Basef Amama Pol Nandaꞌam Mafeꞌma Esis Romi 13:13 - Basef Buꞌwami Godi

¹³ Ape' mope andeande' si'i epes sape alipi. Ina mea' embel la'ifimi mohaga mogaol ea' mopan mi'i basef wandafumi, owa'. Ape' ina monda' waf so'a waolanai monda' salamala basef awami. Ape' ina monda' migimigah mopa' ea' kowalepa ma amamaga enis epesi, owa'.

Basef Amama Pol Nandaꞌam Mafeꞌma Esis Romi 13:13 Iomraidhean Croise

Luk Nandaꞌafi 1:6

Esis bias Sakaraia Elisabet sape bo'wes ma naep Godi saila mi'uli ananinai hianai hi'alana. Ea' saila basef Godi andeande' basef ofagema a'as.

Luk Nandaꞌafi 16:19

Anona aman amamaga hiamunai nape. La'ela'ef anan nala siaogw bu'wami atom luwaguf bu'wami satalom otamba lu'wami. Ea' nimeguf hiami nefa' gwa'aimi bu'wami atom nape andeande' endilisi.

Luk Nandaꞌafi 21:34

Ae' ataga epen endilisiwei. Ipe' pindumafuma andeande' nemaf anama ae' iefi'ianai. Na'ama penda' waf aonai penda' waf alop atonai, pea' embel la'ifimi hiami ukup motamea ma nimanimi mamumami etapami atom. I'i waf anama nose'elipa hi'ilipa, nemaf anama ae' iefi'ianai notagamepa mehip si'i sakwaha wambawa saha mafis.

Aposel 2:15

Ipe' pa'i amam amama manda' spak, owa'. Dei' ata' kuhimbita aon ata' natefi nail etin si'i 9 klok.

1 Korin 3:3

Dei' main, ipe' ata' pape la'ela'ef paila waf etapanai. Endilisi, waf anama nawalapai waf kowalasanai naloma ukup aoma sahin owan ma basef safitapami ata' mape la'ela'efa ipe'. Amama mihi'amba ape' hiapai ipe' ata' paila waf anama aonai etapanai. Waf anama epes etapesi atona.

Galesia 5:19

Waf opaf apinai epes hiesi sogawana ea' nape alihina. Anama na'ama. So'a waol, waf aonai, ukup mohafema waf aonai,

Galesia 5:21

ukup aoma kowalasa amamaga enis epesi, sanda' spak sahaga sagaol, sa' gwa'aimi maloma embel la'ifimi hiami ma sanda' awalef awami, ea' waf naninani aonai na'ama. Fowa' a'ipipa dei' i'ipipa wapoti'. Emi egafis sanda' waf anama aonai, anona nemaf ina sefe' suwis wambel Godi, owa'.

Efesus 4:1

Basef amama mali'i endilisimi atom. Ea' dei' a'i efela ukup ipe'imi ma basef la'ifimi amama. A'i fe' pe ipe'inai nefe' dende'ma waf bu'unai okom Godi na'ianai nofalapa ma milana. Ae' anda' kalabusa maol anama Dembinai dei' a'ipipa na'ama afela ukup ipe'imi.

Efesus 4:17

Dei' a'i i'ipipa anom basef. Ipe' pape la'ifipa paloma Jisas Dembinai dei' a'ipipa basef la'ifima ma agel Ananinai. Ipe' ina ata' pila waf anama sololama Godi sailanai, owa'. Hapainai. Epes isima ukup asasimi mapoma waf falafunai atona.

Efesus 5:15

Ipe' pape howalagoma ea'. Ea' pimafia fe' pe ki ipe'inai. Ipe' ina pepe si'i epes isima gawa a'asi, owa'. Ipe' pepe si'i epes isima gawaisi.

Efesus 5:18

Ea' ipe' ina pea' embel la'ifimi pehaga pegaol, owa'. Waf anama nahambombaga ipe'. Ipe' aho'ma Ambal Bu'unai Godi nopaipa si'ipa.

Efesus 5:8

Dei' main, fowa' ipe' ata' panda waf aonai si'i pape owamb. Ea' dei' pape la'ifipama paloma Jisas Dembinai, amama atom dei' nahaponepa papoma si'i pape howalagoma. Ipe' pefe' si'i epes safe' alip howalagoma.

Filipai 1:27

Dei' fe' ipe'inai nefe' bo'ona nila basef bu'wami Kraisi. I'i ae' efe'mago ipe', o i'i eme' basef atoma ipe', ea' hapaimi. A'i ata' egawa ipe' paitu la'ifipa opalef etifim pandagigiambanama pafela esisa sembale'efa basef amama bu'wami

Filipai 2:3

Ipe' ina ukup mopoma ipe' etipa penda' opeha enis epes safela agof ipe'imi lu'um, owa'. Ipe' pefe' owina enis epes ea' ina pi'i pepe ilifa esis, owa'.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

Kolosi 3:5

Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

1 Tesalonaika 2:12

Wa'ipipam na'ama ma ipe' penda' waf nefe' andeande'ma God nitilipa ninifelipa. Ea' nofalepa pafi'i piwis pelomana wambel Ananinai howalogoma.

1 Tesalonaika 4:12

Penda'am na'ama ma pefe' andeande' naep esis isima owa' ata' somboma opalef sotaga Kristen. Ea' penda'am na'ama ma ina kwahupa anom amamaga, owa'.

1 Tesalonaika 5:17

Penda' beten pihali' God la'ela'ef owamb alip.

Jems 4:5

Ipe' ina pi'i basef Godi mail buk Baibeli falafumi, owa'. Basef amama ma'i na'ama ma'i, “Ambal anama napaipai God nase'apana nanda'apa ukup matamea ma mofa' amamaga mamumami hiami.”

1 Jon 2:6

Emi egafis sa'i, “Ape' mape la'ifipa maloma God”, pe asasinai notaga bo'ona si'i pe Jisas Kraisi.

2 Jon 1:4

Ae' andanifel endilisi ma egawa enis awasi ine'isi saila basef bu'wami endilisimi si'i Ahalomapa na'ipapa basef la'ifimima milam.

Basef Ifimba Jut Nandaꞌafi 1:23

Enis epes sowa' alafugaha Godi si'i sape nif fandumi la'afen, ipe' mehip gwasi'as sotanimani. Ea' enis epes sanda' waf aonai la'ela'ef, ipe' umbamehepamas. Na'ama sohonde'epa pefe' nif. Ea' piti esis uwahipis pigiambamas. Waf apinai aonai asasinai si'i sowaho' luwaguf alogw la'ifimi mailami. Ea' ipe' pewa' alafugaha waf anama aonai pendafa'mana endilisi.