Basef Amama Pol Nandaꞌam Mafeꞌma Esis Romi 14:1 - Basef Buꞌwami Godi

¹ Emi egafis sembale'efana, bale'ef asasinai owa' la'ifina, isima ipe' pese'as opalef ipe'imi pefa'as pifi'i piwisi amam nematawa Kristen. Ea' ina pi'i pifitap pelomasa basef mamumami, owa'.

Basef Amama Pol Nandaꞌam Mafeꞌma Esis Romi 14:1 Iomraidhean Croise

Matyu Nandaꞌafi 12:20

Anona elifita sa'unai nondola'i anama anan ina nowalona, owa'etin. Ea' anona lam fandona sa'osa'ombel, anama anan ina nehefana noga', owa'. Anan nope nonda' maol la'ela'ef nefe' nefe' neatagama nemaf anama nonda' waf bu'unai nikila' endilisi waf aonai ma neawala.

Matyu Nandaꞌafi 14:31

Ea' mehip etin Jisas nowasa' lagel nahapilana na'ipana na'i, “Ine' owa' nembale'ef la'ifina ni'i ae' la'ifiwei, owa'. Dei' maina ine' nomonas mape biefim?”

Matyu Nandaꞌafi 18:10

Ipe' pindumafuma! Na'ama pi'i enin epen atitin sa'wini pi'i inima enin falafini, owa'. Dei' main, amam ensel asasimi mape heveni mumafi awasi isima andeande'. Ensel amama la'ela'ef mape felefele'ma Ahalome God nape heveni. [

Luk Nandaꞌafi 17:2

I'i enis epes sofa' epes isima sepa' owap lu'unai nil bagafowa asasimi, sofa'as sefe' sokwahis sowala naoh mami lu'wami ma afis, esis ata' sepe awes. I'i epes isima senda' enin so'uso'win nekwaha nembale'efa Ae', epes isima anona nemaf sepe awes endilisi sikila' sewala naoh afis.

Jon Nandaꞌafi 13:20

Ae' a'ipipa basef endilisimi, emi egafis soso' opalefa enin epen ae' asapa'an nafi'i, esis soso' opalefa ae'. Ea' emi egafis soso' opalefa ae'i, esis soso' opalefa Ahalome ae'anai wapoti' nasapa'e afi'i.”

Aposel 28:2

Epes sape wambel anamai sanda'mafa waf bu'unai endilisi. Asaf nalai ea' nomanamb mafa. Ea' sakata nif sa'ipa afa' hiafai wafe' wapoma nif.

Basef Amama Pol Nandaꞌam Mafeꞌma Esis Romi 11:15

Anan nowa' alafuga ma esis, amama atom dei' nofa'ai enis epes etap hiagoma sataga okom atotona salomana. Ama anona nemaf God nose'as opafa esis Juda sotanimani sifi'mai anan, sondanifel endilisi. Nagiambama epes hiesi etap hiagoma sotanima sope andeande' sondanifel si'i sondanifel ma enis epes saga' sotanima sohafel wapoti'.

Basef Amama Pol Nandaꞌam Mafeꞌma Esis Romi 14:2

Enis epes sembale'afana la'ifis, sa' gwa'aimi mamumami hiami. Ea' bale'ef enis epesi ina la'ifina na'ama ina sa' mafis maim, owa'.

Basef Amama Pol Nandaꞌam Mafeꞌma Esis Romi 14:21

Ina andeande'ma pea' mafis moloma embel wain gwa'aimi maim, o penda' maim amamaga monda' owalomepa nowa ma waf aonai, owa'.

Basef Amama Pol Nandaꞌam Mafeꞌma Esis Romi 14:3

Ea' epes isima sa' gwa'aimi mamumami, ina ukup aom mopoma epes isima owa' sea' mafisi, owa'. Ea' epes isima owa' sea' mafisi ina ukup aom mopoma epes isima sa' gwa'aimi mamumami sanda' waf aonai, owa'.

Basef Amama Pol Nandaꞌam Mafeꞌma Esis Romi 15:1

Ape' epes mombale'efana la'ifipa, maol ape'inai anama ma migiambama epes isima bale'ef owa' la'ifinai. Esis ina la'ifisa sofa' nimanimi asasimi, isima ape' migiambamas mofa' nimanimi asasimi molomas. Ape' ina mila ukup ape'imi atom, owa'.

Basef Amama Pol Nandaꞌam Mafeꞌma Esis Romi 15:7

Ea' ipe' hipei ukup mimila esis sahin owan pese'asa opalef esis si'i Krais wapoti' nase'apa okom ape', ma epes hiesi sefela agel Godi lu'una.

Basef Amama Pol Nandaꞌam Mafeꞌma Esis Romi 4:19

Abraham hagona felefele'ma afagof 100-peleim, alop ananinai nowafa si'i naga'i. Ea' waulu'mana Sara hage'w wapoti' asa'w ina la'ifikwa kola awasi, owa'. Abraham okom napoma amama, ea' bale'ef ananinai ina nowala, owa'. Anan nembale'ef la'ifina ma basef God na'i endilisimi nalomana ma amamaga anona nemaf migi' meatagai. Bale'ef atona nanda'ana la'ifina ea' nafela agel Godi lu'una.

1 Korin 9:22

Ama naep epes isima ina la'ifisi, ataga si'i esis ama efa'ai epes ina la'ifisi. Ae' ataga si'i efa' waf epes hiesi endondomba iaguf hiami ma efa' enis epes sotanimani.

Filipai 2:29

Ea' ipe' pendanifel endilisi pefa'ana ma agel Dembinai. Pefela agof amam na'amaimi.

1 Tesalonaika 5:14

Ipe' Kristen alupipei afa'ipei, afa' wa'ipipago mehip wafela ukup ipe'imi ma pigiambamago isima ala'uta nasi la'ifipa pi'ipasa sokwahago waf ala'uta nasanai. Ea' enis ambagof mondolele'asi ma owa' si'i anom basefi, ipe' penda'as sotaga la'ifis sie'i basef. Ea' penda' esis enis owa' seambale'efana la'ifisi sotaga la'ifis. Penda' waf so'umbilinai ma esis hiesi.

Hibrui 5:14

Ea' gwa'aimi la'ifimi mapoma epes isima sataga dambes la'ifis. Epes isima sawalipa ukup maloma nomonas asasimi atom hihif dei' la'ifisa sowaloga waf bu'unai aonai.

2 Jon 1:10

Emi egafis sifi'mai ipe' ma ina sefa'ai basef amama Kraisi, ipe' ina pigiambama epes isima pi'ipas sofe' solomepa siwis ifagw ipe'imi, owa'. Ina pinifalis pi'ipas penda'mas, “Nemaf bu'unai” esis, hapaisi.