Basef Amama Pol Nandaꞌam Mafeꞌma Esis Romi 14:13 - Basef Buꞌwami Godi

¹³ Ea' ipe' ina pewaloga sahin owan ipe'isi ma waf esis sanda'anai wapoti', hapaimi. Ape' ukup mi'i na'ama mi'i ape' ina monda' anona wafa monda' owalomapa ape'inai nowa nonda' waf aonai, owa'.

Basef Amama Pol Nandaꞌam Mafeꞌma Esis Romi 14:13 Iomraidhean Croise

Matyu Nandaꞌafi 16:23

Ea' Jisas nandamboma na'ipa Pita na'i, “Ine' si'i Satan. Dei' main, ine' owa' okom ni'i okom Godi, owa'. Okom na'i nomonas epes sape etapi etis. Ine' nehopa eaf ae'anai, Si'amae nefe' alafuga ae'anai.”

Matyu Nandaꞌafi 18:7

Ipe' epes etapipei, ae' ati ipe' uwahipipa ma amamaga amama meagwambipei monda'epa penda' waf aonai. Endilisi amamaga amama anona nemaf meatagai, ea' emi egafis sonda'am meatagai, ae' ati esis uwahipis endilisi. Dei' main, anona nemaf sefa' nimanimi.

Matyu Nandaꞌafi 7:1

Ipe' ina pewaloga enis epes si'i anona jas dembinai nawaloga basef kot lu'unai, owa'. Ama anona nemaf God ina nowalogepa, owa'.

Luk Nandaꞌafi 12:57

“Dei' maina ipe' owa' powaloga waf bu'unai?

Luk Nandaꞌafi 17:2

I'i enis epes sofa' epes isima sepa' owap lu'unai nil bagafowa asasimi, sofa'as sefe' sokwahis sowala naoh mami lu'wami ma afis, esis ata' sepe awes. I'i epes isima senda' enin so'uso'win nekwaha nembale'efa Ae', epes isima anona nemaf sepe awes endilisi sikila' sewala naoh afis.

Basef Amama Pol Nandaꞌam Mafeꞌma Esis Romi 11:9

Devit wapoti' na'i basef amama atoma waf opalef esis Israeli maso'as ea' na'i, “Ae' a'i nemaf anama esis sope sea' gwa'aimi lu'wami atom, God nowa'as nogwamasa waf aonai esis sanda'anai si'i mandelef sambe'am mail alialefa mowa' mafis, ea' si'i isalef waiwa sanda'am mapoma mafis.

Basef Amama Pol Nandaꞌam Mafeꞌma Esis Romi 14:10

Dei' maina ipe' pawaloga sahin owan ipe'isi ma waf asasinai ea' pa'ipas basef nimanimi? Na'amai owa'. Ipe' pegawa anona nemaf ape' hiapai hi'ilapa mitu gani God nope nowaloga epes hiesi ea' nowaloga ape'.

Basef Amama Pol Nandaꞌam Mafeꞌma Esis Romi 14:3

Ea' epes isima sa' gwa'aimi mamumami, ina ukup aom mopoma epes isima owa' sea' mafisi, owa'. Ea' epes isima owa' sea' mafisi ina ukup aom mopoma epes isima sa' gwa'aimi mamumami sanda' waf aonai, owa'.

Basef Amama Pol Nandaꞌam Mafeꞌma Esis Romi 14:4

Ipe' ina pewaloga enin epen nanda' maola enin epen, owa'. I'i enin nitu la'ifina maol ananinai o newa, amama maol anan Dembinai numafi epen inima. Enin anona nemaf nitu la'ifin. Dei' main, Dembinai ananinai atona nonda'an nitu la'ifin.

Basef Amama Pol Nandaꞌam Mafeꞌma Esis Romi 16:17

Alupipei, ae' a'ipipa basef la'ifimi pindumafuma andeande' pepoma enis epes sanda' waf aonai sanda' ipe' Kristen pendawal biefipa sosambala basef amama ipe' pefa'ami. Waf anama esis sanda' epes hiesi sanda' waf aonai. Ipe' pese'as alafugah epes isima.

1 Korin 10:32

Ipe' ukup mopoma epes hiesi, esis Juda soloma esis owa' Judaisi, soloma amam nematawa isima Godi. Ea' ipe' ina penda' anona waf nonda' esis sowa ma waf aonai, owa'.

1 Korin 11:13

Dei' ipe' etipa ata' pewaloga basef amama. I'i nematawa ina ose'ala balagah awaumi onda' betena God, amama andeande' o owa'?

2 Korin 5:14

Okom Kraisi nainailapai nafelafa ma maol amama. Dei' main, afa' ukup ma'i mogawa endilisi na'ama. I'i aman atotona noho'ofa ape' hiapai ma naga', amama si'i ape' hiapai maga' ea'.

2 Korin 6:3

Afa' wandaiwa'ma epes si'ipafa basef awami ma maol Godi afa' wanda'anai. Amama atom dei' wandaiwa'ma onda' anom amamaga ma waf aonai monda' enis sondasisi'ip sowa, owa'.

Filipai 1:10

Anda' betena nambimb pewaloga waf hianai andeande' pegawa maina waf bu'unai o aonai. Ama nemaf Krais niefi'ianai pepe bo'wepa ofagema a'epa ma naep Godi.

1 Timoti 5:14

Amama atom dei' a'i nematawa awama alifiwai ata' awiawai nambimb oso' amam wapoti' ma ola awasi umafias ope ifagw awaumi atom. Ae' a'i awau ina onda' anom amamaga awami motagama esis naumbih ma si'i anom basef awami ma ape', owa'.

Jems 2:4

I'i ipe' penda'am na'ama, atuwasi ofagema awami ipe'imi. Ipe' pawaloga sahin owan ipe'isi ma ukup ipe'imi, ea' ipe' ina pawalogas paila waf bu'unai na'ama etin, owa'. Ipe' pawalogasa ukup awami atom.

Jems 4:11

Ipe' ina piti waf sahin owan ipe'isi sanda'anai pi'i aona, owa'. Epen ni'i basef awamima enin alupini o newaloga sahin owan ananisi, epen inima enin na'i basef awami nawaloga mi'uli Godi. I'i ipe' pi'i basef awami pewaloga mi'uli anama, ina ata' paila mi'uli anama, owa'. Ea' pape si'i dembipei jas pawaloga mi'uli anama.

1 Jon 2:10

Emi egafis ukup maimaila esis sahin owani, esis sape nafifili. Ea' epes isima ina ata' anona waf aonai napais nanda'as sowa, owa'.

Revelesen 2:14

Ea' Ae' a'i i'ipipa anom basefa waf aonai ipe' panda'anai dei' ata' napomepa. Enis amam nematawa sape salomepa Pergamum, esis ata' saila waf anama si'i anona aman Balam fowa' nanda'anai la'ifis. Waf aman anama na'ama. Fowa' gani anan nihi'amba anona aman Balak nambaso'mana nanda' esis amam nematawa Israelisi sowa sanda' waf aonai. Ea' Balak nafela ukup esis Israeli ma sagwa' mafis maloma gwa'aimi amama saso' god baso'omunai sanda' waf aonai so'a waolanai.