Basef Amama Pol Nandaꞌam Mafeꞌma Esis Romi 12:8 - Basef Buꞌwami Godi

⁸ Ea' emi egafis segawa ma sefela ukup enis epes, esis senda' maol anama endilisi sefela ukup asasimi. Emi egafis sese'an amamaga enin alupini, esis sese'an hiam. Emi egafis sumafi anona maol, ukup asasimi mohafel endilisi ma maol anama sanda'anai. Emi egafis siti enin alupini uwahipin ma sigiambaman simafian, esis sendanifel sigiambaman.

Basef Amama Pol Nandaꞌam Mafeꞌma Esis Romi 12:8 Iomraidhean Croise

Matyu Nandaꞌafi 25:40

Ea' ae' dembiwei king egwamasa basef i'i, ‘Ae' a'ipipa endilisi! Maim opeh bu'wami ipe' panda'ama pagiambama esis sahin owan ae'asi falafisi agof a'asi, amama ipe' ina panda'masam esis etis, owa'. Panda'meam ae' wapoti'.’

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 13:12

Ea' gavman anama dembinai nati amamaga amama gegelalasona endilisi ma basef Dembinai ea' dei' nembale'efa Jisas.

Aposel 13:15

Ea' anona aman natalifa basefa mi'uli God naso' Mosesanai maloma basef amam profet ma'iami ea' amam agufumi Judai masapa' basef mafe'ma Pol naloma amam manda' maol etini ma'iam ma'i, “Alupipei, ipe' i'i anom basefa monda' ukup esis amam nematawai motaga la'ifim, ipe' awi kiam.”

Aposel 15:32

Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi.

Aposel 20:2

Anan nafe' anama hiagoma nawalipasa basef hiami esis Kristen nanda' opalef asasimi mataga la'ifim. Ea' nafe' nataga etap hiagoma esis Grik sapoma.

Aposel 20:28

Ipe' pimafi ipe' andeande' ea' pimafi esis amam nematawa isima Ambal Bu'unai Godi nandandepepa ea' ma pimafiasi. Ipe' pindumafuma andeande' ma pimafi esis Kristen sios Godi andeande' si'i sanda' maoli sumafi sipsip andeande'. God natala esis Kristen ea' ma esimbel ananimi atom.

Aposel 4:36

Ea' anona aman agel ananinai Josep amam aposel manda'mana anona agel Barnabas. Agel anama ofagena na'ama, “Epen nenda' ukup epesi la'ifim.” Anan anona Livai, aman anama ailan Saiprusinai.

Basef Amama Pol Nandaꞌam Mafeꞌma Esis Romi 12:13

I'i amam nematawa Godi amamaga a'as, pigiambamas pese'asam. I'i epes anona wambel laugunasi sifi'i setagamepa, pimafias andeande'.

Basef Amama Pol Nandaꞌam Mafeꞌma Esis Romi 13:6

Amama atom dei' ipe' panda' takis. Dei' main, amam gavman manda'mana maol Godi la'ifim mumafi maol anama atona la'ela'ef.

1 Korin 12:28

God nahapona enis epes ananisi sape na'ama ma sios. Mali'i aposel, sagi'i profet, safe'ma wenifi, esis tisa sawalipasa basef ofagema Godi. Ea' sagi'ma amama epes isima sanda' betena sanda' la'ifimi si'i God nanda'ami. Ea' epes isima sanda' awes nanda'asi sataga bo'wes wapoti' ea' esis isima sagiambama enis epesi, saloma amam mumafi maol siosi naninani hianai saloma isima sogawa ma si'i diga naninani hianai.

1 Korin 14:3

Ea' emi egafis Ambal Godi nafelasa sa'i basef Godi si'i profet, epes isima sa'ipam sanda'am sa'ipasam sanda'as la'fisa sombale'efa Dembinai ea' sa'ipas safelasa sonda' waf bu'unai nonda' opalef asasimi awanem.

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

2 Korin 11:3

Ea' ae' umbamahe. Na'ama ukup ipe'imi aom ea' pekwaha waf anama pepan andeande' ukup mopoma Krais atona si'i fowa' gani yul anama gawainai nambaso'ma Iv.

2 Korin 8:12

I'i ipe' penda'am na'ama God natolom na'i waf bu'unai ma okom ananinai. Ea' amamaga a'ipei, hapaimi. God nogawam.

2 Korin 9:11

Nambimb ipe' pefa' amamaga hiami ma la'ela'ef la'ifipama peso' alupusi kwahusi ma amamaga hiami. Nemaf mamana afa' ofa' amamaga amama ipe'imi ma oso'asam alupusi isima, waf bu'unai ipe'inai nanda' esis sanifela God.

