Basef Amama Pol Nandaꞌam Mafeꞌma Esis Romi 2:26 - Basef Buꞌwami Godi

²⁶ Epes isima owa' Judaisi seatopa'masa alopi, esis sape na'ama. I'i esis sila waf anama hianai bu'unai ma mi'uli anama, nambimb sogawa God sotaga si'i isima satopa'mas alopi ma naep Godi.

Basef Amama Pol Nandaꞌam Mafeꞌma Esis Romi 2:26 Iomraidhean Croise

Matyu Nandaꞌafi 15:28

Akwa'w kwa'iam na'ama, Jisas nagwama'wa basef na'i, “O, nemata'w, bale'ef ine'inai lu'unai. Dei' amamaga ina okom na'iami atuwasi meatagamena si'i ine' na'iam.” Ea' nogota anama atona nogama'w akwa'ukwi ambo'okw wapoti'.

Basef Amama Pol Nandaꞌam Mafeꞌma Esis Romi 2:25

I'i ipe' Juda pembale'efa mi'uli anama God fowa' naso' Mosesanai pilana endilisi, waf anama patopa' alopanai bu'unai. Ea' i'i ipe' pimbisila' mi'uli anama, petaga si'i epes owa' Judaisi ea' petaga na'ama etin si'i ipe' owa' peatopa' alopi.

Basef Amama Pol Nandaꞌam Mafeꞌma Esis Romi 2:27

Endilisi esis owa' Judaisi nambimb sofa' basef mila ipe' Juda. Dei' main, ipe' pegawa mi'uli anama Godi nape buki ea' patopa' alop ipe'inai ea' pimbisila' mi'uli anama. Ea' esis isima owa' seatopa' alopi saila mi'uli anama.

Basef Amama Pol Nandaꞌam Mafeꞌma Esis Romi 3:30

Dei' main, God anan anama atona. Anan na'i basef atifim mafe'ma epes hiesi. Emi egafis sembale'efa Krais Jisasi, nambimb God ni'i esis epes bu'wasi andeande, esis Juda saila waf satopa' alopanai saloma isima owa' Judaisi wapoti'.

Basef Amama Pol Nandaꞌam Mafeꞌma Esis Romi 8:4

Anan nanda'am na'ama ma ape' mofe' mila waf bu'unai nape mi'uli anama. Dei' main, ape' dei' ina mafe' maila fe' anama opalef apimi, owa'. Mafe' maila fe' dambainai Ambal Bu'unai Godi.

Galesia 6:15

Waf anama matopa' alop o owa' motopa' alop, anama falafunai atona. Ea' God nanda'apa mataga dambaipa, waf anama endilisinai.

Efesus 2:11

Ape' mogawa amama andeande'. Lagof amam Judai atom matopa' alop amamunai. Ea' esis Juda safela esis etis sa'i epes satopa' alop. Ea' ipe' fowa' pape pelolama God owa' Judaipei, sofalepa sa'i, “Owa' petopa' alopi.” Basef amama ma'i waf alopanai ande' atogon.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

Kolosi 2:11

Ipe' pape la'ifipa paloma Krais. Ea' pape la'ifipa paloma anan, pape si'i panda' waf anama amam Juda matopa' alop. Waf anama ina waf epes sanda'ana atop atona wafinai, owa'. Krais atona nanda'mepana natofa waf apinai ma ukup apimi.