Basef Amama Pol Nandaꞌam Mafeꞌma Esis Romi 13:12 - Basef Buꞌwami Godi

¹² Owamb na'i hi'ilana ea' felefele'ma lola notaga. Na'ama andeande'ma ape' mokwaha waf hianai aonai owambunai ma monda' waf bu'unai alipunai pepe la'ifipa si'i mofa' walitapa mahagasa wandafa waf aonai.

Basef Amama Pol Nandaꞌam Mafeꞌma Esis Romi 13:12 Iomraidhean Croise

Basef Amama Pol Nandaꞌam Mafeꞌma Esis Romi 13:14

Ea' dei' pefa' Dembinai Jisas Krais ea' pindawisana si'i luwaguf amama lu'wami sanda' wandafami pefa'ama pelam. Ipe' ina ukup motamea pila ukup awami alop atonaimi, owa'.

1 Korin 10:11

Amamaga amama hiami matagama esis, amama si'i anona ikwafa ape' dei' mape nogota anae' felefele'ma na'i hi'ilana. Amama si'i anona ikwafa ape' motolona mundumafuma andeande'. Na'ama monda' waf aonai si'i esis.

1 Korin 7:29

Ipe' alupipei, a'i basef ae'ami ofagema na'ama. Dei' nogota anae' ea' bandana ma etap anae' na'i higililona. Amama atom dei' ipe' amam paso' nematawai pepe si'i nematawa a'ipei.

2 Korin 10:4

Amamaga hiami sapa'ami afa' wahapilami amam ina etapami, owa'. Amama pepel Godi, la'ifinai ma notala endalelemb pepel naumbih Seteni.

2 Korin 6:7

Wawalapa basef endilisimi wanda' maol waloma pepel Godi. Afa' waila waf bu'unai si'i wahapila amamaga wapa'ami lagof biam da'isinai iganai.

Efesus 4:22

Fowa' ipe' pelafa basef amama na'ama. Dei' kwahana opaf anama fowa'inai ma waf aonai ipe' panda'anai. Opaf anama ofagonama waf baso'mainai anama dei' nape nahambombagapa. Dei' kwahona opaf anama fowa'inai.

Efesus 5:11

Ipe' ina peloma epes isima sanda' waf aonai si'i sape owambi pendao'oma atogon etin, owa'. Waf anama wafinai atona ina nola gwa'imi bu'wami, owa'. Ipe' pekwaha epes isima hiesi sanda' waf anama aonai.

Efesus 5:8

Dei' main, fowa' ipe' ata' panda waf aonai si'i pape owamb. Ea' dei' pape la'ifipama paloma Jisas Dembinai, amama atom dei' nahaponepa papoma si'i pape howalagoma. Ipe' pefe' si'i epes safe' alip howalagoma.

Hibrui 10:25

Ape' ina ukup mose'apama waf mandakolas maloma esis alupusi si'i enis epes sanda'am, owa'. Ape' monda' ape' la'ifipa monda'am la'ela'ef mikila' fowa' manda'am. Dei' main, ipe' pegawa nemaf Dembinai niefi'ianai nafi'i felefele'.

Hibrui 12:1

Dei' ape' monda' main? Epes fowa'isi sembale'efa Godi saitu salipapa si'i elagw lu'wami mase'alepa mindiwapapa sihi'ambapa waf sembale'efanai. Amama atom ape' dei' mokwaha amamaga amama manda' ape' nimanipai maloma waf aonai nowa'apai. Ea' monda' opalef ape'imi la'ifima mosagih mehip ma sagih bu'unai anama God nandandepana musagihanai meataga ikwaf.

Jems 1:21

Amama atom dei' ipe' kwahago waf aonai neloma waf aonai hianai hi'ilana. Waf anama aonai epes hiesi sanda'ana la'ela'ef. Ea' pinindifa ipe' pepe owina Goda pefa' basef amama ananimi mope opalef ipe'imi. Basef amama la'ifimi ma mofa'ai ipe' pitanima pifi'mai God.

Jems 5:8

Ipe' wapoti' penda' opalef ipe'imi la'ifim ea' pepe opalef awanem. Dei' main, nemaf Dembinai notanima niefi'ianai felefele' notaga.

1 Pita 2:1

Ipe' pendombasa ipe' andeande' ma waf hianai baso'omainai pa'i malogof biamipei ukup kowalipamami maloma waf anama pi'i basef awami alafugaha enis epes. Waf anama aonai, ipe' pekwahona.

1 Pita 4:7

Nogota amamaga amama ma'i hi'ilamanai nafi'i felefele'. Amama atom ipe' ukup mope andeande' ea' pimafi alop ipe'inai andeande'ma ipe' la'ifipa ma penda' beten.

2 Pita 3:11

Endilisi amamaga amama anona nemaf mefe' hi'ilam na'ama. Ea' ipe' penda' main? Ipe' pepe pila waf bu'unai atona pila waf hianai Godi.

2 Pita 3:9

Dembinai ina nanda' maol so'uso'umbela nowalapai amamaga anan okom na'i endilisi etina nienda'ami si'i enis epes ukup mapoma maol sanda'ana so'uso'umbel, owa'. Anan nandaiwa'ma enin epen atitin higililan. Anan okom na'i epes hiesi hi'ilas somboma opalef sefe'ma Anan. Amama atom dei' Anan okom napoma ipe' dei' nape nohafepa palomas.

1 Jon 2:18

Ipe' alupipei ae'ipei, ae' okom maimailipa, dei' nemaf na'i hi'ilana. Fowa' ipe' pame' basefa naumbih Kraisi ma'i motaga. Ea' dei' naumbih Ananimi hiami mataga ea'. Ape' mogawa dei' nogota na'i hi'ilana.

Revelesen 1:3

Emi egafis setalifa basef amama Godi mail buk anama ma malogof asasimi ma amamaga anona nemaf migi' meatagai, esis God nonda'as sondanifel. Ea' emi egafis some' basef amama ma ukup asasimi, esis sondanifel wapoti'. Dei' main, nemafa amamaga amama migi' meatagai felefele'ma motaga.

Revelesen 22:10

Ea' na'ipi na'i, “Basef amama Godi mape buk anama, ina nembaho'am nesapamam mope, owa'. Dei' main, nogota God na'i nonda' amamaga amama, anama felefele'ma notaga hi'ilana.