Basef Amama Pol Nandaꞌam Mafeꞌma Esis Romi 2:16 - Basef Buꞌwami Godi

¹⁶ Amama anona nemaf motaga na'ama etina nemaf anama God nowaloga waf hianai epes hiesi sanda'anai. Nemaf anama Anan ni'i wila ma Jisas Krais nope dembinai nogwaloga waf hianai asasinai nandambahi'i noloma basef sa'iam sambahe'ami. Basef bu'wami Godi ae' awalapami amama atom.

Basef Amama Pol Nandaꞌam Mafeꞌma Esis Romi 2:16 Iomraidhean Croise

Matyu Nandaꞌafi 16:27

Ae' ataga epen endilisiwei, anona nemaf ae' ifi'i elomai amamaga bu'wami pepel nafifili noloma amam ensel ae'ami. Ama nemaf anama, ae' egwamasa amamaga hiami esis amam nematawa hiesi mondahama waf esis sanda'anai hianai.

Luk Nandaꞌafi 8:17

Amamaga hiami hi'alam mape mandambahi'i anona nemaf motaga alihiguma hiesi sotolom sogawam. Ea' amamaga hiami ata' sambaho'am ma'ihi, anona nemaf motaga mondawalap, hiesi sogawam.

Jon Nandaꞌafi 12:48

Emi egafis sewa' alafugama ae'i ma esis owa' seambale'efa ae', anona nemaf anona dembinai jas nowaloga esis. Nemaf anama akutainai basef amama atom ae' a'iami mowaloga epes isima.

Aposel 10:42

Anan na'ipafa basef la'ifimi ma wi'ipa esis amam nematawa owalapa basef alihim na'ama. God nandandepa aman anama ma nope aman nonda'masa basefa epes isima sape namisi soloma isima saga' ea'i.

Aposel 17:31

Anan nandandepa anona nemaf ea' ma nonda' basefa kot, nowaloga waf amam nematawa hiesi sanda'anai. Basefa kot ananinai mofe' bo'om andeande'. Anan nandandepa anona aman ea' ma nohapila kot anama. Aman anama naga' ea' God nafelona wapoti' hi'agif. Amama atom dei' epes hiesi sape etap hiagomai sogawa basef amama endilisimi atoma anan anona nemaf nonda'mas kot anama.”

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

Basef Amama Pol Nandaꞌam Mafeꞌma Esis Romi 2:5

Ipe' pesambala basefi, dei' ina ata' pamboma opalef, owa'. Ipe' petagama nimanimi lu'wami mupei'ipa. Ama nemaf okom wandafunai Godi notaga alihina ma kot nowaloga epes hiesi ma basef endilisimi ananimi.

1 Korin 15:1

Ipe' alupipei, dei' ae' a'i efela ukup ipe'imi wapoti' ma basef amama bu'wami Godi ali' a'ipipami. Ipe' pefa' basef amama atom dei' manda'epa pembale'ef paitu la'ifipa.

1 Korin 4:5

Ea' dei' nogota dende'anai ata' owa'. Ipe' owa' pewaloga waf enin epen nanda'anai, owa'. Ipe' ata' pepe pehafa nemaf anama Dembinai niefi'ianai. Nemaf anama anan nowalapai amamaga hiami mandamabaho' mape akoti motaga mondawalap howalagoma. Nemaf anama Anan nowalapa ukup epes hiesi mape mandambahi'i motaga mondawalap alihim. Ea' God ni'ipapa basef ananimi ape' hiapai atona etin mondahama maol ape' manda'anai, bo'ona o aona.

2 Korin 5:10

Ape' mogawa endilisi anona nemaf ape' hiapai motaga ma kot anama Kraisi. I'i ape' monda' waf bu'unai o waf aonai nogota anama ata' mape alop ape'inai. Owagama ape' hiapai atona etin mofa' amamaga amama bu'wami o awami mogwama waf anama ape' manda'anai.

Galesia 1:11

Sahin owan alupipei ae'ipei, ae' a'i ipe' pegawa basef ae'ami. Basef bu'wami Godi awalipipami, amama ina mataga okom enin epeni, owa'.

1 Timoti 1:11

Basef amama mape basef bu'wami God nase'eam ae' ma ewalapam. Basef amama bu'wami ma'ipafa God bu'unai endilisi ofagonama danifel naloma mafifili.

2 Timoti 2:8

La'ela'ef ine' okom nopoma Jisas Krais, anan naga' notanima nohafel wapoti'. Anan wambota anama Deviti, si'i a'iama basef bu'wami Godi.

2 Timoti 4:1

Anona nemaf Jisas Krais nowaloga epes hiesi dei' ata' sape namisi, soloma isima saga'i wapoti'. Naep Godi maloma Krais Jisasi dei' a'ipina basef la'ifimi a'i Krais Jisas anona nemaf notaga nondawalap alihina naep epes hiesi ea' nope Dembinai wambel Ananinai. Amama atom dei' a'ipina mehip,

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Hibrui 9:27

Epes hiesi anona nemaf soga' nemaf atotona owagama situma basef lu'wami God nonda' kotimasami.

1 Pita 4:5

Anan nandandombam nowaloga epes isima sapani soloma saga'i. Esis anona nemaf sowalapa waf aonai esis sanda'anai sogwamana basef Anan ama waf anama ofagena esis sanda'anai.

2 Pita 2:9

Basef amama ma'ipapa alihim ma'i Dembinai numafi epes bu'wasi saila waf ananinai andeande'. Maina nemaf amama meagwambasi motagamas, anan nogawa ma nili'akwas sope andeande'. Ea' Anan nahapila esis sanda' waf aonai ma nogwamasa nimanimi ma waf aonai esis sanda'anai sape la'ela'ef sofe' sotagama nemaf anama Anan nowalogasanai.