Basef Amama Pol Nandaꞌam Mafeꞌma Esis Romi 16:18 - Basef Buꞌwami Godi

¹⁸ Esis ina sanda' maola Dembinai ape'inai Kraisi, owa'etin. Saila ukupa alop asasinai atona. Sanda' basef atom usiusihimi ma sambaso'ma opalef sa'ipa epes isima owa' sogawa andeande' waf aonai o bu'unai.

Basef Amama Pol Nandaꞌam Mafeꞌma Esis Romi 16:18 Iomraidhean Croise

Matyu Nandaꞌafi 24:11

Ea' amam profet hiami mambaso'ami motaga mohafel mufi'i mombaso'ma amam nematawa hiesi.

Matyu Nandaꞌafi 24:24

Dei' main, nemaf anama anom amam mombaso'am mi'i amam Krais o mi'i amam profet motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'. Hapaisi.

Matyu Nandaꞌafi 6:24

Ina enin epen la'ifina nanda' maol nihapila maol biefina amam dambami biam, owa'etin. Na'ama okom nila anona, anona nesambalona. Ea' anan neme' basefa anona, anona nowa' alafugahana. Ea' na'ama etin, ipe' ina la'ifipa pepe owina God noloma wiga hianai moni hianai, owa'etin.

Matyu Nandaꞌafi 7:15

Ipe' pindumafuma andeande'ma amam profet mambaso'mami ma'i mawalipasa basef Godi. Amam mafi'i mambaso'mepa manda' ufunufeni mataga patolom ande' atogon mape bo'om sa'umbilim si'i sipsip. Ea' ukup amamumi nomon aom endilisi ma ipe' ma'i mohambombagepa mohepa si'i nombagw wandafumi. Ea' ipe' ina peme'am, owa'.

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Basef Amama Pol Nandaꞌam Mafeꞌma Esis Romi 14:18

Emi egafis sape sanda' maola Kraisi ma owa' sonda' anona waf nonda' Kristen ukup aom, anona nemaf God okom bo'ona ma waf asasinai ea' enis epes wapoti' sogawa esis epes bu'wasi.

Basef Amama Pol Nandaꞌam Mafeꞌma Esis Romi 16:19

Ipe' paila God, dei' epes hiesi sogawepa ea'. Amama atom dei' ae' andanifel ma ipe'. Ae' a'i ipe' pegawa waf bu'unai endilisi, ea' ipe' ina pegawa waf aonai, owa'.

2 Korin 11:3

Ea' ae' umbamahe. Na'ama ukup ipe'imi aom ea' pekwaha waf anama pepan andeande' ukup mopoma Krais atona si'i fowa' gani yul anama gawainai nambaso'ma Iv.

2 Korin 2:17

Dei' main, afa' ina si'i enis epes hiesi safe'agon hi'alagona sanda' maola basef Godi ma sofa' amamaga asasimi atom, owa'. Afa' wanda' maol anama Godi na'ama. Afa' ina wambaso'am etina maol Godi, owa'. Afa' wanda'am waila eaf bu'unai atona hi'alana, wape la'ififa waloma Krais. God nasapa'afa wafi'i wawalapa basef mafe' andeande'ma naep ananimi.

2 Korin 4:2

Afa' owa' alafugah ma waf ambagof awami sandambaho' sanda'ami. Ina ata' wape wafe' waf anama baso'mainai oho'ofa waf ombaso'masa basef Godi wa'iam, owa'. Afa' wawalapa basef endilisimi alihima naep Godi ma epes hiesi seme'am sogawa basef mape opalef asasimi nomon ma'iami.

Galesia 1:10

Ipe' ukup mape ma'imama ma basef amama? Pa'i ae' a'iama enis epes sinifelowe sefela agel ae'anai? Owa'. Ae' a'i God atotona opaf bo'onama ae'. Ipe' pa'iam pa'i a'iama enis epes sinifelowe? Owa'. I'i enda' maola ai'ipa enis epesa opalef bo'oma ae', ae' ina aman anda' maola Kraisi, owa'. Ae' ambaso'ami. Owa'. Ae' anda' maola Krais atona.

Filipai 2:21

Amam hiami mape maloma ae' mumafi amamaga amamumi atom ea' ina ukup maimaila mumafi opeh Jisas Kraisi, owa'.

Filipai 3:19

Ukup asasimi mapoma alop asasinai atona, anama si'i god asasinai. Esis sa'i esis etis agufisi sandanifela ma waf naninani aonai ambagof awomunai. Ea' ukup mapoma amamaga etapami atom. Epes isima anona nemaf higililas wambel aonai hel.

