Basef Amama Pol Nandaꞌam Mafeꞌma Esis Romi 15:15 - Basef Buꞌwami Godi

¹⁵ Ea' anom basef ali' a'ipipa amama la'ifimi atom. Ea' ae' ina umbamahe ma a'ipipa basef amama, owa'. A'i efela ukup ipe'imi. Dei' main, God nase'e okoma ae' nagiambame na'a.

Basef Amama Pol Nandaꞌam Mafeꞌma Esis Romi 15:15 Iomraidhean Croise

Basef Amama Pol Nandaꞌam Mafeꞌma Esis Romi 1:5

Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi.

Basef Amama Pol Nandaꞌam Mafeꞌma Esis Romi 12:3

God nagiambamas na'a, amama atom dei' a'ipipa atona etin. Ipe' pegawa waf naloma gawa ipe'inai nape na'imama, ipe' ina ukup mi'i ipe' etipa bu'upei endilisi, owa'. Ipe' ata' pewaloga ipe' andeande' pendahama bale'ef ipe'inai God nasi'ipanai.

Basef Amama Pol Nandaꞌam Mafeꞌma Esis Romi 12:6

God nandahomapa etin nase'apa presen amamaga bu'wami ananimi maloma gawa naninani. I'i God nefela okom enin epeni ma newalapa anom basef, enin newalapam mondahama bale'ef ananinai.

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

1 Korin 3:10

God nandahome. Ea' Anan nanda' ae' ataga ape si'i epen gawainai nanda' ifagwi. Ea' awa olaf nape nali'i ea' enis sala' ipat natomana. Ea' epes hiesi atona etin sundumafuma andeande' sola' ipat notoma olaf anama.

Galesia 2:9

Esis Kristen sa'i agufumi asasimi Jems naloma Jon naloma Pita. Amam mogawa God nagiambame na'a nase'e maol anama. Ea' manda'afa alupufai onda' maol atotona Godi. Ea' amam wanom ma'i aho' maso'afa lagof aloma Barnabas mihi'amba esis afa' waloma amam wape opalef etifim wanda' maol Godi atona. Ea' amam wanom ma'i aho'ma ondawalagatanima ma afa' biafa ofe' ma esis owa' Judaisi, ea' amam mafe'ma esis Juda.

1 Timoti 4:6

I'i ine' ni'ipasa basef amama esis Kristen alupusi, nambimb nepe epen bu'unai nonda' maol Krais Jisasi. Ea' nefa' pepel lu'unai ma basef mefela bale'ef ine'inai ma gawa bu'unai.

2 Timoti 1:6

Fowa' ae' awamona lagofa balaga ine'inai ma God nase'ena presen bu'unai ananinai. Ea' dei' a'i efela okom ine'inai ma okom nopoma presen anama napoma ine' nimafiana notaga la'ifina si'i sufapula nif fandom lu'um.

2 Timoti 2:14

La'ela'ef ine' nefela ukup asasimi ma basef amama. Ni'ipasa ma naep Godi amama. Ipe' ina pi'i basef pepa'am pelomasa basef mamumami, owa'. Waf anama ina nigiambamas, owa'. Waf anama nambimb mohambombaga isima some'ami.

Taitus 3:1

Ine' la'ela'ef la'ifinama nefela esis amam nematawa ma sope owina amam gavman dembemi, amam la'ifimi mumafi esis ma sila basef amamumi. Ea' esis sondandombama sonda' opeh hiami bu'wami.

Hibrui 13:22

Ipe' alupipei, ae' a'ipipa basef la'ifimi, peme' basef anda'ami ma efela ukup ipe'imi enda'epa petaga la'ifipa. Dei' main, basef amama ae' anda'ama ipe', amama basef bandami atom.

1 Pita 5:12

Ae' a'ipa owalome Sailas nanda'ago basef amama ae'ami bandami mafe'mago ipe'. Ae' ati anan nanda' maol Kraisi andeande'. Ea' a'ipipago basef amama endilisimi God nigiambamapa na'a. Dei' pitu la'ela'ef ma amama. Anda' basef amama a'i efela ukup ipe'imi enda'epa petaga la'ifipa.

2 Pita 3:15

Dembinai ata' nape nohafa ape' epes hiapai hi'alapa. Ea' dei' ipe' ukup mopoma basef amama anan nefa'apa motanimani. Amama si'i basef amama hiami sahalomapa Pol ape' ukup maimailanai nanda'am mafe'ma ipe'. Anan nanda' basef amama ma gawa bu'unai endilisi God naso'ananai.

1 Jon 5:13

Ae' anda' basef mafe'mago ipe' pembale'efa agel Nogalomana Godi. Anda'ama ipe' pegawa dei' pefa' ambal namunai pape andeande' la'ela'ef hihif.