Basef Amama Pol Nandaꞌam Mafeꞌma Esis Romi 2:25 - Basef Buꞌwami Godi

²⁵ I'i ipe' Juda pembale'efa mi'uli anama God fowa' naso' Mosesanai pilana endilisi, waf anama patopa' alopanai bu'unai. Ea' i'i ipe' pimbisila' mi'uli anama, petaga si'i epes owa' Judaisi ea' petaga na'ama etin si'i ipe' owa' peatopa' alopi.

Basef Amama Pol Nandaꞌam Mafeꞌma Esis Romi 2:25 Iomraidhean Croise

Aposel 7:51

Ipe' epes pesambala basefi. Ipe' owa' pegawa basef Godi si'i enis epes owa' sogawa Godi. Ipe' pandaiwa' ma peme' basef Godi ma opalef aligah ipe'imi. La'ela'ef ipe' pesambala Ambal Bu'unai Godi. Ipe' panda'am na'ama etin si'i fowa' gani bafasepa ehasepa ipe'isi sanda'am.

Basef Amama Pol Nandaꞌam Mafeꞌma Esis Romi 2:13

Ina epes isima same' mi'uli etini sataga bo'wes andeande'ma naep Godi, owa'. Emi egafis same' basefa saila mi'uli anama, amama atom anona nemaf God ni'i esis bo'wes andeande'.

Basef Amama Pol Nandaꞌam Mafeꞌma Esis Romi 2:23

Ipe' pefela agof ipe'imi atom lu'um pa'i, “Ape' mogawa mi'uli Godi fowa' naso' Mosesanai.” Ea' ipe' pimbisila' mi'uli anama panda' waf anama atona dei' pahambombaga agel Godi.

Basef Amama Pol Nandaꞌam Mafeꞌma Esis Romi 2:26

Epes isima owa' Judaisi seatopa'masa alopi, esis sape na'ama. I'i esis sila waf anama hianai bu'unai ma mi'uli anama, nambimb sogawa God sotaga si'i isima satopa'mas alopi ma naep Godi.

Basef Amama Pol Nandaꞌam Mafeꞌma Esis Romi 2:27

Endilisi esis owa' Judaisi nambimb sofa' basef mila ipe' Juda. Dei' main, ipe' pegawa mi'uli anama Godi nape buki ea' patopa' alop ipe'inai ea' pimbisila' mi'uli anama. Ea' esis isima owa' seatopa' alopi saila mi'uli anama.

Basef Amama Pol Nandaꞌam Mafeꞌma Esis Romi 2:28

I'i ipe' epes Judaipei patopa' alop atona, ipe' ina Juda endilisipei, owa'. Ea' waf anama patopa' alopanai ina waf endilisinai ma ipe', owa'.

1 Korin 7:19

Waf matopa' alopanai naloma waf owa' meatopa' alopanai wapoti' falafunai atona. Ea' waf saila mi'uli Godi anama waf endilisinai.

Galesia 6:13

Ina enis epes saila mi'uli anama God naso' Mosesani andeande', owa'. Amam matopa' alop amamunai wapoti', ina mailana andeande', owa'. Ma'i motopa' alop ipe'inai ma mofa' agof lu'wami ma mi'ipa epes hiesi mi'i, “Amam Galesia mofa' ikwaf anama matopa' alop amamunai.”

Galesia 6:15

Waf anama matopa' alop o owa' motopa' alop, anama falafunai atona. Ea' God nanda'apa mataga dambaipa, waf anama endilisinai.