Basef Amama Pol Nandaꞌam Mafeꞌma Esis Romi 15:2 - Basef Buꞌwami Godi

² Ape' hiapai atona etin monda' maol migiambama epes sape felefele'ma ape' ma anona nemaf sofa' waf bu'unai sotaga la'ifis.

Basef Amama Pol Nandaꞌam Mafeꞌma Esis Romi 15:2 Iomraidhean Croise

Basef Amama Pol Nandaꞌam Mafeꞌma Esis Romi 14:19

Dei' ape' mila waf hianai nonda' ape' mope opalef etifim, ea' waf bu'unai hianai nonda' bale'ef sahin owani notaga la'ifina.

1 Korin 10:23

Ipe' pa'i, “Andeande'ma monda' amamaga mamumami hiami.” Amama endilisi, ea' ina amama hiami magiambamapa, owa'. Ipe' pa'i, “Andeande'ma monda' amamaga mamumami hiami.” Ea' ina amamaga hiami manda'apa mataga la'ifipa ma bale'ef, owa'.

1 Korin 10:24

Ipe' ina ukup mopoma ipe' etipa pindumafuma pepe andeande', owa'. Ipe' ukup mopoma enis epes wapoti' ma pigiambamas sope andeande'.

1 Korin 10:33

Si'i ae' wapoti' anda' maol lu'unai ma igiambama epes hiesi ma ukup mi'i waf bu'unai hianai ae' anda'anai. Ae' ina anda'am agiambama ae' imafi ae' atowe, owa'. Anda'ama agiambama amam nematawa hiesi ma God nofa'as sotanimani.

1 Korin 13:5

Esis ukup maimailas sape andeande'. Esis ina ukup mapoma amamaga asasimi endilisi, owa'etin. Esis ina ukup wandafum mehip, owa'. Ea' ina ukup mapoma waf aonai enis epes sanda'masanai, owa'etin.

1 Korin 14:26

Ipe' alupipei, dei' basef amama akutaimi ae'ami mape na'ama. Nemaf anama pendowa'anima, presen anama hianai Ambal Bu'unai Godi nasi'ipanai napoma ipe' hipei na'ama. Enin epen nenda' anona awaf, enin epen ni'i anom basef Godi niwalipipa, enin epen God nase'ana anom basefa nowalapam, ea' enin epen negawa ma ni'i anona diga, ea' enin epen negawa ma nemboma basef ma diga anama. Ipe' penda' amamaga amama hiami ma pigiambama esis amam nematawa Godi sotaga la'ifis.

1 Korin 14:3

Ea' emi egafis Ambal Godi nafelasa sa'i basef Godi si'i profet, epes isima sa'ipam sanda'am sa'ipasam sanda'as la'fisa sombale'efa Dembinai ea' sa'ipas safelasa sonda' waf bu'unai nonda' opalef asasimi awanem.

2 Korin 12:19

Ipe' ina pi'i afa' wanda' basef amama hiami wali' wa'iami wa'ipipa waf afa'inai ina aona, ea' wanda' waf bu'unai atona, owa'. Afa' wape epes Kraisi wanda' basef amama ma naep Godi. Alupipei endilisi ae'ipei, afa' wanda' basef amama hi'alama monda' ipe' pembale'efa God petaga la'ifipa.

2 Korin 13:9

Maina nemaf afa' wame' ina la'ififa ea' ipe' pape la'ifipa, afa' wandanifel endilisi. Ea' afa' wanda' betena God la'ela'efa nonda'epa petaga la'ifipa bo'wepa andeande'.

Efesus 4:12

Krais nase'apa presen anama bu'unai ma manda' ape' amam nematawa Godi mondondombam mope la'ifipama monda' maol bu'unai Ananinai. Ape' amam nematawa Godi si'i alop Kraisi. God nase'apa presen anama bu'unai ma ape' mefa'ana manda' hiesi amam nematawa Kraisi sataga la'ifisa sanda' maol Godi.

Efesus 4:29

Basef awami ina motaga malogof ipe'imi, owa'. Pi'i basef bu'wami atom pi'ipasam mandahama fe' pe ki asasinai. Penda'am na'ama ma pigiambama epes isima some' basef ipe'imi.