Basef Amama Pol Nandaꞌam Mafeꞌma Esis Romi 13:8 - Basef Buꞌwami Godi

⁸ Ipe' ina pewaola anona wiafa moni main notaol ama enin epen, owa'. Ea' anona wiaf atotona notaol ma ape' la'ela'ef. Wiaf anma ukup ipe'imi mimila sahin owan hiesi. Dei' main, emi egafis ukup maimaila enis epes, esis saila mi'uli anama Godi endilisi.

Basef Amama Pol Nandaꞌam Mafeꞌma Esis Romi 13:8 Iomraidhean Croise

Matyu Nandaꞌafi 7:12

Maina waf ipe' pa'i esis sanda'mepana ipe'i, ipe' penda'masana na'ama etin. Basef amama ofagema ma mi'uli Godi na'ipa Mosesanai naloma basef God fowa' na'ipa amam profet manda'ami.

Jon Nandaꞌafi 13:34

Dei' ase'epa mi'uli ae'anai dambainai ma ipe' ukup ipe'imi mimila ipe' atona etin si'i okom ae'anai nainailipa. Ea' na'ama etin, ukup ipe'imi mimila ipe' atona etin.

Basef Amama Pol Nandaꞌam Mafeꞌma Esis Romi 13:10

Emi egafis ukup maimaila enis epes sase' opalefa esis isima ina sanda' waf aonai ma esis, owa'. Emi egafis ukup maimaila enis epes esis saila mi'uli anama endilisi.

Basef Amama Pol Nandaꞌam Mafeꞌma Esis Romi 13:7

Ipe' maol anama napomepa ma pese'am amamaga mamumami enis epes, pese'am. Amam mofa'asa takis, pese'ama takis. Amam mofa'asa moni maima motala waf mi'uli gavmani, pese'am. Dembemi hiami manda' maol bu'unai nandahama epes sefela agof amamumi, pefe' owina amam. Ipe' pendanifel ma pefela agofa anom amam, pefela agof amamumi.

Galesia 5:14

Dei' main, mi'uli God naso' Mosesanai hianai nape nomona basef amama atom ma'i, “Ipe' ukup mimila epes isima hiesi si'i ukup maila ipe' etipa.”

Kolosi 3:14

Ipe' penda' waf anama bu'unai hianai ali' a'ipipanai pilana. Ea' penda' anona waf bu'unai wapoti'. Ipe' ukup mi'i sahin owan ipe'isi ma waf anama nakolasepa nanda'epa pataga etifipa.

1 Timoti 1:5

Ea' mi'uli anama dei' a'ipinanai, i'i esis sombale'efana silana, basef mape opalef nomoni ma'iami ma'ipas mihi'ambasa waf esis sanda'anai ina aona, owa'. Esis sombale'efa God endilisi. Ama nambimb waf anama hianai nefela ukup asasimi mimila God noloma enis epes wapoti'.

Jems 2:8

Dembinai King ape'inai numafi ape' hiapai, anan nase'apa basefa mi'uli Ananinai mape Buk Baibeli. Basef amama ma'iam ma'i, “Ipe' ukup mimila emi egafis sape felefele'ma ipe'i si'i ipe' ukup maimaila ipe' atona etin.” I'i ipe' pila mi'uli anama, penda' waf bu'unai andeande'.

1 Jon 3:10

I'i ape' mi'i mogawa epen emi egalin, nogalomana Satani o nogalomana Godi, ape' mogowas na'ama. Emi egalin owa' nanda' waf bu'unai ma owa' okom ninila alupusi ananisi, enin ina epen Godi, owa'.