Basef Amama Pol Nandaꞌam Mafeꞌma Esis Romi 14:9 - Basef Buꞌwami Godi

⁹ Ea' amama atom Krais naga' notanima ambal napaina nohafel wapoti' ma nape Dembinai ma epes isima saga'i saloma isima ata' sape namusi.

Basef Amama Pol Nandaꞌam Mafeꞌma Esis Romi 14:9 Iomraidhean Croise

Matyu Nandaꞌafi 28:18

Ea' Jisas nafi'i felefele'ma amam na'ipam na'i, “God nase'eana agel lu'unai ma pepel ilifanai etapanai ea'.

Luk Nandaꞌafi 24:26

Krais anan ata' nili' nofa' nimanimi ea' nigi' nofa' pepel howalagon ananinai nigi'.”

Jon Nandaꞌafi 12:24

Ae' a'ipipa basef endilisimi, i'i olelemb witimi owa' mowa etap nomon, olelemb amama mo'oh etifim. Ea' i'i mowa mowala etap nomon, wila amama motaga molo mil hiami.

Aposel 10:36

Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

Aposel 10:42

Anan na'ipafa basef la'ifimi ma wi'ipa esis amam nematawa owalapa basef alihim na'ama. God nandandepa aman anama ma nope aman nonda'masa basefa epes isima sape namisi soloma isima saga' ea'i.

Basef Amama Pol Nandaꞌam Mafeꞌma Esis Romi 10:9

I'i ipe' pewalapa basef amama alihim pi'i Jisas anan Dembinai ma pembale'efa God opalef ipe'imi pi'i God nafelona nohafel hi'agif wapoti', anona nemaf God nofa'ai ipe' wapoti' pitanimani.

2 Korin 5:14

Okom Kraisi nainailapai nafelafa ma maol amama. Dei' main, afa' ukup ma'i mogawa endilisi na'ama. I'i aman atotona noho'ofa ape' hiapai ma naga', amama si'i ape' hiapai maga' ea'.

1 Tesalonaika 4:14

Ape' mombale'efa Jisas, anan naga' sawana ea' notanima nohafel. Amama atom dei' mogawa mombale'efa Goda anona nemaf nofa'ai esis Kristen isima sombale'efana endilisi ma saga'i sohafel wapoti' sifi'i sulumai Jisas.

1 Tesalonaika 5:10

Fowa' anan naga' ma nagiambamapa. I'i nemaf anama anan notanimani mope ambagof mopaepa o moga', mofe' mope namepa molomana.

2 Timoti 4:1

Anona nemaf Jisas Krais nowaloga epes hiesi dei' ata' sape namisi, soloma isima saga'i wapoti'. Naep Godi maloma Krais Jisasi dei' a'ipina basef la'ifimi a'i Krais Jisas anona nemaf notaga nondawalap alihina naep epes hiesi ea' nope Dembinai wambel Ananinai. Amama atom dei' a'ipina mehip,

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Pita 4:5

Anan nandandombam nowaloga epes isima sapani soloma saga'i. Esis anona nemaf sowalapa waf aonai esis sanda'anai sogwamana basef Anan ama waf anama ofagena esis sanda'anai.

Revelesen 1:18

Fowa' aga', ea' dei' ape namowe la'ela'ef hihif. Ae' ape Dembiwei ali' ape agi' ma amamaga hiami maloma epes. Ea' ahapila ki ma wambel saga'i sapoma.

Revelesen 2:8

Ine' da'a anom basef mofe'ma ensel numafi sios esis amam nematawa Godi sape Smernai. Ae' ape Dembiwei la'ela'ef hihif ape ali', ape agi' endilisi. Fowa' aga', dei' ehafel wapoti' ape namowe ambal napaiwe. Dei' anda'mepago basef amama ipe' a'i,