Basef Amama Pol Nandaꞌam Mafeꞌma Esis Romi 2:10 - Basef Buꞌwami Godi

¹⁰ Ea' God anona nemaf nose'asa pe bu'unai ma nafifili noloma agof lu'wami moloma opalef awanemi epes isima hiesi sanda' waf bu'unai. Esis Juda sili' ea' isima owa' Judaisi sigi'.

Basef Amama Pol Nandaꞌam Mafeꞌma Esis Romi 2:10 Iomraidhean Croise

Matyu Nandaꞌafi 10:13

I'i enis sape ipat anama bu'wasi senda'mepa waf sie'i a'e ma ipe', nambimb basef ipe'imi opalef awanemami mopomas. I'i owa', hapaimi, basef amama bu'wami motanimani mopomepa la'ela'ef.

Luk Nandaꞌafi 1:79

Ama howalama epes sape akoti, ea' isima ga' na'i neatagamasi. Ama nenindina ape' ma meape eaf opalef awanami.”

Luk Nandaꞌafi 12:37

Andeande'ma amam manda' maoli mundumafuma mope miti dembinai amamunai nifi'i notoloma mondanifel. Ae' a'ipipa endilisi, nambimb dembinai nili' nowaho' lowaf bandana nowaho' let, ama nonda'mam gwa'aimi. Ea' ni'ipam motoma tebol ea' anan nifi'i nease'am gwa'aimi.

Luk Nandaꞌafi 19:42

Ea' na'i, “I'i dei' nemaf anae' atona ipe' pegawa basef ofagema ma pepe opalef awanem, amama andeande'. Owa'etin. Basef amama ata' mandambahe', dei' ipe' owa' ata' pegawam.

Luk Nandaꞌafi 22:14

Nogota a' nataga ma sogwa' gwa'aimi amama lu'wami Pasova, Jisas nao'wa alupumi ananimi mafi'i mape, anan nafe' nape felefele'ma tebol.

Luk Nandaꞌafi 9:48

Ea' na'ipam na'i, “Emi egafis sese' opalefa sigiambama enin sa'usa'win si'i ini'i ma ukup asasimi mopoma Ae', esis sase'e opalef Ae' wapoti' sagiambame. Ea' emi egafis sagiambama Ae'i, esis saso' opalef Anan nasapa'e afi'i wapoti'. Dei' main? Emi egafis sepe agof a'asi la'afena ipe' hipei, esis sape dembesi sali'ma ipe'.”

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Jon Nandaꞌafi 14:27

Ae' a'i ikwahipa. Ea' ae' ina enda'epa umbamahepa ukup awiaom pepan si'i amam nematawa saila waf etapanai sanda'am, owa'. Dei' anda'epa pepe ukup awanem endilisi. Ukup ipe'imi ina mohafel aom, owa'. Ina umbamahepa, owa'.

Jon Nandaꞌafi 16:33

Ae' a'i ipe' pepe pelome opalef ipe'imi mope awanem. Na'ama dei' a'ipipa basef amama. Etap anae' ipe' peme' opalef nimanim. Pepe la'ifipa! Dei' main, ae' agalo'ma waf aonai etapanai ikila'ana ea'.”

Aposel 10:35

Anan okom nainaila emi egafis sanda' lotuma anan sanda' waf bu'unai.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 2:9

Epes isima hiesi sanda' waf aonai anona nemaf nimanimi lu'wami motagamas. Esis Juda sili' ea' isima owa' Judaisi wapoti' sigi' solomas.

Basef Amama Pol Nandaꞌam Mafeꞌma Esis Romi 5:1

Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

Basef Amama Pol Nandaꞌam Mafeꞌma Esis Romi 8:6

I'i ukup epes isima mapoma amamaga awami ma opalef apimi asasimi, amama mawalapai ga' higililas. Ea' emi egafis ukup asasimi la'ifim mopoma amamaga Ambal Godi, epes isima dei' nape ambal namunai opalef mape awanem.

Basef Amama Pol Nandaꞌam Mafeꞌma Esis Romi 9:21

Aman nanda' malihi nefa'ai anona etap nanda' maloh biam, anona maol bu'unai, anona falafunai maol aonai. Endilisi amama andeande'.

Basef Amama Pol Nandaꞌam Mafeꞌma Esis Romi 9:23

Anan na'i nowalapam motaga alihim amamaga nafifili bu'unai ananinai ma enis epes anan nati uwahipis sogawam. Epes isima anan naila okom ananinai atona fowa' nandandepasa nose'asa nafifili esis.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

Galesia 5:6

Emi egafis sepe la'ifisa Krais Jisas, waf anama matopa' alopanai o owa' motopa' alopanai anama falafunai atona owa' la'ifina. Ea' waf sombale'efa Krais atona nawalapai waf ukup maimailasanai. Amama bu'wami endilisi mikila'.

Filipai 4:7

Ipe' pape la'ifipa paloma Krais Jisas, dei' opaf awanena God nase'apanai nikila' gawa hianai epesi hi'alana nope nolomepa nili'akwa opalef moloma ukup ipe'imi andeande'.

1 Timoti 1:17

Anan dembinai King nape la'ela'ef. Anan owa' neaga'i, epes owa' la'ifisa sotolona. Anan atona God endilisinai. Ae' a'i agel lu'unai pepel nafifili mopoma Anan atona la'ela'ef. Endilisi.

Hibrui 2:7

Ine' nanda' amam ensel mape dambem la'ifima esis isima amam nematawa etapasi nogota bandana. Ine' nase'asa agof lu'wami nanda'asa sataga dambes.

Jems 2:22

Ine' negawa o owa'? Bale'ef Abrahami naloma waf bu'unai anan nanda'anai amama manda' opeh etifigin. Ea' waf bu'unai anan nanda'anai nagiambama bale'ef ananinai nataga alihina andeande'.

Jems 3:13

Ipe' emi egafipa gawa bu'unai hianai napaipei, ipe' pepe na'ama. Fe' ipe'inai nihi'ambas gawa ipe'inai enis epesa penda' waf bu'unai noloma maol bu'unai. Maol anama ipe' panda'anai pepe owina epes pila waf gawa bu'unainai.

1 Pita 1:7

Nimanimi amama matagamepa ma God nowaloga bale'ef ipe'inai nonda'ana notaga bo'ona la'ifina. Ipe' ukup mopoma otamba gol, amama buwami satalom otamba lu'wami. Ea' bale'ef ipe'inai nikila' gol amama bo'ona endilisi. Gol amama anona nemaf higililam, ea' esis saofam nifa motaga bo'om. Bale'ef ipe'inai na'ama etin anona nemaf notaga bo'ona la'ifina ma nimanimi amama meatagamipei. God nowaloga bale'ef ipe'inai ma nondawalap notaga bo'ona la'ifina. Ama anona nemaf Jisas Krais notaga nondawalap alihina, God nese'epa agof lu'wami moloma basef bu'wami ninifalipamami ma agel lu'unai.

1 Pita 5:4

Ama dembinai numafi amam nematawa si'i sipsip Godi notaga nondawalap alihinama ipe', pefa' amamaga bu'wami mope andeande' la'ela'ef, agel lu'unai. Amama ina anona nemaf aom higililam, owa'. Mope la'ela'ef.