Basef Amama Pol Nandaꞌam Mafeꞌma Esis Romi 15:3 - Basef Buꞌwami Godi

³ Ape' mogawa Krais wapoti' ina naila okom ananinai atona, owa'. Waf aonai natagamana si'i Baibel na'i, Krais na'ipa God na'i, “Epes sa'i basef findiwama ine' ea' basef amama atom mafi'i mase'ala ae'.”

Basef Amama Pol Nandaꞌam Mafeꞌma Esis Romi 15:3 Iomraidhean Croise

Matyu Nandaꞌafi 10:25

I'i esis sanda' skuli sope na'ama etin si'i tisa asasinai, esis ukup mi'i andeande'. Ea' i'i enin epen agel a'an nanda' maol etini nepe si'i dembinai ananinai, isima wapoti' andeande'. Ae' Dembiwei Ahalomepa ma wambota ae'anai esis sa'i basef awami ma agel ae'anai sa'i ae' Belsebul. Na'ama anona nemaf esis si'ipipa sonda'mepa agof awami endilisi mikila' agel Belsebul sanda'meana ae'.

Matyu Nandaꞌafi 26:39

Ea' anan nandamboma nafe' fele' nowa nambe' opaf notawa nanda' beten na'i, “Ahalome Ae'inai, i'i ine' ni'i a'e, nekwahome nimanimi amama. Ea' ine' nila okom ine'inai atona, Ae' owa'.”

Matyu Nandaꞌafi 26:42

Ea' anan notanima nafe'ma bif nanda' beten na'i, “Ahalome ae'anai, i'i owa' anona eaf ae' indihi'ama nimanimi amama, ea' hapaimi, ae' efa'am. Ine' nila okom ine'inai atona.”

Matyu Nandaꞌafi 27:44

Ea' amam amama biam makowalefi saundam malumana manda'ana findiwana si'i amam agufumi mali' manda'manam.

Jon Nandaꞌafi 15:10

I'i ipe' pila mi'uli ae'anai andeande', nambimb pepe okom ae'anai nomon si'i ae' aila mi'uli Ahalome andeande'ma ape okom ananinai nomon.

Jon Nandaꞌafi 15:24

Esis saila waf etapanai ina sati anona aman nanda' opeh mandahama opeh ae' anda'ami, owa'. I'i ae' owa' enda 'opeh amama, esis ofagenama waf aonai a'as. Ea' dei' sati opeh ae'ami la'ifimi ea' sowa' alafugaha ae' ukup aom endilisi ma ae' aloma Ahalome ae'anai wapoti'.

Jon Nandaꞌafi 4:34

Ea' Jisas nawalapem basef na'ipam na'i, “Gwa'aimi ae'ami amama. God nasapa'e afi'i. Dei' ae' a'i ila okom ananinai atona enda' maol ananinai efe' embefana hi'ilana. Maol anama si'i gwa'aimi ae'ami.

Jon Nandaꞌafi 5:30

Ea' Jisas na'ipas na'i, “Ae' ina anda' anom amamaga ma nomonas ae'ami atom, owa'. Basef ae' ame'ama Ahalome, amama atom ailam awalapama esis ewalogas ma kot. Ea' basef amama ma kot ae'anai amama bo'om andeande'. Dei' main, ae' ina anda'ama aila nomonas ae'ami atom, owa'. Ae' anda'ama aila nomonasa aman anama nasapa'e afi'i.

Jon Nandaꞌafi 6:38

Ae' ina akwaha heven isila'i ma iela okom ae'anai atona, owa'etin. Ae' afi'ima iela basefa okom anan nasapa'e afi'i.

Jon Nandaꞌafi 8:29

Anan nasapa'e afi'i nape nalome. Anan ina nakwahowe ae' atowe ape, owa'. Dei' main, la'ela'ef ae' aila okom ananinai anda' maol.”

2 Korin 8:9

Endilisi, ipe' pegawa eaf dembinai Jisas Krais nagiambamapa na'a. Eaf anama na'ama. Fowa' anan amamaga hiamunai, ea' dei' nataga wafinai endilisi. Nagiambamepa na'a nataga nape kwahunai, amama atom dei' ipe' pefa' waf bu'unai naloma amamaga hiami bu'wami.

Filipai 2:5

Ipe' pihapila ukup etifim si'i Krais Jisas okom na'iam.

Filipai 2:8

Esis satolona sati anan nataga epen endilisinai. Ea' nanda' anan nafe' owina God naloma epes. Naila okom Godi atona nafe' nafe' ma naga' lawag usi'inai tu'wanainai.