Basef Amama Pol Nandaꞌam Mafeꞌma Esis Romi 2:13 - Basef Buꞌwami Godi

¹³ Ina epes isima same' mi'uli etini sataga bo'wes andeande'ma naep Godi, owa'. Emi egafis same' basefa saila mi'uli anama, amama atom anona nemaf God ni'i esis bo'wes andeande'.

Basef Amama Pol Nandaꞌam Mafeꞌma Esis Romi 2:13 Iomraidhean Croise

Luk Nandaꞌafi 8:21

Ea' nagwamasa basef isima hiesi na'ipas na'i, “Esis amam nematawa isima some' basef Godi sailam, isima mama'we sahin owan ae'asi.”

Jon Nandaꞌafi 13:17

Dei' ipe' pegawa waf anama ea'. I'i pilana andeande', pendanifel.

Aposel 13:39

Mi'uli anama God naso' Mosesanai anama ina la'ifina ma nokwaha waf aonai ipe' panda'anai ma pepe wafifipa andeande', owa'. Na'ama aman anama nakwaha waf hianai aonai ma ipe' emi egafipa pembale'efa anan, ma pepe wafifipa bo'wepa ma naep Godi.

Basef Amama Pol Nandaꞌam Mafeꞌma Esis Romi 10:5

Waf anama epen naila mi'uli anama ma God na'i anan bu'unai, Moses fowa' gani na'iam na'ama na'i, “Emi egafis saila waf anama hianai andeande' hi'alana, anona nemaf esis sefa' ambagof namumi ma saila mi'uli anama.”

Basef Amama Pol Nandaꞌam Mafeꞌma Esis Romi 2:25

I'i ipe' Juda pembale'efa mi'uli anama God fowa' naso' Mosesanai pilana endilisi, waf anama patopa' alopanai bu'unai. Ea' i'i ipe' pimbisila' mi'uli anama, petaga si'i epes owa' Judaisi ea' petaga na'ama etin si'i ipe' owa' peatopa' alopi.

Basef Amama Pol Nandaꞌam Mafeꞌma Esis Romi 3:20

Dei' main, waf anama maila mi'uli anama, owa' enin epen atitin anona nemaf nefa' agel epen bu'unai andeande' ma naep Godi, owa'. Mi'uli anama nihi'ambapa waf aonai ape' manda'anai.

Basef Amama Pol Nandaꞌam Mafeꞌma Esis Romi 3:23

Ape' epes hiapai manda' waf aonai mumbisila' mi'uli Godi ea' ina la'ifipama anona nemaf muti mafifili bu'unai Ananinai, owa'.

Basef Amama Pol Nandaꞌam Mafeꞌma Esis Romi 3:30

Dei' main, God anan anama atona. Anan na'i basef atifim mafe'ma epes hiesi. Emi egafis sembale'efa Krais Jisasi, nambimb God ni'i esis epes bu'wasi andeande, esis Juda saila waf satopa' alopanai saloma isima owa' Judaisi wapoti'.

1 Korin 4:4

Endilisi, basef mape opaf ae'anai nomon ma'iami ae' ina ati anona waf aonai anda'anai, owa'. Ea' amama ina mihi'ambe endilisi ma i'i, “Ae' epen bu'uwei andeande',” owa'. Anona nemaf Dembinai atona nowaloga waf ae'anai.

Galesia 2:16

Ape' mogawa God ina okom napoma epen inima nembale'efa mi'uli ananinai ea' nanda' epen inima bo'wen andeande', owa'. Epen nembale'efa Jisas Kraisi atona, God nofalan na'i bo'wen andeande'. Ape' wapoti' mombale'efa Jisas Krais ea' God na'i ape' epes bu'upai Ananipai ma mombale'efa Krais. Ea' mi'uli owa'. Dei' main, ina enin epen naila mi'uli anama God naso' Mosesanai, dei' God nofalan na'i enin bo'wen andeande', owa'.

Galesia 5:4

I'i ipe' pa'i pila mi'uli anama ma nambimb God ni'i ipe' epes bu'upei, ipe' pakwaha Krais pefalana bounai, ea' pelolama waf God nagiambamapa na'a pakwahona.

Jems 1:27

Waf sanda' lotuwanai bo'ona andeande' ofagena a'ana naep Ahalomapa ape'inai Godi, anama na'ama. I'i enis awasi mamasas a'asi esis etis sope, o nemata'w alifi'wi akwa'w ato'w kwape kwahu'wi, ape' migiambamasa otamba gwa'aimi maim. Ea' mumafi pe ape'inai andeande' ma waf aonai etapanai ina nenda' opalef ape'imi motaga aom, owa'.

1 Jon 2:29

Ipe' pegawa Krais Anan bu'unai andeande' endilisi. Ea' pegawa anom basef wapoti', emi egafis saila waf bu'unai andeande', esis awasi Godi.

1 Jon 3:7

Ipe' alupipei ae'ipei, pindumafuma andeande'! Na'ama enin epen nembaso'mepa. Emi egafis sanda' waf bu'unai, esis sape andeande' si'i Krais nape.