Basef Amama Pol Nandaꞌam Mafeꞌma Esis Romi 16:19 - Basef Buꞌwami Godi

¹⁹ Ipe' paila God, dei' epes hiesi sogawepa ea'. Amama atom dei' ae' andanifel ma ipe'. Ae' a'i ipe' pegawa waf bu'unai endilisi, ea' ipe' ina pegawa waf aonai, owa'.

Basef Amama Pol Nandaꞌam Mafeꞌma Esis Romi 16:19 Iomraidhean Croise

Matyu Nandaꞌafi 10:16

Ea' Jisas na'ipam wapoti' na'i, “Ipe' peme', ae' esapa'epa pefe' si'i sipsip pefe' la'afena nombagw wandafumi aolupumi. Na'ama ipe' ukup mondanda' andeande' pefe' pila gawa si'i iguf mafe'. Ea' pila waf bu'unai si'i anona amil ma'unai, ipe' ina ukup mope aoma penda' waf aonai, owa'.

Luk Nandaꞌafi 10:3

Ipe' fo'o. Peme', ae' esapa'epa pefe' si'i sipsip nogami la'afena nombagw wandafumi aolopumi.

Basef Amama Pol Nandaꞌam Mafeꞌma Esis Romi 1:8

Ae' a'i ata' ili' i'i basef amama. Ae' anifela God ae'anai ma agel Jisas Kraisi, anifelona ma ipe' wapoti'. Dei' main, esis etap gani hiagoma sa'i basef amama ma ipe' pembale'efana.

1 Korin 14:20

Ipe' alupipei, ipe' ina pepe ukup motamea si'i awasi, hapaimi. Waf aonai, ipe' ukup bo'om motamea andeande' ukup mose'epam si'i awasi. Ea' nomonas ipe'imi motaga si'i epes dembesi.

Efesus 5:17

Ea' ipe' dei' ina pepe si'i epes gawa a'asi ukup mese'epa, owa'. Pegawa andeande'ma okom Dembinai na'iami.

Filipai 1:9

Ae' anda' betena ipe' a'i ipe' ukup mimila God pendao'oma pila sahin owan hiesi ma waf anama nataga lu'una ma ipe' neloma gawa hianai neloma nomonas bu'wami pegawa basef Godi andeande'.

Filipai 2:15

Penda'am na'ama ma pepe awasi Godi bo'wepa ma basef o waf aonai a'epa. Dei' pape paloma epes hiesi sape etap anae', esis sakwaha waf bu'unai sanda' waf aonai. Ipe' pape palomas pihi'ambasa basef ambal namunaimi si'i ondowa motawa ilif mafifima epes. Penda'am na'ama ma nemaf akutainai Kraisi ae' endanifel ma ipe' ma egawa ina anda' opeh akwaha pepel ae'anai na'a, owa'.

Kolosi 3:16

Basef Kraisi bu'wami endilisi mope opalef ipe'imi nomon. Ipe' penda'am na'ama piwalipa esis sahin owan ipe'isi pi'ipasa gawa hianai naninani. Ipe' pinifela Goda opalef ipe'imi pelomana. Ea' penda' awalef mail Buk Sami ea' penda' awalef lotuwimi ea' penda' awalef monda' ambagof ipe'imi motaga la'ifim.