Basef Amama Pol Nandaꞌam Mafeꞌma Esis Romi 15:26 - Basef Buꞌwami Godi

²⁶ Esis Kristen sape etap hiagoma Masedoniai saloma esis Kristen Griki sa'i basef sandame'mam ea' ma sowala amamaga asasimi sonda' tu'wanim mefe' Jerusalem, soso' esis amam nematawa Godi amamaga a'asi.

Basef Amama Pol Nandaꞌam Mafeꞌma Esis Romi 15:26 Iomraidhean Croise

Matyu Nandaꞌafi 25:40

Ea' ae' dembiwei king egwamasa basef i'i, ‘Ae' a'ipipa endilisi! Maim opeh bu'wami ipe' panda'ama pagiambama esis sahin owan ae'asi falafisi agof a'asi, amama ipe' ina panda'masam esis etis, owa'. Panda'meam ae' wapoti'.’

Matyu Nandaꞌafi 26:11

Isima kwahusa gwa'aimi maim sape salomepa nimeguf hiami. Ea' ae' ina ata' elomepa epe nimeguf hiami, owa'.

Luk Nandaꞌafi 14:13

Ine' nenda' gwa'aimi lu'wami, nefala isima kwahusa amamagai, bo'wagah awomisi, naep mase'asi.

Luk Nandaꞌafi 6:20

Jisas nati amam alupumi ananimi na'ipam na'i, “Ipe' kwahupei otamba maim a'ipei, ipe' pawis ea' wambota Godi numafipa. Amama atom dei' ipe' pandanifel pape.

Aposel 16:12

Ea' wakwaha wambel anama wafe' Filipai, anama fowa' esis Rom safi'i sapoma. Wambel anama lu'unai ma etap hiagoma Masedonia. Ea' wape anama anom nimeguf.

Aposel 16:9

Owamb anama Pol nati anom amamaga si'i na'oh nandondo'oh nati anona aman Masedoniainai naitu nofalai Pol na'ipana mehip na'i, “Ine' newala nimbuwi naoh ea' nifi'i Masedonia nigiambamapa.”

Aposel 18:12

Anona nemaf anona aman agilinama Galio nataga nape gavman dembinai ma etap hiagoma esis Grik sapoma. Nogota anama esis Juda sa'i basef sandame'mam sombalo' Pol sofa'ana safe'ma kot sambaso'mana sa'i,

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 9:13

Ea' Ananaias nagwamana basef na'i, “Dembinai, ae' ame' basef hiami ma epen anama, waf aonai hianai anan nanda'ana esis amam nematawa ine'isi gani Jerusalem.

1 Korin 16:15

Ipe' pegawa wambota Stefanasi sali' sataga Kristen sali'ma esis Grik hiesi. Ea' esis ukup ma'ima'i endilisi la'ela'efa sanda' maol sagiambama epes Godi. Alupipei, ae' a'ipipa basef la'ifimi

1 Korin 16:5

Anona nemaf ae' efo'o ili' ewala etap hiagoma Masedonia, ea' efo'o etagamepa. Dei' main, ae' okom na'i ata' ili' ewala etap hiagoma Masedonia efe'.

2 Korin 1:16

Ae' okom na'i ata' ili' efe'mepago ea' ekwahipa efe' etap hiagoma Masedonia ma nambimb ekwaha Masedonia etanimai ifi'mipai wapoti' ma pigiambame pesapa'e efe' etap hiagoma Judia.

2 Korin 11:9

Fowa' ape alomepa ata' ipe'imi amamaga a'e, nogota anama ae' ina ahali'ipa ma amamaga amama, owa'. Dei' main, amam alupumi makwaha etap hiagoma Masedoniai mafi'i matagamepa muwapanimi amamaga amama ae' owa'i. Ea' ina ahali'ipa ma pase'e otamba maim, owa'. Ea' anona nemaf wapoti' enda'am na'ama etin ina ihali'ipa ma anom amamaga, owa'.

2 Korin 2:13

Ea' opaf ae'anai ina nape awanena, owa'. Dei' main, ae' ina ata' ati owalome ae'anai Taitus, owa'. Ea' akwaha esis Troas afi'i ataga anona etap hiagoma Masedonia.

2 Korin 7:5

Fowa' afa' wafi'i otaga etap hiagoma Masedonia, alop afa'inai ina napoma noma'w owa'. Nimanimi mamumami hiami matagamafa, sa'i basef la'ifimi safitap salomafa. Ea' umbamahafa ukup matamea.

2 Korin 9:12

Ipe' penda'am na'ama ma pigiambama alupusi isima amam nematawa Godi ma waf anama, ipe' panda' opeha pagiambama epes isima kwahusi. Ea' ina amama atom, owa'. Ipe' panda' waf anama pafela epes hiesi ma sefela agel Godi sinifelona endilisi.

2 Korin 9:2

Ae' egawa, opalef ipe'imi mohafela panda' maol anama ea' la'ela'ef afela agof ipe'imi ma naep esis Kristen sape etap hiagoma sape Masedonia. A'ipas na'ama a'i, “Afagel nali'i esis Grik sape Korini sandondombam ea' ma sonda' maol anama.” Ea' esis Kristen sape Masedonia same' basef amama ma ipe' ukup mohafel ma maol anama. Dei' amama mafela ukup esis Kristen sape Masedoniai hiesi ma sonda'am wapoti'.

2 Korin 9:4

I'i owa', enis Masedonia sifi'i solome siti ipe' ata' owa' pendondombam, afa' ambagof aom ma amama ea' ipe' wapoti' pelomafa. Dei' main, afa' wali' wa'ipipas wa'i ipe' panda'am pandondombam ea'.

Filipai 4:15

Ea' ipe' amam nematawa Filipai, ipe' pegawa na'ama. Nemaf anama ae' asefela opeh awalipipa basef bu'wami Godi ma akwaha anona wambel nape etap hiagoma Masedonia, ina dei' enis Kristen sios sagiambame. Ina enis Kristen sandao'oma salome ma waf anama sase'asa amamaga na'a, ata' owa'. Ipe' etipa panda'am na'ama.

1 Tesalonaika 1:7

Ea' pihi'ambasa waf bu'unai epes isima hiesi enis amam nematawa sombale'efa Kraisi sape etap anama hiagoma biefigin Masedonia naloma Akaia.

1 Tesalonaika 1:8

Basef Dembinai ipe' pa'ipasami mogal ma'i mafe' si'i wata nalef mehip. Ina mafe' Masedonia naloma Akaia atogon, owa'. Anama hiagoma esis same' basefa ipe' pembale'efa God. Afa' ina wa'ipa epes isima, owa'. Ipe' pali' paso' opalefa God andeande'.

1 Tesalonaika 4:10

Ipe' ukup maimaila esis sahin owan anama etap hiagoma Masedonia. Ipe' alupipei, afa' wa'ipipa na'ama wa'i, ipe' ukup mimila esis sahin owan isima penda' waf anama netaga nefe' lu'una.

1 Timoti 1:3

Fowa' ae' afo'o etap hiagoma Masedonia ma a'ipina dei' na'ama etin a'ipina wapoti'. Ine' ata' nepe la'ela'ef na'ama Efesusa ni'ipa anom amam mehipa ina mi'ipasa anom basef baso'maimi, owa'. Mi'ipasa basef Godi atom.

Filemon 1:5

Dei' main, ae' ame'asa ine' nembale'efa dembinai Jisas endilisi ea' okom ine'inai nainaila amam nematawa Godi hiesi.