Basef Amama Pol Nandaꞌam Mafeꞌma Esis Romi 15:16 - Basef Buꞌwami Godi

¹⁶ Ea' anan nanda'e ape anda' maola Krais Jisas anda'am la'afena esis sololama Godi owa' Judaisi. Anda' maol si'i amam mondolali ma Godi awalapa basef bu'wami ananimi. Ae' a'i efa'ai epes isima owa' Judaisi sifi'mai Anan ea' Ambal Bu'unai Ananinai nonda'as sotaga epes Godi etis bo'wes andeande' ese'anas Anan si'i ofa anan okom na'iami endilisi.

Basef Amama Pol Nandaꞌam Mafeꞌma Esis Romi 15:16 Iomraidhean Croise

Aposel 13:2

Esis Kristen sakwaha gwa'aimi sanda' lotuma God atona sape. Ea' Ambal Bu'unai Godi na'ipas na'i, “Ipe' pendandepa Barnabas naloma Sola maol anama ae' efalam andandepam meanda'anai.”

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 20:32

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

Basef Amama Pol Nandaꞌam Mafeꞌma Esis Romi 11:13

Dei' ese'epa anom basef ipe' etipa owa' Judaipei. God nasapa'e afe'ma anda' maola esis owa' Judaisi si'i ipe'. Ea' andanifela maol anama bu'unai dei' anda'anai.

Basef Amama Pol Nandaꞌam Mafeꞌma Esis Romi 15:18

Krais atona nase'e pepel anda' maol anama. Anan nagiambame nanda'e la'ifiwi afe' anda' maol anama lu'unai awalipa esis owa' Judaisi ma silana some' basef ananimi. Ae' andaiwa'ma i'ipipa anom basef, owa'. Amama atom.

Basef Amama Pol Nandaꞌam Mafeꞌma Esis Romi 15:19

Ambal Bu'unai Godi nase'e pepel ananinai nanda'e la'ifiwi ma anda' ikwaf la'ifinai naninani. Epes hiesi sati maol anama ea' same' basef Godi sailam. Damba damba anda'am Jerusalem awalapa basef bu'wami ma Krais afe' laogoma hi'alagon etambili etap hiagoma Ilirikum.

Basef Amama Pol Nandaꞌam Mafeꞌma Esis Romi 15:20

Fowa' damba damba afi'i ataga dei' ae' okom na'i endilisi ma enda' maol Godi ewalapa basef Ananimi bu'wami anagon esis ata' owa' sogawa Kraisi. Ae' andaiwa'ma igi' efe' ewalapam anagon enis epes sali' safe' sawalipasam, owa'.

Basef Amama Pol Nandaꞌam Mafeꞌma Esis Romi 15:29

Ae' egawa nemaf anama efe'mago ipe', amamaga bu'wami Kraisi mope si'ima ae' efo'o etagamepa i'ipipam.

Basef Amama Pol Nandaꞌam Mafeꞌma Esis Romi 5:5

I'i ape' mogawa endilisi na'ama, bale'ef ape'inai ina anona nemaf hegililana, owa'. Dei' main, God nase'apa Ambal Bu'unai Ananinai ea' waf okom nainailapa nape lu'una opalef ape'imi.

1 Korin 3:5

Ipe' ata' ukup motamea andeande'. Apolos emi egafuna? Ae' Pol emi egafowe? Afa' biafa wanda' maoli atofa. Dembinai nase'afa maol nandandafa. Ea' maol anama afa' biafa wanda'anai, eaf anama atona dei' ipe' pembale'efa Krais. Ape' hiapai manda' maol anama God nasi'ipami.

1 Korin 4:1

Ipe' pegawa afa' wanda' maol Kraisi umafi basef endilisimi Godi fowa' mape mandambahi'i dei' mataga mandawalap alihim.

1 Korin 6:19

Alop ipe'inai ipat bu'unai Ambal Bu'unai Godi. Ipe' pegawa amama a owa? Ambal anama nosahe'epa ea' nape nomona ipe'. Ipe' ina ipe' etipa, owa'. Ipe' ananipei etipa si'ipa.

2 Korin 11:23

Ae' dei' a'i si'i epen okom nololani endilisi. I'i amam monda' maol Kraisi, ae' wapoti' anda' maol Kraisi ikila' amam. Nimanimi lu'wami, amama ae' ikila' amam ea' kalabus wapoti' anda' kalabus ikila'am. I'i enis epes soham hihif endilisi, amama wapoti' ikila'am endilisi. Nimeguf hiami ae' felefele' ma ega'.

2 Korin 5:20

Ea' afa' dei' ofa' malogel Kraisi wawalapa basef ananimi. Amama na'ama etin. God atona nofala epes hiesi ma basef la'ifimi malogof afa'imi. Ea' waho'ofa Krais wa'ipas na'ama wa'i, “Ipe' pekwaha waf naumbihinai ma petaga opalef etifim peloma God.”

2 Korin 8:5

Fowa' afa' ukup ma'i na'ama wa'i nambimb esis sose'as anom otamba. Ea' esis sali' saso' esis etisa Dembinai saila okom Godi sase'afa opalef asasimi afa' wapoti ma sose'afa anom otamba sigiambama esis Kristen kwahusi.

