Basef Amama Pol Nandaꞌam Mafeꞌma Esis Romi 13:6 - Basef Buꞌwami Godi

⁶ Amama atom dei' ipe' panda' takis. Dei' main, amam gavman manda'mana maol Godi la'ifim mumafi maol anama atona la'ela'ef.

Basef Amama Pol Nandaꞌam Mafeꞌma Esis Romi 13:6 Iomraidhean Croise

Luk Nandaꞌafi 23:2

Ea' ma'i mombaso'mana manda'mana basef ma'i, “Afa' wati aman anama nanda' waf aonai nafela ukup epes hiesi ma sonda' wandaf soloma gavman. Anan nandaiwa'ma epes sese'ana takisa gavman dembinai Sisar ea' na'ipapa na'i anan atona anona dembinai king Krais.”

Basef Amama Pol Nandaꞌam Mafeꞌma Esis Romi 12:8

Ea' emi egafis segawa ma sefela ukup enis epes, esis senda' maol anama endilisi sefela ukup asasimi. Emi egafis sese'an amamaga enin alupini, esis sese'an hiam. Emi egafis sumafi anona maol, ukup asasimi mohafel endilisi ma maol anama sanda'anai. Emi egafis siti enin alupini uwahipin ma sigiambaman simafian, esis sendanifel sigiambaman.

Basef Amama Pol Nandaꞌam Mafeꞌma Esis Romi 13:5

Na'ama dei' ape' mope owina gavman. Ea' ina umbamehepama nimanimi awami atom ea' mila basef amamumi, owa'. Ape' mila basef mape opalef ape'imi nomon ma'iami monda'am na'ama.

Basef Amama Pol Nandaꞌam Mafeꞌma Esis Romi 13:7

Ipe' maol anama napomepa ma pese'am amamaga mamumami enis epes, pese'am. Amam mofa'asa takis, pese'ama takis. Amam mofa'asa moni maima motala waf mi'uli gavmani, pese'am. Dembemi hiami manda' maol bu'unai nandahama epes sefela agof amamumi, pefe' owina amam. Ipe' pendanifel ma pefela agofa anom amam, pefela agof amamumi.