Basef Amama Pol Nandaꞌam Mafeꞌma Esis Romi 16:25 - Basef Buꞌwami Godi

^25-26 Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

Basef Amama Pol Nandaꞌam Mafeꞌma Esis Romi 16:25 Iomraidhean Croise

Matyu Nandaꞌafi 13:17

Ae' a'ipipa endilisi, fowa' gani amam profet hiami maloma anom amam manda' waf bu'unai ma'i miti amamaga amama dei' ipe' patulumi, owa'. Ukup amamumi maimailam endilisi ma mame' basef amama ipe' pame'ami. Owa. Amam ina mame'am.

Matyu Nandaꞌafi 13:35

Anom basef anona aman profet fowa' gani nanda'ami dei' mataga alihim mandawalap mapan. Profet anama na'iam na'ama na'i, “Anona nemaf ae' ie'i malogel i'i basef womun etin. Ae' ie'i basef mape mandambahi'i dambadamba God nanda' ilif etap mafi'i mafi'i mataga dei'.”

Matyu Nandaꞌafi 20:7

Ea' ma'ipana ma'i, ‘Ina anona aman nase'afa maol afa', owa'.’ Ea' anan na'ipam na'i, ‘Ipe' wapoti' fo'o penda' maol aof ae'anai.’

Aposel 20:32

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

Basef Amama Pol Nandaꞌam Mafeꞌma Esis Romi 11:25

Alupipei, ae' andaiwa'ma ipe' ukup mohaga mogaola basef amama fowa' mandambahi'i dei' mandawalap alihim. Na'ama ipe' ukup mi'i ma ipe' etipa pi'i, “Ape' mogawa.” Basef amama fowa' mandambahi'i na'ama. Esis Israel opalef asasimi maso'as, ea' ina maso'as la'ela'ef mape, owa'. Mefe' mefe' mondahama nogota anama esis owa' Judaisi hiesi sifi'i sefe'ma God dende' ma ikwaf okom ananinai ma'ianai.

Basef Amama Pol Nandaꞌam Mafeꞌma Esis Romi 14:4

Ipe' ina pewaloga enin epen nanda' maola enin epen, owa'. I'i enin nitu la'ifina maol ananinai o newa, amama maol anan Dembinai numafi epen inima. Enin anona nemaf nitu la'ifin. Dei' main, Dembinai ananinai atona nonda'an nitu la'ifin.

Basef Amama Pol Nandaꞌam Mafeꞌma Esis Romi 16:24

[Ae' anda' betena Dembinai ape'inai Jisas Krais nigiambamepa na'a numafipa ma nope nolomago ipe' hipei. Endilisi.]

Basef Amama Pol Nandaꞌam Mafeꞌma Esis Romi 2:16

Amama anona nemaf motaga na'ama etina nemaf anama God nowaloga waf hianai epes hiesi sanda'anai. Nemaf anama Anan ni'i wila ma Jisas Krais nope dembinai nogwaloga waf hianai asasinai nandambahi'i noloma basef sa'iam sambahe'ami. Basef bu'wami Godi ae' awalapami amama atom.

1 Korin 1:23

Ea' afa' wawalapa basefa Krais naga' lawag usi'inai tu'wanainai. Basef amama mahopa eaf esis Juda sandaiwa'mam sa'i basef awami. Ea' esis Grik ukup ma'i basef amama wafimi gawa a'ami.

1 Korin 2:7

Basef gawaimi ae' awalipasami, awalipasa basefa gawa Godi atona. Gawa anama fowa' nape nandambaho'ma epes, fowa' gani God ata' owa' nonda' etap anae' Anan nandandepa gawa anama ma ape' mofa' nafifili Ananinai.

1 Korin 4:1

Ipe' pegawa afa' wanda' maol Kraisi umafi basef endilisimi Godi fowa' mape mandambahi'i dei' mataga mandawalap alihim.

2 Korin 4:3

I'i basef amama bu'wami Godi wawalapami mondambaho', mandambaho'ma epes isima safe' eaf hegilalasanai.

2 Korin 4:5

Dei' main, afa' ina wawalapa basefa afa' ofela agof afa'imi lu'um, owa'. Afa' wawalapama Krais Jisas atona anan Dembinai. Afa' waila waf Jisasi dei' agof a'afa wape owina ipe' wanda' maol wagiambamepa.

Galesia 2:2

God nihi'ambe na'ama ea' afe'. Basef amama bu'wami awalapam esis anona wambota owa' Judaisi ihi'ambama esis Kristen sape Jerusalemi wapoti'. Ea' aloma amam agufumi atom mape, ihi'ambamam. Ae' andaiwa'ma maol fowa' anda'anai naloma dei' anda'anai notaga falafunai atona, owa'.

