Basef Amama Pol Nandaꞌam Mafeꞌma Esis Romi 13:9 - Basef Buꞌwami Godi

⁹ Ape' mogawa mi'uli anama na'iam na'ama na'i, “Ine' owa' nehambombaga waf daso'amainai ea' owa' neha enis amam nematawa soga', owa' nokowalef, ea' ina kowalena ma amamaga enis epesi, owa'.” Mi'uli anama naloma mi'uli hianai napani wapoti', ofagena anama atona na'i na'ama na'i, “Ine' okom ninila enis epes na'ama etin si'i ipe' ukup mapoma ipe' etipa.”

Basef Amama Pol Nandaꞌam Mafeꞌma Esis Romi 13:9 Iomraidhean Croise

Mak Nandaꞌafi 10:19

Ine' negawa mi'uli God naso' Mosesanai na'i, ‘Ina nenda' waf aonai so'a waulanai neha enis soga' nenda' wal, owa', ine' owa' nembaso'ma enis epes ama nenda' kotimas etin, ea' ina nembaso'ma enis epes ma nefa' anom amamaga asasimi, owa'. Ine' nepe owina mamasena ine'isi neme' basef asasimi nilam ea' numafias andeande'.’ ”

Mak Nandaꞌafi 12:31

Ea' mi'uli nafe'ma bifi anama. ‘Ipe' ukup mimila enis epes sape felefele'ma ipe'i si'i ukup maimaila ipe' etipa.’ Owa' anona mi'uli nikila' mi'uli anama biefina, owa'. Mi'uli anama biefina ape' mombale'efanai ea' anama atona.”

Luk Nandaꞌafi 10:27

Ea' anan nagwamana basef na'i, “Ukup ipe'imi mohafela Dembinai God ipe'inai mimilana na'ama. Ukup ipe'imi mimilana hi'ilam, pese'ana ambagof opalef moloma pepel ipe'inai pese'anam hi'ilama Dembinai God atona. Ea' ukup mimila enis epes sape felefele'ma ipe'i si'i ukup maimaila ipe' etipa.”

Luk Nandaꞌafi 18:20

Ine' negawa mi'uli God naso' Mosesanai na'i, ‘Ina nenda' waf aonai so'a waulanai, ina neha enis epes soga' nenda' wal, owa', ina nembaso'ma enis epes, ine' neme' basef mamasinai nembale'am nilam ea' nimafias andeande'.’ ”

Galesia 5:13

Endilisi ipe' sahin owan, God nofalipei ma pepe wafifipa andeande'. Na'ama ipe' ukup mi'i, ape' mape andeande' wafifipa, dei' andeande'ma monda' waf alop atona. Ipe' ina ukup mi'i na'ama owa'. Ipe' ukup mimila sahin owan ipe'isi penda' maol etifigin pindagigiambanama.