Basef Amama Pol Nandaꞌam Mafeꞌma Esis Romi 14:10 - Basef Buꞌwami Godi

¹⁰ Dei' maina ipe' pawaloga sahin owan ipe'isi ma waf asasinai ea' pa'ipas basef nimanimi? Na'amai owa'. Ipe' pegawa anona nemaf ape' hiapai hi'ilapa mitu gani God nope nowaloga epes hiesi ea' nowaloga ape'.

Basef Amama Pol Nandaꞌam Mafeꞌma Esis Romi 14:10 Iomraidhean Croise

Matyu Nandaꞌafi 7:1

Ipe' ina pewaloga enis epes si'i anona jas dembinai nawaloga basef kot lu'unai, owa'. Ama anona nemaf God ina nowalogepa, owa'.

Luk Nandaꞌafi 18:9

Enis epes ukup mapoma esis etis sa'i esis epes bu'wasi sanda' waf bu'unai, ea' sa'i enis sanda' waf aonai. Epes isima Jisas nase'asa basef womun etin na'i,

Luk Nandaꞌafi 23:11

Ea' Herot nao'wa amam soldia ananimi manda' Jisas findiwana ma basef awami. Ea' mofa'ai anona lowaf bu'unai mowahe'amonana masapa'ana notanima nafe'ma Pailat.

Jon Nandaꞌafi 5:22

Endilisi, Ahalome God ina nawaloga enin epen si'i sanda'masa koti sanda'am, owa'. Maol hianai ma neawaloga epes anan nase'eam ae' Nogalomana ananiwei.

Aposel 10:42

Anan na'ipafa basef la'ifimi ma wi'ipa esis amam nematawa owalapa basef alihim na'ama. God nandandepa aman anama ma nope aman nonda'masa basefa epes isima sape namisi soloma isima saga' ea'i.

Aposel 17:31

Anan nandandepa anona nemaf ea' ma nonda' basefa kot, nowaloga waf amam nematawa hiesi sanda'anai. Basefa kot ananinai mofe' bo'om andeande'. Anan nandandepa anona aman ea' ma nohapila kot anama. Aman anama naga' ea' God nafelona wapoti' hi'agif. Amama atom dei' epes hiesi sape etap hiagomai sogawa basef amama endilisimi atoma anan anona nemaf nonda'mas kot anama.”

Aposel 4:11

Basef amama mail Buk Baibeli ma aman anama ma'i, ‘Owap anama ipe' pala' ifagwi pandaiwa'mana pelefatana na'oh, dei' nandamboma nataga nape nali' nanda' ipat anama la'ifina.’

Basef Amama Pol Nandaꞌam Mafeꞌma Esis Romi 2:16

Amama anona nemaf motaga na'ama etina nemaf anama God nowaloga waf hianai epes hiesi sanda'anai. Nemaf anama Anan ni'i wila ma Jisas Krais nope dembinai nogwaloga waf hianai asasinai nandambahi'i noloma basef sa'iam sambahe'ami. Basef bu'wami Godi ae' awalapami amama atom.

1 Korin 4:5

Ea' dei' nogota dende'anai ata' owa'. Ipe' owa' pewaloga waf enin epen nanda'anai, owa'. Ipe' ata' pepe pehafa nemaf anama Dembinai niefi'ianai. Nemaf anama anan nowalapai amamaga hiami mandamabaho' mape akoti motaga mondawalap howalagoma. Nemaf anama Anan nowalapa ukup epes hiesi mape mandambahi'i motaga mondawalap alihim. Ea' God ni'ipapa basef ananimi ape' hiapai atona etin mondahama maol ape' manda'anai, bo'ona o aona.

2 Korin 5:10

Ape' mogawa endilisi anona nemaf ape' hiapai motaga ma kot anama Kraisi. I'i ape' monda' waf bu'unai o waf aonai nogota anama ata' mape alop ape'inai. Owagama ape' hiapai atona etin mofa' amamaga amama bu'wami o awami mogwama waf anama ape' manda'anai.