Basef Amama Pol Nandaꞌam Mafeꞌma Esis Romi 14:8 - Basef Buꞌwami Godi

⁸ I'i ape' mope, monda' maola mofela agel Dembinai. I'i moga', moga'ma mofela agel Dembinai. Ea' i'i ape' mope namepa o moga', ape' wambota Dembinai atepa.

Basef Amama Pol Nandaꞌam Mafeꞌma Esis Romi 14:8 Iomraidhean Croise

Luk Nandaꞌafi 20:38

Basef amama ma'i God ina Dembinai ma epes isima saga'i, owa'. Anan Dembinai ma epes isima sape namusi. Dei' main, epes hiesi sape namisa naep Godi hi'alas.”

Jon Nandaꞌafi 21:19

Jisas na'ipana na'ama ma nihi'ambam eaf anama ma soha Pita noga' ma epes hiesi sefela agel Godi lu'una. Ea' dei' Jisas na'ipana na'i, “Nila ae'.”

Aposel 13:36

Ape' mogawa Devit nahapila maol naila okom Godi la'afena esis amam nematawa sape saloma anani. Anom nimeguf mafe'ma ea', anan naga' nafe' naloma amam bafapana ananimi ea' folo'walana.

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Aposel 21:13

Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”

1 Korin 15:23

Ape' epes hiapai atona etin mope mohafa nogota ape'inai. Aman nali'i, Anan Krais. Anan si'i gwa'aimi mali' maufi. Ea' nemaf anama notanima niefi'ianai, ape' hiapai ananipai mohafel wapoti'.

Filipai 1:20

Ae' okom na'i egawa endilisi nambimb ae' ina ambal aona ma ekwaha basef Godi, owa'. Dei' wapoti' ae' okom la'ifina ewalipasa basef Ananimi si'i fowa' anda'am. I'i epe namowe o ega', ae' okom na'i amamaga anda'am alop ae'anai nambimb mefela agel Kraisi lu'una.

Filipai 2:17

Ipe' pembale'efa God panda' opeh ananimi, amama si'i anom amamaga ipe' pindalali pase'anami. I'i nambimb esis sehe ega' sokolo'wa esimbel ae'ami si'i enis sondolali sakolo' ifat su'utip sanda' ofa sondalalima God, ea' hapaimi, ae' endanifel. Nambim ae' endanifel eloma ipe'.

Filipai 2:30

Dei' main, anan ina okom napoma nope namona, owa'. Anan okom nohafela opeh Kraisi ea' felefele' ma noga' ma nagiambame. Anan okom napome. Dei' main, ipe' papani laogon anan naho'ofepa nanda' amama.

1 Tesalonaika 5:10

Fowa' anan naga' ma nagiambamapa. I'i nemaf anama anan notanimani mope ambagof mopaepa o moga', mofe' mope namepa molomana.

Revelesen 14:13

Ea' ame' anona malogel na'i nafi'i heven na'i, “Ine' da'a anom basef na'ama. Esis amam nematawa sombale'efa Dembinai saga'i, dei' nimeguf hiami anona nemaf owagama wapoti' sondanifel!” Ambal Bu'unai Godi wapoti' na'i, “Esis anona nemaf sokwaha opeh lu'wami amama esis sanda'ami sopoma noma'w. Esis ina sope etin, owa'. God nambimb niti waf bu'unai esis sanda'anai ea' nogwamasa anom amamaga bu'wami esis. Waf bu'unai esis sanda'anai anona nemaf nondawalap alihina.”