Efesus 1:9

Okom ananinai atona na'i nigiambamapa ea' nihi'ambapa basef ananimi mali' mandambaho' mape okom Ananinai atona. Basef amama mape na'ama. Anan nali' okom na'i Krais nope Dembinai ma amamaga hiami mape ilif etapi hi'ilam maloma epes wapoti'. Nogota anama anan atona okom na'ianai notaga, God nose'ana amamaga amama mofe' lagel Kraisi atona ma Anan atona nope Dembinai ma amamaga amama hi'ilam maloma epes wapoti'.

Efesus 3:11

Anan nanda'am na'ama etin si'i okom ananinai atona nape la'ela'ef na'iama lagel dembinai ape'inai Krais Jisasi atona.

Efesus 3:9

Ea' God nagiambamas na'a nihi'ambasa okom Ananinai maloma waf hianai Ananinai epes hiesi. Okom anama naloma waf anama ananinai hianai damba damba nape nandambaho' nafi'i nataga dei'. Ea' dei' nanda' amamaga hiami hi'alam mataga mape nase'e maol anama awalapa amama mape mandambahi'i alihim.

Efesus 6:19

Ea' penda' betena ae' wapoti' ma maina nemaf i'ipasa basef Godi nigiambama malogel ae'anai ma basef ewalipasami. Ama ina umbamahe ewalipasa basef amama bu'wami Godi fowa' mape mandambahi'i.

Kolosi 2:2

Ae' anda'am na'ama ma opalef ipe'imi moloma opalef asasimi motaga la'ifim mope ukup mondao'oma etina sahin owan ipe'isi. Ama ipe' peloma esis pefa' gawa bu'unai endilisi nenda' bale'ef ipe'inai bo'ona ma pegawa basef Godi endilisimi atom. Ae' anda' maol anama ma ipe' peloma esis pegawa basef amama Godi ofagema fowa' mandambahi'i ma'i Krais atona.

Kolosi 4:3

Ipe' penda' beten pihali' Goda nagiambamafa wapoti' na'ama. Anan nusi'amafa uta afa' ma owalapa basef Ananimi. Ama awalapa basef amama Krais fowa' mape mandambahi'i. Amama atom dei' ae' ape kalabus.

1 Tesalonaika 3:13

Wa'i ipe' penda' waf anama ma God nonda'epa petaga la'ifipa opalef ipe'imi. Ama anona nemaf Dembinai ape'inai netambel nifi'i nulumai esis hiesi sambale'efanai sape andeande' ma ipe' pepe bo'wepa andeande' basef a'epa ma naep Godi ahalomapa ape'inai.

2 Tesalonaika 2:14

Nemaf anama afa' wa'ipipa basef bu'wami Godi ma anan nofalepa nose'epa nafifili Dembinai ape'inai Jisas Kraisi. Ma God nefela agola Dembinai ape'inai Jisas Krais noloma agof ipe'imi wapoti'

2 Tesalonaika 3:3

Ea' Dembinai naila basef ananimi andeande' nanda' amamaga ananimi andeande' ma nonda'epa petaga la'ifipa numafipa ma aman aonai owa' la'ifinama nomboma opalef ipe'imi

2 Timoti 1:9

God nofa'apa mutanimani mope andeande'. Anan nofalapa amam nematawa ananipai atepa mope bo'wepa andeande'. Anan ina okom napoma waf bu'unai ape' manda'anai nofalapa, owa'. Okom Ananinai atona nainailapa nofalapa nagiambamapa na'a. Fowa' dambadamba ina dei' nanda' etap, ata' owa', Jisas Krais nandahomapa nagiambamapa na'a.

2 Timoti 2:8

La'ela'ef ine' okom nopoma Jisas Krais, anan naga' notanima nohafel wapoti'. Anan wambota anama Deviti, si'i a'iama basef bu'wami Godi.

Taitus 1:2

Ae' anda' maola agiambama bale'ef asasinai ma esis sogawa ma sondanifel sope sohafa ambal anama namunai nope andeande' la'ela'ef. Fowa' gani God ata' owa' nonda' anom amamaga motaga etap anae', anan nali' na'iam ma nose'apa ambal anama ape'. Anan ina nambaso'ami, owa'.

Hibrui 7:25

Amama atom dei' Anan la'ifinai ma nefa' esis amam nematawa sotanimani sofe' felefele'ma Goda agel Ananinai ea' sope andeande' la'ela'ef. Dei' main, Anan nape ambal napaina la'ela'ef nanda' betena God nigiambamas.

1 Pita 1:20

God owa' ata' nonda' etap anae' notagae, Anan nandandepa Krais ea' ma naga' si'i sipsip anama. Nimeguf amama hiami dei' magi' matagai, Anan nataga nandawalap alihina ma nagiambamepa.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

Revelesen 10:7

Nemaf anama ensel anama nafe'ma 7i ni'i nufapula biugel ananinai, amamaga amama God nambahe'ami motaga alihim. God felefele' nonda'am endilisi si'i basef fowa' nase'amam amam profet manda' opeh ananimi.”