Basef Amama Pol Nandaꞌam Mafeꞌma Esis Romi 16:5 - Basef Buꞌwami Godi

⁵ Ea' ipe' pese'asa nemaf bu'unai ma danifela ae'anai esis Kristen isima safe' sandatama etifigin sape ipat asasinai. Ea' pi'ipago Epainetus nemaf bu'unai ae'anai anan alupunai ae'anai endilisi. Anan nali' nombale'ef Krais nali'ma epes hiesi etap hiagoma Esia.

Basef Amama Pol Nandaꞌam Mafeꞌma Esis Romi 16:5 Iomraidhean Croise

Matyu Nandaꞌafi 18:20

Dei' main, i'i epes bias o wenis ukup mapoma agel ae'anai ma sunduwa'anima sope etifigin, ae' ape alomas.”

Aposel 16:6

Ambal Bu'unai Godi nasopama amam mawalapa basefa esis sape etap hiagoma Esiai. Ea' mafe' la'afena etap hiagoma biefina Frigia naloma Galesia.

Aposel 18:12

Anona nemaf anona aman agilinama Galio nataga nape gavman dembinai ma etap hiagoma esis Grik sapoma. Nogota anama esis Juda sa'i basef sandame'mam sombalo' Pol sofa'ana safe'ma kot sambaso'mana sa'i,

Aposel 18:27

Ea' Apolos na'i nefe' esis Krik sapoma ea' esis Kristen sape Efesusi sanda' okom ananinai nataga la'ifina ma nanda'as na'ama. Esis sanda' anom basef mafe'ma esis Kristen Grikisi sa'ipasa sofa'ana. Apolos nafe' nataga Grik sapoma, nati enis amam nematawa sombale'efa Jisasi. Fowa' God nati uwahipis nagiambamas sembale'efana. Dei' Apolos nanda' maol nagiambama Kristen isima andeande' nanda'as sataga la'ifis ma sombale'efa Krais.

Aposel 2:9

Partia, Midia Elam ea' Judia, Kapadosia naloma Pontus Esia Frigia Pamfilia Isip ea' ape' anona etap hiagoma Mesopotamia ea' esis ganima Libia felefele'ma wambel Sairini. Ea' anepa ape' wambel Rom mafi'i mape na'ae.

Basef Amama Pol Nandaꞌam Mafeꞌma Esis Romi 11:16

Waf anama esis Juda anona nemaf sotanima sefe'ma God si'i basef wamon etin na'ama ma'i, i'i bret tu'wanina nali'i sanda'ana sase'anana Godi bo'ona, bret si'ina wapoti' Godi bo'ona atona. I'i esis sose'ana nombalef lawagim God, agufunama si'ina wapoti' Godi atona.

Basef Amama Pol Nandaꞌam Mafeꞌma Esis Romi 15:26

Esis Kristen sape etap hiagoma Masedoniai saloma esis Kristen Griki sa'i basef sandame'mam ea' ma sowala amamaga asasimi sonda' tu'wanim mefe' Jerusalem, soso' esis amam nematawa Godi amamaga a'asi.

Basef Amama Pol Nandaꞌam Mafeꞌma Esis Romi 16:12

Pi'ipawago nemaf bu'unai ae'anai ma Trifina kwaloma Trifosa, awo biawa wanda' maol lu'unai Dembinai. Pese'akw nemaf bu'unai ae'anai ma Persis, akwa'w alupu'wi ae'akwi endilisi, kwanda' maol lu'unai ma Dembinai.

Basef Amama Pol Nandaꞌam Mafeꞌma Esis Romi 16:4

Sa'i awi ma soga' sigiambama ae' epe namowe. Ea' ina ae' atowe anifela esis bias, owa'etin. Esis Kristen hiesi fowa' sololama Godi wapoti', sanifelis.

Basef Amama Pol Nandaꞌam Mafeꞌma Esis Romi 16:6

Ipe' penda'makwago nemaf bu'unai Maria. Akwa'w kwanda' maol lu'unai ma kwagiambamepa.

Basef Amama Pol Nandaꞌam Mafeꞌma Esis Romi 16:8

Ipe' pi'ipago Ampliatusa nemaf bu'unai ma danifel ae'anai. Anan alupunai ae'anai endilisi ma nape la'ifinama Dembinai.

1 Korin 16:15

Ipe' pegawa wambota Stefanasi sali' sataga Kristen sali'ma esis Grik hiesi. Ea' esis ukup ma'ima'i endilisi la'ela'efa sanda' maol sagiambama epes Godi. Alupipei, ae' a'ipipa basef la'ifimi

1 Korin 16:19

Ea' amam nematawa Godi sape deindei' etap anama hiagoma Esia sanda'mepago nemaf bu'unai. Akwila naloma Prisila saloma esis amam nematawa Godi sandakolas etifigin ipat asasinai, esis wapoti' sanda'mepago nemaf bu'unai endilisi ma agel Dembinai.

2 Korin 1:1

Ae' Pol, God nandandepe aposel Krais Jisasi. Ae' aloma owalomapa Timoti wasapa'ago basef amama ma ipe' amam nematawa Godi pape Korin pelomago amam nematawa hiesi Godi si'isi sape anama hiagoma esis Grik sapoma.

2 Korin 9:2

Ae' egawa, opalef ipe'imi mohafela panda' maol anama ea' la'ela'ef afela agof ipe'imi ma naep esis Kristen sape etap hiagoma sape Masedonia. A'ipas na'ama a'i, “Afagel nali'i esis Grik sape Korini sandondombam ea' ma sonda' maol anama.” Ea' esis Kristen sape Masedonia same' basef amama ma ipe' ukup mohafel ma maol anama. Dei' amama mafela ukup esis Kristen sape Masedoniai hiesi ma sonda'am wapoti'.

Kolosi 4:15

Ipe' pese'aso danifel ma nemaf bu'unai ae'anai ma esis alupusi sape Laodisia. Ea' penda'masago nemaf bu'unai ma Nimfa kolomago esis Kristen sios sandatama etifigin ipat akwa'unai.

Filemon 1:2

Ae' anda' basef amama ma ine' naloma amam nematawa Godi sandatama etifigin ipat ine'inai saloma haniti'mafa Apia kwaloma aman anama Arkipus, nanda' opeh Godi la'ifina si'i soldia naloma afa' biafa.

Jems 1:18

Anan naila okom ananinai atona ma basef ananimi endilisimi ma ape' mataga mape mali'ma amamaga amama Anan nanda'ami.

3 Jon 1:1

Ae' agiliwei imafi esis Kristen, anda' anom basef mafe'mago ina' alupinai Gaius. Ae' okom nainailina endilisi.

Revelesen 14:4

Epes isima sape bo'wes endilisi. Amam ina manda' waf aonai maloma nematawa, owa'. Mape bo'om. Wambel anama sipsip noganai na'i neafe'ma, esis sagi'mana same' basef ananimi sanda' maol ananinai. God natalis la'afena esis amam nematawa hiesi etapasi sape sali'i si'i ofa bu'unai nali'i God naloma sipsip noganai mofa'anai.