Basef Amama Pol Nandaꞌam Mafeꞌma Esis Romi 14:2 - Basef Buꞌwami Godi

² Enis epes sembale'afana la'ifis, sa' gwa'aimi mamumami hiami. Ea' bale'ef enis epesi ina la'ifina na'ama ina sa' mafis maim, owa'.

Basef Amama Pol Nandaꞌam Mafeꞌma Esis Romi 14:2 Iomraidhean Croise

Basef Amama Pol Nandaꞌam Mafeꞌma Esis Romi 14:1

Emi egafis sembale'efana, bale'ef asasinai owa' la'ifina, isima ipe' pese'as opalef ipe'imi pefa'as pifi'i piwisi amam nematawa Kristen. Ea' ina pi'i pifitap pelomasa basef mamumami, owa'.

Basef Amama Pol Nandaꞌam Mafeꞌma Esis Romi 14:14

Dembinai Jisas nawalipi egawa amama. Ina anom amamaga gwa'aimi mafis maim aom, owa'. Okom epeni atona na'i anom amamaga aom ea' nendaiwa'ma nogwa'am, amama motaga aoma anan.

Basef Amama Pol Nandaꞌam Mafeꞌma Esis Romi 14:20

Ina ukup mopoma gwa'aimi atom ea' pehambombaga maol Godi, owa'. Endilisi, amamaga hiami gwa'aimi bu'wami. Ea' i'i ipe' pea' anom gwa'aimi monda' enin epen newa nenda' waf aonai, ipe' wapoti' panda' waf aonai.

Basef Amama Pol Nandaꞌam Mafeꞌma Esis Romi 15:1

Ape' epes mombale'efana la'ifipa, maol ape'inai anama ma migiambama epes isima bale'ef owa' la'ifinai. Esis ina la'ifisa sofa' nimanimi asasimi, isima ape' migiambamas mofa' nimanimi asasimi molomas. Ape' ina mila ukup ape'imi atom, owa'.

1 Korin 10:25

Mafis hiami satalom stowa, amama ipe' penda'am. Ina ukup mope hiahiam pindahahali'mam, owa'.

1 Korin 8:9

Ea' ipe' pindumafuma andeande'. Na'ama amamaga amama ipe' pape andeande' panda'ami monda' epes isima owa' la'ifisi sowa ma waf aonai.

1 Korin 9:22

Ama naep epes isima ina la'ifisi, ataga si'i esis ama efa'ai epes ina la'ifisi. Ae' ataga si'i efa' waf epes hiesi endondomba iaguf hiami ma efa' enis epes sotanimani.

Galesia 2:12

Nali' nafi'i nape naloma esis Kristen owa' Judaisi na' gwa'aimi nalomas. Anom nimeguf mafe'ma ea', nati amam amama Juda Jems nasapa'am mafi'i, Pita umbamahana ma amam Juda la'ifima maila waf anama matopa' alopanai. Ea' nandamboma natanima nakwaha esis Kristen owa' Judaisi, ina ata' na' gwa'aimi nalomas wapoti', owa'.

1 Timoti 4:4

Amamaga hiami God nanda'ami, bu'wami atom. Ape' minifelona, mofa'am, mogwa'am. Ina mokwahom, owa'.

Taitus 1:15

Ukup epes isima opalef bo'oma waf bu'unai, amamaga hiami bo'om andeande' ma esis. Ea' ukup epes isima aom ea' esis owa' sombale'efa Kraisi, opalef asasimi ina bo'om, owa'. Ukup asasimi maloma basef mape opalef asasimi nomoni aom endilisi.

Hibrui 13:9

Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.

Hibrui 9:10

Waf anama sondolalimana ofagema amama. Waf sa' gwa'aimi embel naloma waf sasa'of ma sotofa alogw awami sotaga bo'wesa naep Godi. Amamaga amama alop ando' atona, God nase'as mi'uli anama ma silam la'ela'ef sefe' sotagama nogota anama noho'ofa amamaga dambaimi.