Basef Amama Pol Nandaꞌam Mafeꞌma Esis Romi 13:7 - Basef Buꞌwami Godi

⁷ Ipe' maol anama napomepa ma pese'am amamaga mamumami enis epes, pese'am. Amam mofa'asa takis, pese'ama takis. Amam mofa'asa moni maima motala waf mi'uli gavmani, pese'am. Dembemi hiami manda' maol bu'unai nandahama epes sefela agof amamumi, pefe' owina amam. Ipe' pendanifel ma pefela agofa anom amam, pefela agof amamumi.

Basef Amama Pol Nandaꞌam Mafeꞌma Esis Romi 13:7 Iomraidhean Croise

Matyu Nandaꞌafi 17:25

Ea' Pita na'i “A'e.” Pita notanima nafe' nawis anona ipat nomon, ea' Jisas nali' nahali'ana na'i, “Ine' okom na'imama? Amam king dambami etapami mofa' otamba ma takisa wiga maima emi? Amam mofa'asa epes hiesi esis amam nematawa amamisi etis a'a enis epes anona wambota?”

Matyu Nandaꞌafi 22:21

Ea' ma'i, “Anama Sisari gavman dembinai esis Romi.” Ea' nagwamama basef na'ipam na'i, “Ea' amamaga Sisari, amama pese'anam Sisar. Ea' amamaga Godi, pese'anam God.”

Mak Nandaꞌafi 12:17

Ea' nagwamama basef na'ipam na'i, “Ea' amamaga Sisari pese'anam Sisar. Ea' amamaga Godi, pese'anam God.” Ea' amam gegelalasom ukup matamea ma Anan.

Luk Nandaꞌafi 20:22

Mi'uli ape'inai na'iam na'imama? Ape' mose'ana takis Sisar gavman dembinai esis Romi o owa'?”

Luk Nandaꞌafi 20:25

Ea' nagwamam na'ipam na'i, “Ea' amamaga Sisari, amama pese'anam Sisar. Ea' amamaga Godi, pese'anam God.”

Luk Nandaꞌafi 23:2

Ea' ma'i mombaso'mana manda'mana basef ma'i, “Afa' wati aman anama nanda' waf aonai nafela ukup epes hiesi ma sonda' wandaf soloma gavman. Anan nandaiwa'ma epes sese'ana takisa gavman dembinai Sisar ea' na'ipapa na'i anan atona anona dembinai king Krais.”

Basef Amama Pol Nandaꞌam Mafeꞌma Esis Romi 12:10

Ipe' pese'asa opalef esis sahin owan ukup milas endilisi. Ipe' hipei atona etin pefela agof isima enis epes etis.

Basef Amama Pol Nandaꞌam Mafeꞌma Esis Romi 13:6

Amama atom dei' ipe' panda' takis. Dei' main, amam gavman manda'mana maol Godi la'ifim mumafi maol anama atona la'ela'ef.

Efesus 5:33

Ea' basef amama ofagema ma'iam na'ama wapoti' ma ipe' epes atona etin na'ama ma'i, “Ipe' amam hipei ukup mimila wauhiamepa ipe'iwai si'i ukup maimaila ipe' etipa.” Ea' ipe' nematawa hipei wapoti' pefela agofa wauhupipa ipe'imi pinifelom pila basef amamumi.

Efesus 6:5

Ipe' agof a'epa panda' maol na'a pape la'afena agufisi ipe'isi peme' basef asasimi pefe' owina esis umbamehepamas. Ipe' penda' maol anama pila basef asasimi andeande'ma ukup etifim si'i paila basef Kraisi.

1 Timoti 5:13

Ea' anona waf awau wanda'ana wapoti'. Wanda' waf anama ala'uta nawa. Ea' wafe' wawis ifagw. Awau ina ala'uta nawa, owa'. Wakwalopa basef enis epesi wanda'am wafe'agon hi'alagon. Ea' wawalapa basef mamumami ina andeande'ma ape' mi'iam, owa'.

1 Timoti 5:17

Amam agufumi mumafi ipe' Kristen manda' maol andeande' endilisi, ipe' pinifelom penda'am andeande' pimafiam pese'am gwa'aimi maim bif etif mikila' peso' anom agufumi ma siosi. Agufumi manda' maol Godi mawalipasa basef ofagema Ananimi ipe' pimafiam na'ama etin andeande'.

1 Timoti 6:1

Ipe' Kristen agof a'epa panda' opeh na'a pape owina enis epes, ipe' ata' ukup mopoma na'ama. Dembemi mumafi ipe'i, ipe' pinifelom pi'i bu'wami pefela agof amamumi peme' basef amamumi. Ama enis epes ina nambimb si'i basef awami ma agel Godi ma waf ipe' Kristen panda'anai, owa'.

1 Pita 3:7

Ipe' amam wauhupawa wapoti' pimafiawa ma gawa bu'unai, ukup mopoma alop awaunai ina la'ifina, owa'. Ipe' penda'awa andeande' pefela agof awaumi. Dei' main, awau wapoti' dei' walomepa ofa' ambal namunai God nose'epana. Ipe' penda'mawam na'ama ma ina anom amamaga mili'akwa beten ipe'inai, owa'.