Basef Amama Pol Nandaꞌam Mafeꞌma Esis Romi 15:13 - Basef Buꞌwami Godi

¹³ Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 15:13 Iomraidhean Croise

Jon Nandaꞌafi 14:1

Ea' Jisas na'ipafa na'i, “Opalef ipe'imi ina mohafel nimanim, owa'. Ipe' pembale'efa God, pembale'efa ae' wapoti'.

Jon Nandaꞌafi 14:27

Ae' a'i ikwahipa. Ea' ae' ina enda'epa umbamahepa ukup awiaom pepan si'i amam nematawa saila waf etapanai sanda'am, owa'. Dei' anda'epa pepe ukup awanem endilisi. Ukup ipe'imi ina mohafel aom, owa'. Ina umbamahepa, owa'.

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 15:19

Ambal Bu'unai Godi nase'e pepel ananinai nanda'e la'ifiwi ma anda' ikwaf la'ifinai naninani. Epes hiesi sati maol anama ea' same' basef Godi sailam. Damba damba anda'am Jerusalem awalapa basef bu'wami ma Krais afe' laogoma hi'alagon etambili etap hiagoma Ilirikum.

Basef Amama Pol Nandaꞌam Mafeꞌma Esis Romi 15:5

Ape' mofa' pepel ma God atona nanda'apa mataga la'ifipa mombale'efana. Ae' a'i anan nigiambamepa pila waf Krais Jisasi endilisi pefa' ukup etifim.

1 Korin 2:4

Ea' basef a'iama basef bu'wami Kraisi, amama ina a'iama gawa ae'anai aloma epesa efa'ipei, owa'. Ae' ihi'ambepa pepel Ambal Bu'unai Godi atona.

2 Korin 9:8

God Anan wilama nese'epa amamaga bu'wami hiami ipe' ma nambimb ipe' si'ipamam endilisi. Anan nanda'am na'ama ma nimeguf hiemi ipe' penda'am peso' enis epes ina hi'ilam, owa'. Mo'oh la'ela'ef. Ea' ipe' amamaga hiamipei penda' opeh bu'wami hiami mamumami ma pigiambama enis epes wapoti'.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

Efesus 1:2

Ae' a'i God ahalomapa ape'inai noloma Dembinai ape'inai Jisas Krais migiambamepa na'a monda'epa petaga la'ifipa pepe opalef awanem.

1 Tesalonaika 1:5

Basef amama bu'wami Godi fowa' ofa'ami, amama ina mataga na'a ma ipe' si'i anom basef wafimi, owa'. Ambal Bu'unai Godi nanda' basef amama mataga la'ifim ma pepel Ananinai ea' wafi'i wa'ipipam. Ea' manda' ukup ipe'imi la'ifim pembale'efana. Waf fowa' wape walomepa wanda'anai, ipe' pegawana.

1 Timoti 1:1

Ae' Pol anda' basef amama. God nofa' ape' motanimani mope andeande' ea' mape mohafa anona nemaf miti Krais Jisas mope molomana. Amam biam mandandepe ma'ipi basef la'ifimi ma ape aposel Krais Jisasi.

Hibrui 6:11

Ae' okom na'i ipe' hipei atona etin ukup ma'i penda' waf bu'unai pigiambama epes Godi pefe' pefe' petagama nemaf anama Krais niefi'ianai. Penda'am na'ama ma pegawa endilisi anona nemaf Anan nefa'epa pitanimani.

1 Pita 1:8

Ipe' ina dei' pati Jisas, ea' pembale'efana endilisi. Danifel anama bu'unai endilisi nafi'i ilifi nikila' danifel hianai etap anae'. Ea' epes ina la'ifisa sowalapana sa'iana malogof asasimi, owa'.