Galesia 3:5

Maina eaf dei' God nase'epa Ambal Bu'unai Ananinai nanda' ikwaf la'ifinai la'afena ipe'? Ambal Godi na'i ipe' paila mi'uli fowa' God naso' Mosesanai nanda' ikwaf anama, o Ambal Godi na'i pame' basef bu'wami Godi pembale'efam pailam nanda' ikwaf anama?

Efesus 2:18

Lagel Kraisi atona ape' epes hiesi mape wambotagw biam mape eaf alihina mafe'ma Ahalomapa Goda Ambal Bu'unai Ananinai atona.

Efesus 2:22

Ipe' wapoti' pape la'ifipa paloma Jisas Krais, dei' God nape nakolasipa etifigin la'ela'ef paloma enis Kristen alupusi hiesi. Ea' nanda'epa pataga si'i ipat endilisi God napeinai ma Ambal Bu'unai Ananinai atona.

Efesus 5:2

Ipe' pila waf anama ukup maimailasanai si'i Krais okom nainaila ape' hiapai nakwaha ambal Ananinai nagiambamapa. Anan nase'ana alop Ananinai God naga' nondolalimana si'i ofa bu'unai alogw bu'wami ma'ami.

Filipai 2:17

Ipe' pembale'efa God panda' opeh ananimi, amama si'i anom amamaga ipe' pindalali pase'anami. I'i nambimb esis sehe ega' sokolo'wa esimbel ae'ami si'i enis sondolali sakolo' ifat su'utip sanda' ofa sondalalima God, ea' hapaimi, ae' endanifel. Nambim ae' endanifel eloma ipe'.

Filipai 4:18

Otamba gwa'aimi amamaga maim ipe' pasi'iami hiami mikila' ae' okom na'iami. Amamaga ipe' panda'am paso' Epafroditus nofa'ami efa'am ea'. Amama si'i ofa pindalalima God pese'anami alogw ma'ami. Ea' ipe' pase'anam God, nofa'am opaf ananinai ambo'ona.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.

1 Tesalonaika 2:9

Endilisi ipe' alupipei pegawa amama, afa' wanda' maol mehipa wawalapa basef bu'wami Godi ma ipe'. Ea' wanda' maol wapoti' umafi alop afa'inai ma gwa'aimi maim. Wanda' maol owamb alipa ina opoma ipe' etipa ma ofa' gwa'aimi maima ipe', owa'.

1 Tesalonaika 5:23

God anan ofagonama ukup awanem. Ae' a'i anan atona nonda'epa pepe bo'wepa andeande' ananipei etipa. A'i anan numafi ambagof moloma alop ukup ipe'imi andeande'ma waf aonai a'epa, pepe andeande' ma nemaf anama Dembinai ape'inai Jisas Krais niefi'ianai.

1 Timoti 1:11

Basef amama mape basef bu'wami God nase'eam ae' ma ewalapam. Basef amama bu'wami ma'ipafa God bu'unai endilisi ofagonama danifel naloma mafifili.

1 Timoti 2:7

Ea' dei' God nanda'e ape aposela ewalapa basef bu'wami Ananimi. Ae' a'i endilisi, ina ambaso'am. Anan nanda'e ape dembiwei tisa ma enis epes hiesi sololama Godi ma sombale'efa basef amama endilisimi.

2 Timoti 1:11

Anan nali' nandandepe anda' maol anama awalapa basef bu'wami Godi ma epes hiesi. Ae' aposel God nasapa'e awalapa basef Ananimi, ae' tisa dembiwei anda' maol Jisasi.

Hibrui 13:16

Ipe' ina ukup mose'epama penda' waf bu'unai esis amam nematawa, owa'. Ea' amamaga ma'oma ipe' pewalogam pese'ama tu'wanim epes isima amamaga a'asi. Dei' main, God okom na'iam endilisi waf anama si'i amamaga bu'wami ipe' paso'anama pindolalimanami.

1 Pita 1:12

Ea' God nihi'ambamam ea' amam ina manda' maol magiambama amam atoma basef amama, owa'. Manda' maol magiambama ipe', ma'i basef amama ma amamaga bu'wami anona nemaf meatagai. Ea' dei' amam mawalipipa basef bu'wami Godi ma'ipipa amamaga amama atom. Ma'ipipa ma pepel Ambal Bu'unai Ananinai nisila'i otaga ilif. Amam profet amama, ina amam atom ukup ma'i basef amama mogawam, owa'. Amam ensel wapoti' ma'i mogawam.

1 Pita 2:5

Ipe' wapoti' si'i owah ambal namunai napaimi. God nape nanda'epa la'ela'efa pataga bo'wepa si'i anona ipat bu'unai ananinai dei' nape nanda'anai. Ama ipe' pepe epes bu'upei penda' maol pindalalima God. Ea' pindalali pese'ana ukup ambagof ipe'imi mofe'ma Anan. Ipe' pindalali penda'am na'ama, okom Godi na'i amama andeande'ma maol anama Jisas Kraisi nanda'anai.