dei' main, mi'uli God naso' Mosesanai hianai nape nomona basef amama atom ma'i, “Ipe' ukup mimila epes isima hiesi si'i ukup maila ipe' etipa.”


Ape' mogawa amama andeande'. Lagof amam Judai atom matopa' alop amamunai. Ea' esis Juda safela esis etis sa'i epes satopa' alop. Ea' ipe' fowa' pape pelolama God owa' Judaipei, sofalepa sa'i, “Owa' petopa' alopi.” Basef amama ma'i waf alopanai ande' atogon.


Ea' ine' negawa amama wapoti'. Fowa' ine' ata' so'uso'win negawa basef bu'wami Godi mape Buk Baibeli andeande'. Buk anama la'ifina ma nose'ena gawa bu'unai neloma okom bu'unai ma ine' nembale'efa Krais Jisasa God nagiambamena nofa'ena netanimani.


Ape' mombale'efa God, amama atom dei' mogawa Anan nanda' amamaga mape ilif etapi matagama basef Ananimi atom. Ea' ape' mogawa amamaga hiami ape' matulumi, amama God nanda'ama amamaga amama ape' owa' meatoloma naep ape'imi.


Lean sinn:

Sanasan


Sanasan