2 Korin 9:13

Waf anama ipe'inai nandawalap alihiguma nihi'amba epes hiesi ma ipe' paila basef Godi andeande'. Ea' enis epes wapoti' sefela agel Godi lu'una ma ipe' paila basef bu'wami Kraisi pawalapama pagiambama esis saloma enis epes wapoti' hi'alas.

2 Korin 9:7

Ea' ipe' hipei ata' pili' ukup motamea andeande' atona etin ea' pila nomonas amama atom pese'as amamaga. Na'ama enin epen okom aona nese'as amamaga ananimi o enin epen ni'i enis epes si'ipan mehipa nese'as na'ama, owa'. Dei' main, God okom nainaila epes isima sandanifel sase'as amamaga.

Efesus 6:5

Ipe' agof a'epa panda' maol na'a pape la'afena agufisi ipe'isi peme' basef asasimi pefe' owina esis umbamehepamas. Ipe' penda' maol anama pila basef asasimi andeande'ma ukup etifim si'i paila basef Kraisi.

Kolosi 3:22

Ipe' agof a'epa pape owina enis epes panda' maolanasi, pila basef amama hiami agufumi. Ipe' ina penda' maola naep asasimi atom, owa'. Ipe' umbamehepa ma Dembinai, dei' opalef ipe'imi mope bo'oma maol anama penda'ana andeande'.

1 Tesalonaika 2:3

Basef ofagema wa'ipipami ina wa'i onda' waf aonai ma ipe', owa'. Afa' ina waila basef amama falafumi baso'maimi wa'ipipam, owa'.

1 Tesalonaika 2:8

Afa' ukup maimailipa endilisi. Ea' wase'epa basef bu'wami Godi. Ina wa'ipipa basef atom, owa' wase'epa opalef endilisi ma ipe'. Ea' wandandombam ma oga' wigiamabamepa.

1 Timoti 4:13

Nogota anama ine' ata' nepe la'ela'ef nehafa ae', nenda' maol la'ifina ma nitalifa basef Godi alihiguma ma epes hiesi seme'am, ea' nefela ukup asasimi ma waf sonda'anai ni'ipasa basef Godi andeande'.

1 Timoti 5:17

Amam agufumi mumafi ipe' Kristen manda' maol andeande' endilisi, ipe' pinifelom penda'am andeande' pimafiam pese'am gwa'aimi maim bif etif mikila' peso' anom agufumi ma siosi. Agufumi manda' maol Godi mawalipasa basef ofagema Ananimi ipe' pimafiam na'ama etin andeande'.

1 Timoti 6:18

Ine' kipa epes isima amamaga hiamisi, sonda'ama sigiambama maol bu'unai. Esis la'ela'ef sowaloga amamaga asasimi soso' enis epes.

Hibrui 10:25

Ape' ina ukup mose'apama waf mandakolas maloma esis alupusi si'i enis epes sanda'am, owa'. Ape' monda' ape' la'ifipa monda'am la'ela'ef mikila' fowa' manda'am. Dei' main, ipe' pegawa nemaf Dembinai niefi'ianai nafi'i felefele'.

Hibrui 13:17

Amam agufumi ipe'imi ma'i migiambamepa ea' mumafi ipe' la'ela'ef. Ama anona nemaf amam mowalapa basefa Goda maol hianai manda'ana mumafi ipe'. Amama atom dei' ipe' pila basef amamumi ea' pepe owina amam. I'i penda'am na'ama ma amam mondanifela monda' maol anama ma ukup amamumi ina aom mupan. I'i amam monda'ana moloma ukup awami, amama nambimb ina migiambamepa, owa'.

Hibrui 13:22

Ipe' alupipei, ae' a'ipipa basef la'ifimi, peme' basef anda'ami ma efela ukup ipe'imi enda'epa petaga la'ifipa. Dei' main, basef amama ae' anda'ama ipe', amama basef bandami atom.

Hibrui 13:24

Ipe' penda'mago nemaf bu'unai afa'inai ma amam agufumi hiami ipe'imi molomago esis amam nematawa Godi hiesi. Esis Kristen alupusi sape Itali sanda'mepago nemaf bu'unai ipe'.

Hibrui 13:7

Ipe' ukup mopoma amam agufumi ipe'imi fowa' mawalapa basef Godi ma ipe'. Ipe' ukup mopoma fe' bu'unai amamunai ea' pefe' pila waf amam membale'efa God.