Basef Amama Pol Nandaꞌam Mafeꞌma Esis Romi 13:11 - Basef Buꞌwami Godi

¹¹ Ae' a'i ipe' penda' waf anama. Dei' main, ipe' pegawa nogota anae' mapeinai. Nogota anae' ipe' pekwaha koh pehafel. Ipe' pegawa fowa' ape' mataga mombale'efana dambaipa, nemaf anama God na'i nefa'apa motanimani ata' napani laogon, ea' dei' nataga felefele'.

Basef Amama Pol Nandaꞌam Mafeꞌma Esis Romi 13:11 Iomraidhean Croise

Matyu Nandaꞌafi 16:3

Ea' kuhimbita pa'i, ‘Otaga ilagw ea' alialim. Manda'am na'ama ma atuwasi uf nuluwi asaf nolai.’ A'e, ipe' pati ikwaf hianai ilifanai etapanai andeande' ea' dei' ipe' owa' pegawa ikwaf nogota anae' andeande'.

Luk Nandaꞌafi 21:28

Nemaf anama amamaga amama mohafel, ipe' pitu piniga. Dei' main, nemaf anama felefele'ma neataga God notagahipa ma waf aonai ipe' panda'anai nofa'epa petanimani.”

1 Korin 10:11

Amamaga amama hiami matagama esis, amama si'i anona ikwafa ape' dei' mape nogota anae' felefele'ma na'i hi'ilana. Amama si'i anona ikwafa ape' motolona mundumafuma andeande'. Na'ama monda' waf aonai si'i esis.

1 Korin 15:34

Dei' ipe' pekwaha ukup amama masi'ipei, pitanimani ukup mopan andeande'. Ipe' ina penda' waf aonai wapoti', owa'. Ae' enda'epa ambagof aoma anom basef dei' a'ipipami. Enis epes ipe'isi ina dei' sogawa God endilisi, ata' owa' etin. Ofagema amama ipe' etipa.

Efesus 5:14

Dei' main, maim amamaga mataga alihim mandawalap, amama mataga mape howalagoma. Amama atom dei' anom basef mape ma'i na'ama ma'i, “Ipe' epes pa'ihi dei' hafel mehip pekwaha koh! Ipe' pehafel hi'agif ea' Krais nese'epa howalagon mififima ipe'.”

Jems 5:8

Ipe' wapoti' penda' opalef ipe'imi la'ifim ea' pepe opalef awanem. Dei' main, nemaf Dembinai notanima niefi'ianai felefele' notaga.

1 Pita 4:7

Nogota amamaga amama ma'i hi'ilamanai nafi'i felefele'. Amama atom ipe' ukup mope andeande' ea' pimafi alop ipe'inai andeande'ma ipe' la'ifipa ma penda' beten.

2 Pita 3:11

Endilisi amamaga amama anona nemaf mefe' hi'ilam na'ama. Ea' ipe' penda' main? Ipe' pepe pila waf bu'unai atona pila waf hianai Godi.

2 Pita 3:9

Dembinai ina nanda' maol so'uso'umbela nowalapai amamaga anan okom na'i endilisi etina nienda'ami si'i enis epes ukup mapoma maol sanda'ana so'uso'umbel, owa'. Anan nandaiwa'ma enin epen atitin higililan. Anan okom na'i epes hiesi hi'ilas somboma opalef sefe'ma Anan. Amama atom dei' Anan okom napoma ipe' dei' nape nohafepa palomas.

1 Jon 2:18

Ipe' alupipei ae'ipei, ae' okom maimailipa, dei' nemaf na'i hi'ilana. Fowa' ipe' pame' basefa naumbih Kraisi ma'i motaga. Ea' dei' naumbih Ananimi hiami mataga ea'. Ape' mogawa dei' nogota na'i hi'ilana.

Revelesen 1:3

Emi egafis setalifa basef amama Godi mail buk anama ma malogof asasimi ma amamaga anona nemaf migi' meatagai, esis God nonda'as sondanifel. Ea' emi egafis some' basef amama ma ukup asasimi, esis sondanifel wapoti'. Dei' main, nemafa amamaga amama migi' meatagai felefele'ma motaga.

Revelesen 22:10

Ea' na'ipi na'i, “Basef amama Godi mape buk anama, ina nembaho'am nesapamam mope, owa'. Dei' main, nogota God na'i nonda' amamaga amama, anama felefele'ma notaga hi'ilana.

Revelesen 22:12

Ea' Jisas na'i, “Peme'! Anona nemaf Ae' etaga mehip. Ea' ifi'i eloma amamaga bu'wami awami, ewaloga esis amam nematawa hiesi egwamasam atona etin mondahama waf esis sanda'anai.

Revelesen 22:20

Ae' Dembiwei a'i basefa amamaga mail buk anae', Ae' a'i amama endilisimi atom. Ea' dei' a'i, “Endilisi, Ae' anona nemaf ifi'i mehip!” Endilisi, Dembinai Jisas, ine' nifi'i!