Kolosi 2:4

Ae' a'ipipa basef amama. Ipe' pindumafuma andeande'. Na'ama enin epen nembaso'mepa ma basef usihimi.

Kolosi 3:24

Dei' main, ipe' pegawa anona nemaf Dembinai nofalo'mepa nese'epa amamaga bu'wami ipe'. Amama anan nandandepam ma'oh ma'oma ipe' epes ananipei. Ipe' pape panda' maola Krais Dembinai ape'inai.

2 Tesalonaika 2:10

Anan nanda' waf hianai baso'omunai ma waf aonai. Ea' nombaso'ma esis saila eaf sefe' higililasanai. I'i epes isima si'i aho'ma basef endilisimi, God nofa'as sotanimani sope andeande'. Owa', sandaiwa'

1 Timoti 6:5

Epes isima sanda' na'ama, ukup asasimi mahaga magaol endilisi ea' ina sombale'efa basef bu'wami endilisimi, owa'. Ea' sa'i basef sapa'am sandahihianama saloma enis. Ea' sa'i, “Eaf anama Godi eaf sofa' otambanai.”

Jems 1:1

Ae' Jems, ape owina God naloma Dembinai Jisas Krais anda' maola amam atom. Anda' basef amama mafe'mago ipe' epes hipei Judaipei epes wambotogw loumi 12-peleim. Ipe' pakwaha wambel ofagama ipe'ima ma pafe' pape wambel hiagoma etap anae' pape panda' maol naninani. Ae' anda'mepago danifel nafe'mago ipe'.

2 Pita 2:3

Amam amama kowalami endilisi, amama atom nambimb monda' basef baso'maimi ukup amamumi atom ma'iami ma mofa' otamba maim ipe'imi. Fowa' gani God nogawa nandandepa anona nemaf mapomam ma nowaloga amam mofe' wambel aonai hel. God nandondomba anom amamaga mohamboga amam endilisi ata' mape la'ela'ef mohafa amam. Ina ma'oh, owa'.

Basef Ifimba Jut Nandaꞌafi 1:1

Ae' Jut anda' maol ape owina Jisas Krais, ae' owalomana Jemsi. Ae' anda' basef amama mafe'mago ipe' amam nematawa God nandandepepa ea'. Mafe'mago ipe' Ahalomapa God okom maimailipei, ipe' Jisas Krais atona nili'akwapa.

Basef Ifimba Jut Nandaꞌafi 1:12

Amam amama mandambaho' mawisi malomapa, waf aonai amamunai nape na'ama. Nemaf anama ipe' Kristen ukup maimaila sahin owan ipe'isi pandakolas panda' gwa'aimi ipe'imi o panda' gwa'aimi Jisasi, amam mape malomepa ma' gwa'aimi amama wapoti'. Ea' amam si'i ikwaf aonai la'ifinai nail nanda' gwa'aimi amama aom. Amam ma' gwa'aimi malomepa, ea' ina umbamaham ma waf aonai manda'anai, owa'. Ukup mapoma amam atom. Ina magiambama enis epes mase'asam, owa'. Amam mawalipasa basef, ea' basef amamumi ina magiambamas, owa'. Basef amama wafimi atom si'i otaga wafinai uf nefa'ana nafi'i ina asaf nalai, owa'. Amam mandahama lawah mola gwa'aimi, ea' nogota mailanai ina mola gwa'aimi, owa'. Lawah amama alim sagiam nombalef mapomamam ma'oh.

Basef Ifimba Jut Nandaꞌafi 1:16

Amam amama mambaso'ami mawisi malomapa ina mape andeande' opalef awanem, owa'. Amam mondowamba' ma amamaga hiami ea' mosambala basef Godi. Ukup amamumi mohafel na'ana'a ma waf aonai ukup mohafemami ea' magi'ma amama. Amam ma'i basef mamumami mafela agof amamumi atom. Amam ma'ipa enis epesa basef usihimi ma mamboma ukup asasimi saila basef amamumi.

Revelesen 1:1

Fowa' gani basef amama mape mandambaho' ea' dei' Jisas Krais nanda'am mandawalap alihim. God nase'anam Jisasa nowalapam nihi'ambapa anom manda'mana opeh Godi ma mowalapa amamaga mape mandambahi'i motaga ulal. Anan nase'e gawa afa' wanda' opeha Anan ma amamaga amama. Ea' dei' nasapa' ensel ananinai nafi'mai ae' Jon. Ae' dei' anda'mana maol Godi, ea' Anan nase'e basef amama ae' wapoti'.